ଇସଲାମବାଦ: ପାକିସ୍ତାନ ବାୟୁସେନାର ଏକ ପ୍ରଶିକ୍ଷଣ ବିମାନ ଦୁର୍ଘଟଣାଗ୍ରସ୍ତ ହୋଇଛି । ପାକିସ୍ତାନ ପଞ୍ଜାବର ସୋରକୋଟ ସହର ନିକଟରେ ଏକ ଟ୍ରେନିଂ ଅପରେସନ ବେଳେ ଦୁର୍ଘଟଣାଗ୍ରସ୍ତ ହୋଇଛି ପ୍ରଶିକ୍ଷଣ ବିମାନ । ପାଇଲଟ ପାରାଚ୍ୟୁଟ ସାହାଯ୍ୟରେ ନିଜ ଜୀବନ ରକ୍ଷା କରିଛନ୍ତି ।
ଦୁର୍ଘଟଣାରେ କେହି ମୃତାହତ ହୋଇନାହାଁନ୍ତି । ଏନେଇ ପାକ ମୁଖପାତ୍ର ସୂଚନା ଦେଇଛନ୍ତି । ଦୁର୍ଘଟଣାର ତଦନ୍ତ କରିବାକୁ ପାକ ବାୟୁସେନା ପକ୍ଷରୁ ନିର୍ଦ୍ଦେଶ ଦିଆଯାଇଛି ।
ଗତ ମାସରେ ମଧ୍ୟ ପାକିସ୍ତାନ ବାୟୁସେନାର ଏକ ପ୍ରଶିକ୍ଷଣ ବିମାନ ଏଫଟି-7 ମିଆଁନୱାଲି ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା । ଏହି ଦୁର୍ଘଟଣାରେ ଦୁଇ ପାଇଲଟ ସ୍କ୍ବାର୍ଡନ ଲିଡର ହରିସ ବିନ ଖଲିଦ ଓ ଫ୍ଲାଇଙ୍ଗ ଅଫିସର ଇବାଦୁର ରେହେମାନ ପ୍ରାଣ ହରାଇଥିଲେ ।
