ବାଗଦାଦ: ଆମେରିକା-ଇରାନରେ ତିକ୍ତତା ମଧ୍ୟରେ ରବିବାର ପୁଣିଥରେ ଆମେରିକା ସେନା ଶିବିର ଉପରେ ଆକ୍ରମଣ କରିଛି ଇରାନ । ଇରାକ ସ୍ଥିତ ଆମେରିକା ସେନା ଶିବିରକୁ ଟାର୍ଗେଟ କରି ୪ଟି ରକେଟ୍ ମାଡ଼ କରିଥିବା ଜଣାପଡିଛି। ଏହି ଆକ୍ରମଣରେ ୪ ଜଣ ଆହତ ହୋଇଛନ୍ତି। ଏହି ରକେଟ ଇରାକର ରାଜଧାନୀ ବାଗଦାଦରୁ 80 କିମି ଉତ୍ତର ସ୍ଥିତ ଆମେରିକା ବେସର ରନୱେରେ ପଡିଥିବା ସେନା ସୂତ୍ରରୁ ଜଣାପଡିଛି ।
ସୂଚନାଯୋଗ୍ୟ ଯେ, ଇରାନଟ ଟପ୍ କମାଣ୍ଡର ସୁଲେମାନିଙ୍କ ହତ୍ୟାପରେ ପ୍ରତିଶୋଧ ପରାୟଣ ଇରାନ ଗତ ବୁଧବାର ମଧ୍ୟ ଇରାକ ସ୍ଥିତ ଆମେରିକା ସେନା ଶିବିର ଉପରେ ମିଶାଇଲ ମାଡ କରିଥିଲା । ଏହି ଆକ୍ରମଣରେ ଆମେରିକାର ପ୍ରାୟ 80 ସୈନିକ ନିହତ ହୋଇଥିବା ଇରାନ ଦାବି କରିଥିଲା । କିନ୍ତୁ ଆମେରିକା ପକ୍ଷରୁ ଏହି ଦାବିକୁ ଖାରଜ କରାଯାଇଥିଲା ।
