କାଠମାଣ୍ଡୁ: ନେପାଳର କାର୍ଯ୍ୟକାରୀ ପ୍ରଧାନମନ୍ତ୍ରୀ କେପି ଶର୍ମା ଓଲି ନେଇଛନ୍ତି ମେଡ୍ ଇନ ଇଣ୍ଡିଆ ଭ୍ୟାକ୍ସିନର ପ୍ରଥମ ଡୋଜ । ରବିବାର କାଠମାଣ୍ଡୁର ମହାରାଜାଗଞ୍ଜ ସ୍ଥିତ ତ୍ରିଭୂବନ ୟୁନିଭର୍ସିଟି ଟିଚିଙ୍ଗ୍ ହସ୍ପିଟାଲରେ ଏହି ଟିକା ନେଇଛନ୍ତି ପିଏମ ଓଲି ।
ଭ୍ୟାକ୍ସିନ ନେବା ପରେ ପିଏମ ଓଲି ଯୋଗ୍ୟ ଜନସାଧାରଣଙ୍କୁ ନିର୍ଭୟରେ ଟିକା ନେବାକୁ ଅପିଲ କରିଛନ୍ତି । ତେବେ ପ୍ରଧାନମନ୍ତ୍ରୀ ଓଲିଙ୍କ ପତ୍ନୀ ରାଧିକା ସାଇକିଆଙ୍କୁ ମଧ୍ୟ ଭାରତ ପକ୍ଷରୁ ତିଆରି ଭ୍ୟାକ୍ସିନ ଦିଆଯାଇଥିବା ଜଣାପଡିଛି । 65 ବର୍ଷୀୟ ଓଲିଙ୍କର 2020ରେ କିଡନୀ ପ୍ରତିରୋପଣ ହୋଇଥିଲା ।
ନେପାଳରେ ଏବେ ଦ୍ବିତୀୟ ପର୍ଯ୍ୟାୟ ଟୀକାକରଣରେ 65 ବର୍ଷରୁ ଉର୍ଦ୍ଧ୍ବ ବୟସ୍କଙ୍କୁ ଦିଆଯାଉଛି ଟିକା । ଚଳିତ ବର୍ଷ ଆରମ୍ଭରେ ନେପାଳକୁ 10 ଲକ୍ଷ କୋରୋନା ଟିକା କୋଭିସିଲ୍ଡ ପଠାଇଥିଲା ଭାରତ । ପୁଣେର ସେରମ ଇନଷ୍ଟିଚ୍ୟୁଟରେ ପ୍ରସ୍ତୁତ ଟିକା ହମାଳୟ ପାଦ ଦେଶରେ ଅବସ୍ଥିତ ଦେଶଗୁଡିକୁ ପଠାଯାଇଛି । ମୈତ୍ରୀ ଅଭିଯାନ ଅନ୍ତର୍ଗତ ପଡୋଶୀ ଦେଶକୁ ଟିକା ବଣ୍ଟନ କରୁଛି ଭାରତ ।
