କାଠମାଣ୍ଡୁ: ନେପାଳର ସିନ୍ଧୁପାଲଚୌକ ଜିଲ୍ଲାରେ ରବିବାର ସକାଳୁ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଏକ ତୀର୍ଥଯାତ୍ରୀ ବସ୍ ଖାଇକୁ ଖସିବା ଫଳରେ 12 ଜଣ ଲୋକଙ୍କର ମୃତ୍ୟୁ ଘଟିଛି । ଘଟଣାରେ ଅନେକ ଆହତ ମଧ୍ୟ ହୋଇଥିବା ଜଣା ପଡିଛି ।
ସୂଚନା ମୁତାବକ, ବସ୍ଟି 40 ଜଣ ତୀର୍ଥଯାତ୍ରୀଙ୍କୁ ନେଇ କାଲିନଚୌକରୁ ଭକ୍ତପୁର ଅଭିମୁଖେ ଯାଉଥିଲା । କାଲିନଚୌକ ମନ୍ଦିରର ଦର୍ଶନ ସାରି ଯାତ୍ରୀମାନେ ଘରକୁ ଫେରୁଥିବା ସମୟରେ ସିନ୍ଧୁପାଲଚୌକ ଜିଲ୍ଲାର ସୁନକୋଶୀ ଗ୍ରାମୀଣ ନଗର ପାଳିକା ନିକଟରେ ଭାରସାମ୍ୟ ହରାଇ ବସ୍ଟି 500 ମିଟର ଖାଇକୁ ଖସି ପଡିଥିଲା । ସକାଳ 8ଟା 30 ସମୟରେ ଏହି ଦୁର୍ଘଟଣା ଘଟିଥିବା ସୂଚନା ମିଳିଛି । ସେପଟେ ଉଦ୍ଧାରକାରୀ ଦଳ ପକ୍ଷରୁ ଉଦ୍ଧାରକାର୍ଯ୍ୟ ଜାରି ରହିଛି ।
