କାଠମାଣ୍ଡୁ: ନେପାଳରେ ମର୍ମନ୍ତୁଦ ସଡକ ଦୁର୍ଘଟଣା । ବସ୍ ଦୁର୍ଘଟଣାରେ 11 ଯାତ୍ରୀଙ୍କ ମୃତ୍ୟୁ ହୋଇଥିବାବେଳେ 30ରୁ ଉର୍ଦ୍ଧ୍ବ ଯାତ୍ରୀ ଆହତ ହୋଇଛନ୍ତି । ଆହତମାନଙ୍କୁ ଚିକିତ୍ସା ନିମନ୍ତେ ଡାକ୍ତରଖାନାରେ ଭର୍ତ୍ତି କରାଯାଇଛି । ସିନ୍ଧୁପାଲଚୌକ ଜିଲ୍ଲାରେ ଏହି ଭୟାବହ ସଡକ ଦୁର୍ଘଟଣା ହୋଇଛି ।
ଖବରମୁତାବକ, ବସଟି ଭୋଟସିୟା ଠାରୁ କାଠମାଣ୍ଡୁ ଯାତ୍ରା କରୁଥିବା ସମୟରେ ବସ୍ଟି ନିଜର ନିୟନ୍ତ୍ରଣ ହରାଇ ଓଲଟି ପଡିଥିଲା । ବସ୍ରେ 50ରୁ ଉର୍ଦ୍ଧ୍ବ ଯାତ୍ରୀ ଉପସ୍ଥିତ ଥିଲେ ।
ଡିଏସପିଙ୍କ ସୂଚନାନୁସାରେ, ମୃତକ ଓ ଆହତଙ୍କ ସଂଖ୍ୟାରେ ବୃଦ୍ଧି ଘଟିପାରେ । ସୁରକ୍ଷାକର୍ମୀଙ୍କ ଦ୍ବାରା ଉଦ୍ଧାର କାର୍ଯ୍ୟ ଜାରୀ ରହିଛି । ଆମ୍ବୁଲାନ୍ସ ଓ ହେଲିକ୍ୟାପ୍ଟରକୁ ଉଦ୍ଧାର କାର୍ଯ୍ୟ ପାଇଁ ନିୟୋଜିତ କରାଯାଇଛି ।
