ଇସଲାମାବାଦ: ପାକିସ୍ତାନ ମନ୍ତ୍ରୀ କୋରୋନା ସଂକ୍ରମିତ । ପାକିସ୍ତାନର ରାଜ୍ୟ ତଥା ସୀମାନ୍ତ ଅଞ୍ଚଳ ଏବଂ ଅବକାରୀ ନିୟନ୍ତ୍ରଣ ମନ୍ତ୍ରୀ ଶେହେରୟାର ଆଫ୍ରିଦିଙ୍କ କୋରୋନା ପରୀକ୍ଷା ରିପୋର୍ଟ ପଜେଟିଭ ରହିଛି । ମନ୍ତ୍ରୀ କୋରୋନା ଆକ୍ରାନ୍ତ ରହିଥିବା ଟ୍ବିଟ କରି ସୂଚନା ଦେଇଛନ୍ତି ।
ଶନିବାର ଟ୍ବିଟରେ ମନ୍ତ୍ରୀ କହିଛନ୍ତି ଯେ, ତାଙ୍କ କୋଭିଡ ରିପୋର୍ଟ ପଜେଟିଭ ରହିଛି । ଡାକ୍ତରଙ୍କ ପରାମର୍ଶ ଅନୁଯାୟୀ ନିଜକୁ ଆଇସୋଲେଟେଡ କରିବା କଥା କହିଛନ୍ତି ।
ସିନ୍ଧ ରାଜ୍ୟପାଳ ଇମ୍ରାନ ଇସମାଇଲ ଏବଂ ରାଷ୍ଟ୍ରୀୟ ବିଧାନସଭା ବାଚସ୍ପତି ଆସାଦ କ୍ୟୁସେର କୋରୋନା ସଂକ୍ରମିତ ହେବାର ସପ୍ତାହେ ପରେ ପାକିସ୍ତାନର ବରିଷ୍ଠ ମନ୍ତ୍ରୀ କୋରୋନା ସଂକ୍ରମିତ ହୋଇଛନ୍ତି ।
ବର୍ତ୍ତମାନ ସିନ୍ଧ ରାଜ୍ୟପାଳ ଓ ବାଚସ୍ପତି ଉଭୟ ସୁସ୍ଥ ହୋଇଛନ୍ତି ।
ଏଠାରେ ସୂଚନା ଯୋଗ୍ୟ ଯେ, ବର୍ତ୍ତମାନ ସୁଦ୍ଧା ପାକିସ୍ତାନରେ 68,554 ଜଣ ଲୋକ କୋରୋନା ସଂକ୍ରମିତ ହୋଇଛନ୍ତି । ଏହାସହ ଦେଶରେ 1,447 ଜଣଙ୍କର କୋରୋନା କାରଣରୁ ମୃତ୍ୟୁ ଘଟିଛି।
@PTI
