ନୂଆଦିଲ୍ଲୀ: କୋରୋନା ଭାଇରସରେ ବିଶ୍ବରେ ଏକ ଲକ୍ଷରୁ ଅଧିକ ଲୋକ ସଂକ୍ରମିତ ହୋଇଛନ୍ତି । ଏବେ କୋରୋନାର ପ୍ରତିକାର, ଉପଚାର ପାଇଁ ସୋସିଆଲ ମିଡିଆ ଅନେକ ଭିଡିଓ ଘୁରି ବୁଲୁଛି । ଚୀନର ଏକ ଗଣମାଧ୍ୟମ ରିପୋର୍ଟ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗୁଛି । ଯେଉଁଥିରେ ସ୍ମାର୍ଟ ହେଲମେଟ ପିନ୍ଧି ପୋଲିସ କୋରୋନା ଆକ୍ରାନ୍ତଙ୍କୁ ଅତି ସହଜରେ ଚିହ୍ନଟ କରୁଥିବା ଦେଖିବାକୁ ମିଳିଛି । ମାତ୍ର ଏହା କେତେ ସତ୍ୟ ସେ ନେଇ କୌଣସି ସଠିକ ତଥ୍ୟ ନାହିଁ ।
ଭାଇରାଲ ଭିଡିଓରେ କୁହାଯାଇଛି ଯେ, ଚାଇନାରେ ପୋଲିସ କର୍ମଚାରୀମାନେ ସ୍ମାର୍ଟ ନେଟୱାର୍କ ଯୁକ୍ତ ହେଲମେଟ ପିନ୍ଧିବା ଆରମ୍ଭ କରିଛନ୍ତି । ଯାହା ରାସ୍ତାରେ ପାଟ୍ରୋଲିଂ କରିବା ସମୟରେ ପଥଚାରୀଙ୍କ ତାପମାତ୍ରାକୁ ସ୍ବୟଂଚାଳିତ ଭାବରେ ଟ୍ରକ କରିବା କ୍ଷମତା ରଖିଛି ।
ହେଲମେଟ ଅଳ୍ପ ସମୟ ମଧ୍ୟରେ ଭିଡ଼ରେ ଅସ୍ବାଭାବିକ ତାପମାତ୍ରା ଥିବା ଲୋକଙ୍କୁ ସଠିକ୍ ଭାବରେ ଚିହ୍ନିବାରେ ସାହାଯ୍ୟ କରିବା ପାଇଁ ଡିଜାଇନ୍ କରାଯାଇଛି, ଯାହା ଏହି ଜୀବନନାଶକ ଭାଇରସ ବିରୋଧରେ ଲଢେଇରେ ଏହା ଉପଯୋଗୀ ଉପକରଣ ବୋଲି ମିଡିଆ ରିପୋର୍ଟରେ କୁହାଯାଇଛି।
ଚାଇନାର ଜଣେ ପୋଲିସ୍ ଅଧିକାରୀଙ୍କ 'ସ୍ମାର୍ଟ ହେଲମେଟ' ବ୍ୟବହାର କରୁଥିବା ଏକ ମଜାଦାର ଭିଡିଓ ପିପୁଲ୍ସ ଡେଲି ଚାଇନା ଦ୍ବାରା ସେୟାର କରାଯାଇଛି ।
ସୂଚନା ଯେ, ଏହି ହେଲମେଟରେ ଏକ ଇନଫ୍ରାଡ୍ କ୍ୟାମେରା ଅଛି, ଯାହା ପାଞ୍ଚ ମିଟର ବ୍ୟାସାର୍ଦ୍ଧରେ ଯଦି କୌଣସି ଜ୍ୱର ହୁଏ ତେବେ ଏହା ଏକ ଆଲାର୍ମ ବଜାଇବ ଯାହା ଏହି ଭୟଙ୍କର ଭାଇରସର ଏକ ସାଧାରଣ ଲକ୍ଷଣ |
ଏହି ପୋଷ୍ଟ ଭାଇରାଲ ହେବାପରେ ସୋସିଆଲ ମିଡିଆରେ ନିଜର ପ୍ରତିକ୍ରିୟା ପ୍ରକାଶ କରିଛନ୍ତି ୟୁଜର୍ସ । ଏହା ଅତ୍ୟନ୍ତ ବିପଦଜ୍ଜନକ ବୋଲି ଅନେକ ମତ ରଖିଛନ୍ତି ।
