ଆବୁଧାବି: ଦୁବାଇସ୍ଥିତ ଭାରତୀୟ ଶିଶୁଙ୍କ ନିଆରା ରେକର୍ଡ । ଏକ ଛୋଟିଆ ବାକ୍ସରେ ପ୍ରାୟ 100ରୁ ଉର୍ଦ୍ଧ୍ବ ଯୋଗାସନ କରି ସେ ସୃଷ୍ଟି କରିଛନ୍ତି ନୂଆ ବିଶ୍ବ ରେକର୍ଡ । ସମ୍ପୃକ୍ତ କୁନି ଝିଅ ଜଣଙ୍କ ହେଉଛନ୍ତି ସମ୍ରିଦ୍ଧି କଲିଆ । ତେବେ ଏହି ଟାଇଟେଲ ସମ୍ରିଦ୍ଧିଙ୍କ ତୃତୀୟ ସର୍ବବୃହତ କୃତୀତ୍ବ ହୋଇଥିବା ବେଳେ ମାତ୍ର ଗୋଟିଏ ମାସ ଭିତରେ ସେ ହାତେଇଛନ୍ତି ଦ୍ବିତୀୟ ଟାଇଟେଲ ।
11 ବର୍ଷୀୟ ସମ୍ରିଦ୍ଧି ଏହି ବିଶ୍ବ ରେକର୍ଡ ସୃଷ୍ଟି କରିବା ସହ ଗୋଲ୍ଡେନ ବୁକ ଅଫ ୱାର୍ଲ ରେକର୍ଡରେ ନିଜ ପାଇଁ ସ୍ଥାନ ପ୍ରସ୍ତୁତ କରିଛନ୍ତି । ଆବଦ୍ଧ ସ୍ଥାନ ମଧ୍ୟରେ ଦୃତତମ ଶହେ ଯୋଗାସନ କରିବାରେ ସେ ଏହି କୃତୀତ୍ବ ହାସଲ କରିଛନ୍ତି । ତେବେ ଏହି ପୁରା ରେକର୍ଡ ସୃଷ୍ଟି କରିବା ପାଇଁ ତାଙ୍କୁ 3 ମିନିଟ 18 ସେକେଣ୍ଡର ସମୟ ଲାଗିଥିଲା । ଯାହା ବୁର୍ଜ ଖଲିଫାର ଦର୍ଶନୀୟ ଡେକରେ ଅନୁଷ୍ଠିତ ହୋଇଥିଲା । ଏହା ପୂର୍ବରୁ ସେ 1ମିନିଟ ମଧ୍ୟରେ ଏକ ଛୋଟ ବାକ୍ସ ମଧ୍ୟରେ ରହି 40ଟି ଜଟିଳ ଯୋଗାସନ କରି ରେକର୍ଡ ସୃଷ୍ଟି କରିସାରିଥିଲେ । ଜୁନ 21ରେ ଅନୁଷ୍ଠିତ ଅନ୍ତର୍ଜାତୀୟ ଯୋଗ ଦିବସରେ ସେ ଏହି କୃତୀତ୍ବ ହାସଲ କରିଥିଲେ ।
ତେବେ ଦୁବାଇର ସ୍କୁଲ ଅଫ ଆମ୍ବାସଡରରେ ସପ୍ତମ ଶ୍ରେଣୀରେ ପଢୁଥିବା ସମ୍ରିଦ୍ଧି କଠିନ ପରିଶ୍ରମ ଓ ଏକାଗ୍ରତା ବଳରେ ଏହା କରିପାରିଥିବା ପ୍ରକାଶ କରିଛନ୍ତି । ଏଥିପାଇଁ ସେ ଦୈନିକ 2ରୁ 3 ଘଣ୍ଟା ଯୋଗାଭ୍ୟାସ କରିଥାଆନ୍ତି । କେବଳ ସେତିକି ନୁହେଁ, ସମ୍ରିଦ୍ଧି ଟେନିସ ଖେଳିବାରେ ମଧ୍ୟ ପାରଙ୍ଗମ । ଏଥିସହ ସନ୍ତରଣ, ସାଇକେଲିଂ, ଆଇସ ସ୍କେଟିଂ ଓ ବ୍ୟାଡମିଣ୍ଟନରେ ମଧ୍ୟ ରୁଚି ରଖିଥିବା ପ୍ରକାଶ କରିଛନ୍ତି ।
@IANS
