ସିଓଲ: କିଛି ମାସର ବିରତି ପରେ ଦକ୍ଷିଣ କୋରିଆରେ ପୁଣି ସ୍ବାଭାବିକ ହେବ ପର୍ଯ୍ୟଟନ । ଦେଶର ଅନ୍ୟତମ ଆକର୍ଷଣ ରାଜପ୍ରସାଦରେ ରାତ୍ରିକାଳୀନ ଭ୍ରମଣ ବା ନାଇଟ ଟୁର ପାଇଁ ଅଧିକାଂଶ ପର୍ଯ୍ୟଟକ ଇଚ୍ଛା ପ୍ରକାଶ କରିଥାଆନ୍ତି । ହେଲେ କୋରୋନା ସଂକ୍ରମଣ ପାଇଁ ଏହା ପ୍ରାୟ 2 ମାସରୁ ଊର୍ଦ୍ଧ୍ବ ସମୟ ପାଇଁ ରହିଥିଲା । ଶନିବାର ସାଂସ୍କୃତିକ ଐତିହ୍ୟ ପ୍ରଶାସନ (ସିଏଚଏ) ଏନେଇ ଏହି ସେବା ଆସନ୍ତା ସପ୍ତାହରୁ ପୁଣି ଆରମ୍ଭ ହେବ ବୋଲି ଘୋଷଣା କରିଛନ୍ତି ।
ପ୍ରସିଦ୍ଧ ଗ୍ୟେଓଙ୍ଗବୋକଗୁଙ୍ଗ ଷ୍ଟାର ଲାଇଟ ଟୁର ଆସନ୍ତା ସପ୍ତାହ ବୁଧବାର ଅର୍ଥାତ ମେ’ 27ରୁ ଆରମ୍ଭ ହେବା ନେଇ ଜଣାପଡିଛି । ଏହି ଟୁର ଆସନ୍ତା ଜୁନ 8 ଯାଏଁ ଚାଲିବ । ସେପଟେ ଚ୍ୟାଙ୍ଗଦେଓକଗୁଙ୍ଗ ମୁନଲାଇଟ ଟୁର ମେ’ 27ରୁ ଆରମ୍ଭ ହୋଇ ଜୁନ 21 ଯାଏଁ ଚାଲିବାର ଯୋଜନା ରହିଛି । ଏନେଇ ଇ-କମର୍ସ ୱେବସାଇଟରେ ଲୋକେ ଟିକେଟ ପାଇପାରିବେ । ତେବେ ଦୀର୍ଘ ଦିନ ପରେ ଟୁର ଆରମ୍ଭ ହେବା ଅବସରରେ ଗ୍ୟେଓଙ୍ଗବୋକଗୁଙ୍ଗ ସାଏଙ୍ଗୱାବାଙ୍ଗ ନାମକ ଏକ ସ୍ବତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଇଛି । ଏଥିରେ ପର୍ଯ୍ୟଟକମାନେ ରାଜକୀୟ ଟି ସେରିମୋନୀର ମଜା ଉଠାଇପାରିବେ ।
ତେବେ ମେ 30ରୁ ଜୁଲାଇ 12 ପର୍ଯ୍ୟନ୍ତ ମ୍ୟୁଜିକ କନସର୍ଟ ହେବାର ମଧ୍ୟ ଯୋଜନା ରହିଛି । ଏଥିସହ ଗ୍ୟେଓଙ୍ଗବୋକଗୁଙ୍ଗ ରାଜପ୍ରସାଦରେ ପାରମ୍ପରିକ ଗାର୍ଡ ଚେଜିଂ ସେରିମୋନୀ ମେ’ 20ରୁ ଆରମ୍ଭ ହୋଇସାରିଥିବା ଜଣାପଡିଛି । ଆଗକୁ ଜୁନ ମାସରେ ଆହୁରି ଅନେକ କାର୍ଯ୍ୟକ୍ରମ ପୁଣି ସ୍ବାଭାବିକ ଢଙ୍ଗରେ ଆରମ୍ଭ ହେବା ନେଇ ମଧ୍ୟ ସଙ୍କେତ ଦେଇଛି ସିଏଚଏ ।
@IANS
