ନୂଆଦିଲ୍ଲୀ: ପାକିସ୍ତାନ ଭିତ୍ତିକ ଆତଙ୍କବାଦୀ ସଂଗଠନ ଲସ୍କର-ଇ-ତାଇବା (ଜିଏମ୍) କାଶ୍ମୀର ତଥା ଭାରତର ଅନ୍ୟାନ୍ୟ ଅଞ୍ଚଳରେ ଆତଙ୍କବାଦୀ ଆକ୍ରମଣ କରିବାକୁ ଷଡଯନ୍ତ୍ର କରୁଛି। ଏଥିପାଇଁ ସଂଗଠନ କୁଖ୍ୟାତ ଆତଙ୍କୀ ବା ଅଣ୍ଡର ୱାର୍ଡ ଡନ୍ ଦାଉଦ୍ ଇବ୍ରାହିମ୍ ସହିତ ହାତ ମିଶେଇଵା ଖବର ଏଵେ ଭାଇରାଲ୍ ହେଉଛି।
ସୂତ୍ରରୁ ପ୍ରକାଶ ଯେ, ଭାରତରେ ଆତଙ୍କୀ କାର୍ଯ୍ୟକଳାପ ତଥା ଆକ୍ରମଣ ମଚେଇବାକୁ ଦାଉଦଙ୍କ ସହିତ ବିଭିନ୍ନ ଯୋଜନା ଆରମ୍ଭ କରିଛି ଲସ୍କର ସଂଗଠନ। ରବିବାର (ମଇ 10) ଇସଲାମାବାଦରେ ତାଙ୍କ ଫାର୍ମହାଉସରେ ଏସଵୁ ପ୍ରମାଣ ଦେଖିବାକୁ ମିଳିଥିଲା। ଜାଣିବାକୁ ମିଳିଛି ଯେ, ଦାଉଦ୍ ପାକିସ୍ତାନର ଗୁପ୍ତଚର ଏଜେନ୍ସି ଇଣ୍ଟର-ସର୍ଭିସେସ୍ ଇଣ୍ଟେଲିଜେନ୍ସ (ଆଇଏସ୍ଆଇ) ର ଏକ ଟିମ୍ ସହିତ ନେତାଙ୍କ ସହ ସାକ୍ଷାତ ପାଇଁ ଯାଇଥିଲା।
ଗୁପ୍ତଚର ସୂତ୍ରରୁ ପ୍ରକାଶ ଯେ, ଆଇଏସଆଇ ଭାରତରେ ଅଶାନ୍ତି ସୃଷ୍ଟି କରିବାକୁ ଯୋଜନା କରୁଛି, ଯେଉଁ ସମୟରେ ସମଗ୍ର ଦେଶ କୋରୋନା ଭାଇରସ୍ କୋଭିଡ୍-19 ବିପଦକୁ ପରାସ୍ତ କରିବାକୁ ଧ୍ୟାନ ଦେଉଛି। ଏହି ସମୟରେ, କାଶ୍ମୀର ଉପତ୍ୟକା ରମଜାନର 17 ତମ ଦିଵସ ପାଇଁ ସତର୍କ ରହିଛି। ଆତଙ୍କବାଦୀମାନେ ରମଜାନର 17 ତମ ଦିନକୁ ବାଛିପାରନ୍ତି, ଯାହାକି କାଶ୍ମୀର ଉପତ୍ୟକାରେ କିଛି ଆତଙ୍କବାଦୀ ଆକ୍ରମଣ ପାଇଁ ଯୁଦ୍ଧର ଦିନ ମଧ୍ୟ ହୋଇପାରେ ବୋଲି ଏକ ସତର୍କ ସୂଚନା ଦିଆଯାଇଛି। ଅତୀତରେ ଆତଙ୍କବାଦୀମାନେ ଉପତ୍ୟକାରେ ସୁରକ୍ଷା ସ୍ଥାପନ ଉପରେ ଆକ୍ରମଣ କରିବାକୁ ଏହି ଦିନକୁ ବାଛିଛନ୍ତି। ଯାହାର ପ୍ରମାଣ ରହିଛି।
ଏହା ପୂର୍ବରୁ ଗତ ସପ୍ତାହରେ ଖବର ପ୍ରକାଶ ପାଇଥିଲା ଯେ, ଦି ରେଜିଷ୍ଟାନ୍ସ ଫ୍ରଣ୍ଟ (ଟିଆରଏଫ) ନାମକ ଏକ ନୂତନ ଆତଙ୍କବାଦୀ ଗୋଷ୍ଠୀ ମଧ୍ୟ ହ୍ୟାଣ୍ଡୱାରାରେ ଯବାନଙ୍କ ଉପରେ ହୋଇଥିବା ଆକ୍ରମଣ ପାଇଁ ଦାୟୀ। କାଶ୍ମୀର ଉପତ୍ୟକାରେ ପୁନର୍ବାର ସୁରକ୍ଷା ବାହିନୀ ଉପରେ ଆକ୍ରମଣ କରିବାକୁ ମଧ୍ୟ ନୂଆ ସଂଗଠନ ଯୋଜନା କରିଛି ବୋଲି ପ୍ରାକ୍ ସୂଚନା ମିଳୁଛି।
