ଇସଲାମାବାଦ: ବିଶ୍ବବ୍ୟାପୀ ଖେଳିଯାଇଛି କୋରୋନାର ଆତଙ୍କ । ଦିନକୁ ଦିନ ବ୍ୟାପକ ହେଉଛି କୋଭିଡ-19 । ଯାହାକୁ ନେଇ ସମସ୍ତ ଦେଶର ସ୍ଥିତି ଏବେ ବିଗିଡିବାରେ ଲାଗିଛି । ଏହାକୁ ରୋକିବା ନେଇ ଅନେକ ପଦକ୍ଷେପ ମାନ ଗ୍ରହଣ କରାଯାଉଛି । କେତେକ ଦେଶରେ ଲକଡାଉନ ମଧ୍ୟ ଘୋଷଣା କରାଯାଇଛି । ତଥାପି ସ୍ଥିତିରେ କୌଣସି ପରିବର୍ତ୍ତନ ଆସୁନି ।
ତେବେ ବର୍ତ୍ତମାନ ପରିସ୍ଥିତିରେ ପାକିସ୍ତାନରେ ମଧ୍ୟ କୋରୋନା ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ଶନିବାର ସୁଦ୍ଧା ଦେଶରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇ 2 ହଜାର 818ରୁ ଉର୍ଦ୍ଧ୍ବରେ ପହଞ୍ଚିଛି । ଏହାସହ ପାକିସ୍ତାନ ସୀମାରେ ଥିବା ପଞ୍ଜାବରେ ଆକ୍ରାନ୍ତଙ୍କ ସଂଖ୍ୟା 1131 ରହିଥିବାବେଳେ ସିନ୍ଧରେ ରହିଛି 839, ଖାଇବର ପଖତୁନଖ୍ବାରେ 383, ବାଲୁଚିସ୍ତାନରେ 175, ଗିଲଗିଟ ବାଲଚିସ୍ତାନରେ 193, ଇସଲାମବାଦରେ 75 ଓ ପିଓକେରେ ସବୁଠୁ କମ 12 ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଏହାବ୍ୟତୀତ ଏହି ଭାଇରସରେ ବର୍ତ୍ତମାନ ସୁଦ୍ଧା ଦେଶରେ 41 ଜଣଙ୍କର ମୃତ୍ୟୁ ହୋଇସାରିଛି ।
