ବ୍ୟାଙ୍ଗକକ୍: ଥାଇଲାଣ୍ଡର ସବୁଠାର ସ୍ବଳ୍ପ ମୂଲ୍ୟର ଏୟାରଲାଇନ୍ସ ‘ନକସ୍କଟ’ ଶନିବାର ଏହାର ସେବା ବନ୍ଦ ନେଇ ଘୋଷଣା କରିଛି । କୋରୋନା ସଂକ୍ରମଣ ସମୟରେ ଲକଡାଉନ ପରିସ୍ଥିତି ଯୋଗୁଁ ବ୍ୟବସାୟ ମାନ୍ଦା ହୋଇଥିଲା । ପରିଣାମ ସ୍ବରୂପ କମ୍ପାନୀକୁ ଅନେକ କ୍ଷତି ସହିବାକୁ ପଡିଥିଲା । ଏହି କ୍ଷତିର ଭରଣା କରିବାକୁ ଅସମର୍ଥ ମନେ କରି କମ୍ପାନୀ ନିଜ ସେବା ବନ୍ଦ ନେଇ ଘୋଷଣା କରିଛି ।
ଏହି ଏୟାରଲାଇନ ଏକ ଜଏଣ୍ଟ ଭେଞ୍ଚର ଭାବେ ସିଙ୍ଗାପୁରିଆନ ଏୟାରଲାଇନ ଓ ଥାଇଲାଣ୍ଡର ନକ୍ ଏୟାର ସହ ଗତ 6 ବର୍ଷ ପୂର୍ବେ କାର୍ଯ୍ୟ ଆରମ୍ଭ କରିଥିଲା । ଏନେଇ ଶୁକ୍ରବାର ଦିଆଯାଇଥିବା ବିବରଣୀରେ ନକସ୍କଟର 49 ପ୍ରତିଶତ ଅଧିକାର ସ୍କଟ କହିଥିଲେ କି କମ୍ପାନୀର ମାନ୍ଦାବସ୍ଥା ଯୋଗୁଁ ବନ୍ଦ ନିଷ୍ପତ୍ତିକୁ ଗ୍ରହଣ କରାଯାଇଛି । ହେଲେ ଏହି ନିଷ୍ପତ୍ତିକୁ ଶେୟାର ହୋଲ୍ଡରଙ୍କ ଏକ ସାଧାରଣ ବୈଠକରେ ଉପସ୍ଥାପନ କରାଯିବା ବାକି ରହିଛି । କିନ୍ତୁ ଏ କଥାକୁ ଏଡାଇ ଦିଆଯାଇନପାରେ କି କୋରୋନା ସଂକ୍ରମଣ ଯୋଗୁଁ ଏହି କମ୍ପାନୀକୁ ଅନେକ କ୍ଷତି ସହିବାକୁ ପଡିଛି ।
2014 ମସିହାରେ କମ୍ପାନୀ ଆରମ୍ଭ ହୋଇଥିବା ବେଳେ ସେବା ଆରମ୍ଭରୁ ହିଁ ଏୟାରଲାଇନକୁ କଡା ପ୍ରତିଯୋଗିତାର ସାମ୍ନା କରିବାକୁ ପଡିଥିଲା । ଏମିତିରେ କୋରୋନା ଲକଡାଉନ କମ୍ପାନୀର କ୍ଷତିକୁ ଦ୍ବିଗୁଣିତ କରିଥିଲା । ତେବେ କମ୍ପାନୀ ବିଧିବଦ୍ଧ ଭାବେ କେବେଠାରୁ କାର୍ଯ୍ୟ ବନ୍ଦ କରିବ ସେନେଇ କୌଣସି ସ୍ପଷ୍ଟ ସୂଚନା ଦେଇନଥିବା ଆଞ୍ଚଳିକ ଗଣମାଧ୍ୟମ ପ୍ରକାଶ କରିଛନ୍ତି ।
@IANS
