ସିଓଲ: 1950-53 ମସିହା ମଧ୍ୟରେ ହୋଇଥିବା କୋରିଆନ ଯୁଦ୍ଧରେ ଉତ୍ତର କୋରିଆ ଯୁଦ୍ଧ ବିରାମ ପାଇଁ ଏକ ରାଜିନାମାରେ ସ୍ବାକ୍ଷର କରିଥିଲେ । ସୋମବାର ଏହାର 67 ବର୍ଷ ପୂର୍ତ୍ତି ଅବସରରେ ଉତ୍ତର କୋରିଆର ଯୁଦ୍ଧ ସ୍ମାରକୀ ସ୍ଥଳ ପରିଦର୍ଶନ କରିଛନ୍ତି ସର୍ବୋଚ୍ଚ ନେତା କିମ ଜଙ୍ଗ ଉନ । ଏହି ପରିଦର୍ଶନ ସମୟରେ ସେ ସେନା ବାହିନୀକୁ ପୁରସ୍କାର ଆକାରରେ ପିସ୍ତଲ ପ୍ରଦାନ କରିଥିଲେ ।
ଏହି ପରିଦର୍ଶନ ସମୟରେ କୋରିଆନ ଯୁଦ୍ଧକୁ ମନେ ପକାଇ କିମ । ଏଥିସହ ସେ ଫାଦରଲାଣ୍ଡ ମୁକ୍ତି ଯୋଦ୍ଧା ସ୍ମାରକୀ ସ୍ଥଳୀରେ ପହଞ୍ଚି ସେଠାରେ ଜବାନଙ୍କୁ ଶ୍ରଦ୍ଧାଞ୍ଜଳୀ ଜ୍ଞାପନ କରିଥିଲେ । ଏନେଇ ଉତ୍ତର କୋରିଆ ସରକାରଙ୍କ ଟିକିନିଖ ଗତିବିଧିର ଖବର ରଖୁଥିବା ସରକାରୀ ଏଜନ୍ସି କୋରିଆନ ସେଣ୍ଟ୍ରାଲ ନ୍ୟୁଜ୍ ଏଜେନ୍ସି(କେସିଏନଏ) ସୂଚନା ଦେଇଛି ।
ସୂଚନା ମୁତାବକ 1953 ମସିହା ଜୁଲାଇ 27 ତାରିଖରେ ଯୁଦ୍ଧା ବିରାମ ରାଜିନାମା ସ୍ବାକ୍ଷରିତ ହୋଇଥିଲା । ଯାହା ଯୁଦ୍ଧରେ ବିରାମ ଲଗାଇଲା ସତ ହେଲେ ଏହି ଯୁଦ୍ଧ କେବେ ଶେଷ ହୋଇନପାରି ଉଭୟେ ଉଭୟଙ୍କ ଶତ୍ରୁ ପରି ଆଚରଣ କରିବା ଆରମ୍ଭ କରିଥିଲେ । ଏହି ଦିନକୁ ଉତ୍ତର କୋରିଆ ନିଜର ବିଜୟ ଦିବସ ଭାବେ ପାଳନ କରିଆସୁଛି । ତେବେ ଏହି ଅବସରରେ କିମ ଦେଶବାସୀଙ୍କୁ ସମ୍ବୋଧନ ଦେଇ କହିଥିଲେ କି ଦେଶରେ ଶାନ୍ତି ଫେରାଇ ଆଣିବା ପାଇଁ ଦେଶକୁ ଏକ ସ୍ବତନ୍ତ୍ର ପରିଚୟ ପ୍ରଦାନ କରିବା ପାଇଁ ପୂର୍ବଜ ଓ ସେନା ବାହିନୀ ଅନେକ ବଳିଦାନ ଦେଇଛନ୍ତି । ଦେଶ ତାଙ୍କର ଏହି ନିସ୍ବାର୍ଥପର ସେବା ସବୁବେଳେ ମନେ ରଖିବ ।
ଏନେଇ କିମ ରବିବାର ଅପରାହ୍ନରେ ଏକ ସ୍ବତନ୍ତ୍ର କାର୍ଯ୍ୟକ୍ରମର ଆୟୋଜନ କରିଥିବା ମଧ୍ୟ ଜଣା ପଡିଛି । ଶାସକ ଦଳର ମୁଖ୍ୟାଳୟରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା । ଏଥିରେ ନବନିର୍ମିତ ଓ ବିକଶିତ ‘ମାଉଣ୍ଟ ପାଏକଟୁ’ ପିସ୍ତଲକୁ ସମସ୍ତ ଅଗ୍ରଣୀ ଅଧିକାରୀ, ସଶସ୍ତ୍ର ବାହିନୀ ଓ କମାଣ୍ଡିଂ ଅଧିକାରୀଙ୍କୁ ପ୍ରଦାନ କରାଯାଇଥିଲା ।
@IANS
