ଢାକା: ବାଂଲାଦେଶର ରାଜଧାନୀ ଢାକାର ନାରାୟଣଗଞ୍ଜ ସହର ଫଳରସ କାରଖାନାରେ ଭୟଙ୍କର ଅଗ୍ନିକାଣ୍ଡ ଘଟଣା । ମୃତ୍ୟୁ ସଂଖ୍ୟା 52କୁ ବୃଦ୍ଧି ହୋଇଥିବା ବେଳେ 50ଜଣ ଆହତ ହୋଇଥିବା ଜଣାପଡିଛି । ତେବେ ଗୁରୁବାର ରାତି ପ୍ରାୟ 5ଟା ବେଳେ ଏହି ଅଗ୍ନିକାଣ୍ଡ ଘଟିଥିଲା । 6 ମହଲା ବିଶିଷ୍ଟ ବିଲଡିଂରେ ନିଆଁ ଲାଗିଥିବା ବେଳେ ରାସାୟନିକ ସାମଗ୍ରି ଓ ପ୍ଲାଷ୍ଟିକ ବଟଲ ଥିବାରୁ ନିଆଁ ଖୁବଶିଘ୍ର ଅନ୍ୟ ମହଲାକୁ ବ୍ୟାପିଯାଇଥିଲା ।
ତେବେ ନିଆଁ ଲାଗିଥିବା ବିଲଡିଂରେ ନିଆଁକୁ ଆୟତ୍ତ କରିବା ପାଇଁ ପ୍ରାୟ 21ଟି ଦମକଳ ନିୟୋଜିତ ହୋଇଥିଲା । ନିଆଁର ପ୍ରକୋପ ଏତେ ଭୟଙ୍କର ଥିଲାଯେ ଜୀବନ ବଞ୍ଚାଇବା ପାଇଁ କର୍ମଚାରୀ ମାନେ ଛାତରୁ ତଳକୁ ଡେଉଁଥିବାର ମଧ୍ୟ ଦେଖିବାକୁ ମିଳିଥିଲା । ଫ୍ୟାକ୍ଟ୍ରି ବାହାରେ ନିଜର ବନ୍ଧୁ ପରିଜନକୁ ବଞ୍ଚାଇବା ପାଇଁ ସମ୍ପର୍କିୟ ମାନେ ଭିଡ ଜମାଇଥିଲେ । ଯାହାର ଦୃଶ୍ୟ ଅତ୍ୟନ୍ତ ହୃଦୟ ବିଦାରକ ଥିଲା । ଅଗ୍ନିକାଣ୍ଡ ପରେ ଅନେକ କର୍ମଚାରୀ ନିଆଁର ଆଁରେ ଦଗ୍ଧ ହୋଇଯାଇଥିବା ବେଳେ ଅନେକ ମଧ୍ୟ ଫସି ରହିଛନ୍ତି । ତେବେ ନିଆଁ ଲାଗିବା ବେଳେ ଫ୍ୟାକ୍ଟ୍ରିରେ କେତେ କର୍ମଚାରୀ ଥିଲେ ସେନେଇ କିଛି ସ୍ପଷ୍ଟ ସୂଚନା ମିଳିପାରିନାହିଁ ।
