ଚୀନ: କଣ ଆପଣ ବି ରେସ୍ତୋରାଁରେ ଖାଇବାକୁ ପସନ୍ଦ କରନ୍ତି । ତେବେ ସାବଧାନ ହୋଇ ଖାଆନ୍ତୁ । ନଚେତ ଆପଣଙ୍କୁ ମଧ୍ୟ ଏପରି ଦଶା ଭୋଗିବାକୁ ପଡେ । ଟିକେ ଭାବିଲେ ଆପଣଙ୍କୁ ଯଦି ଖାଇବାରେ ମଣିଷ ଦାନ୍ତ ମିଳେ ? କ’ଣ ଆଶ୍ଚର୍ଯ୍ୟ ହେଲା ନା । ଏମିତି ଏକ ଘଟଣା ଦେଖିବାକୁ ମିଳିଛି ଚୀନର ଏକ ରୋସ୍ତୋରାଁରେ...
ରେସ୍ତୋରାଁରେ ଖାଇବା ମଗାଇବା ପଡିଲା ମହଙ୍ଗା । ଖାଇବାରୁ ବାହାରିଲା ମଣିଷ ଦାନ୍ତ। ଘଟଣାଟି ହେଉଛି ଚୀନର ଏକ ରେସ୍ତୋରାଁର ।
ତେବେ ସମ୍ପୂର୍ଣ୍ଣ ଘଟଣା କିଛି ଏପରି ରହିଛି ଏକ ଦମ୍ପତି Newtown Cantonese Takeaway ନାମକ ଏକ ରେସ୍ତୋରାଁରୁ ଖାଇବାକୁ ଯାଇଥିଲେ। କିନ୍ତୁ ଯେତେବେଳେ ସେ ଖାଇବା ଆରମ୍ଭ କରିଥିଲେ ତାଙ୍କୁ ତରକାରିରୁ ଏକ ମଣିଷ ଦାନ୍ତ ମିଳିଥିଲା । ସେ ଏହି ଘଟଣା ମ୍ୟାନେଜରଙ୍କ ନଜରକୁ ଆଣିଥିଲେ ।
ସେପଟେ ରେସ୍ତୋରାଁର ମ୍ୟାନେଜର କିନ୍ତୁ ଏହା ମାନିବାକୁ ନାରାଜ । ସେ ଏନେଇ ସମସ୍ତଙ୍କର ଡିଏନଏ ଟେଷ୍ଟ ପାଇଁ ମଧ୍ୟ ଦାବି କରିଛନ୍ତି । ଏହାସହ ସେ ଉକ୍ତ ଦମ୍ପତିଙ୍କୁ ଖାଇବା ମାଗଣାରେ ଅଫର କରିଥିଲେ । ମାତ୍ର ସେମାନେ ଏହାକୁ ଗ୍ରହଣ କରିନଥିଲେ । ଏହାସହ ଏହି ମାମଲାରେ ଉକ୍ତ ରେସ୍ତୋରାଁ ନାମରେ କୌଣସି ମାମଲା କରିବାକୁ ମନା କରିଛନ୍ତି ଦମ୍ପତି ।
