ଇସଲାମବାଦ: ପାକିସ୍ତାନ ଦେଶବ୍ୟାପୀ ଲକଡାଉନକୁ ଆଉ ଦୁଇ ସପ୍ତାହ ବଢାଇ ଦେଇଛି । ଏହା ସହ ଦେଶରେ ମାରାତ୍ମକ କୋରୋନାରେ ସଂକ୍ରମିତଙ୍କ ସଂଖ୍ୟା 11 ହଜାରରୁ ଅଧିକକୁ ବୃଦ୍ଧି ପାଇଛି । କୋରୋନାରେ ପ୍ରାୟ 79 ପ୍ରତିଶତ ମାମଲା ସ୍ଥାନୀୟ ଅଞ୍ଚଳର ଅଟେ । ଏନେଇ ସ୍ୱାସ୍ଥ୍ୟ ଅଧିକାରୀମାନେ ଶୁକ୍ରବାର ଏହି ସୂଚନା ଦେଇଛନ୍ତି । ଆସନ୍ତା 9 ତାରିଖ ପର୍ଯ୍ୟନ୍ତ ଲକଡାଉନ ଅବଧି ବୃଦ୍ଧି କରାଯାଇଥିବା ଜଣାପଡିଛି ।
ଜାତୀୟ ସ୍ୱାସ୍ଥ୍ୟ ସେବା ମନ୍ତ୍ରଣାଳୟ ଅନୁଯାୟୀ, ମହାମାରୀ କୋରୋନା ଯୋଗୁଁ ଆଉ 13 ଜଣ ଆକ୍ରାନ୍ତଙ୍କ ମୃତ୍ୟୁ ଘଟିଛି । ଯାହାଦ୍ବାରା ମୃତ୍ୟୁ ସଂଖ୍ୟା 237କୁ ବୃଦ୍ଧି ପାଇଛି । ବର୍ତ୍ତମାନ ସୁଦ୍ଧା 2527 ଜଣ ଲୋକ ଆରୋଗ୍ୟ ଲାଭ କରିଛନ୍ତି। ସ୍ୱାସ୍ଥ୍ୟ ଅଧିକାରୀଙ୍କ ସୂଚନାନୂସାରେ, ଗତ 24 ଘଣ୍ଟା ମଧ୍ୟରେ ଦେଶରେ 642 ଟି ନୂଆ ମାମଲା ସାମ୍ନାକୁ ଆସିଛି । ଯାହାକୁ ନେଇ ମୋଟ ସଂକ୍ରମଣ ସଂଖ୍ୟା 11 ହଜର 155 ରେ ପହଞ୍ଚିଛି।
ସେଥିମଧ୍ୟରୁ ପଞ୍ଜାବରେ 4 ହଜାର 767, ସିନ୍ଧରେ 3 ହଜାର 671, ଖାଇବର-ପାଖ୍ଟନଖୱା ରେ 1 ହାଜର 541, ବାଲୁଚିସ୍ତାନରେ 607, ଗିଲଗିଟ-ବାଲ୍ଟିସ୍ତାନରେ 300, ଇସଲାମାବାଦରେ 214 ଏବଂ ପାକିସ୍ତାନ ଅଧିକୃତ କାଶ୍ମୀରରେ 55ଟିମାମଲା ରହିଛି ।
