ବେଜିଂ: ଗତ ମେ’ ମାସରେ ଚୀନର ବୈଦେଶିକ ମୂଦ୍ରା ଭଣ୍ଡାରରେ ସୃଷ୍ଟି ହୋଇଛି ନୂଆ ରେକର୍ଡ । ଭଣ୍ଡାରର ସୂଚକାଙ୍କ ବୃଦ୍ଧି ସହ ଦେଶରେ ଦ୍ରବ୍ୟ ଦର ଓ ଆମଦାନୀ ମାତ୍ରାରେ ହ୍ରାସ ପରିଲକ୍ଷିତ ହୋଇଛି । ଏନେଇ ରବିବାର ସୂଚନା ଦେଇଛି କେନ୍ଦ୍ରୀୟ ବ୍ୟାଙ୍କ । ଏହି ତଥ୍ୟ ଆଧାରରେ ଏପ୍ରିଲ ମାସ ଶେଷ ସୁଦ୍ଧା ଦେଶରେ ବୈଦେଶିକ ମୂଦ୍ରା ଭଣ୍ଡାରରେ 3.0915 ଟ୍ରିଲିୟନ ଡଲାର ଅର୍ଥ ରହିଥିବା ବେଳେ ମେ’ ମାସ ଶେଷ ସୁଦ୍ଧା ଏହା 3.1017 ଟ୍ରିଲିୟନ ଡଲାରରେ ପହଞ୍ଚିଛି ।
ଅନ୍ୟପଟେ ସୁନା ଭଣ୍ଡାରରେ ଏପ୍ରିଲ ମାସ ଶେଷ ସୁଦ୍ଧା 106.67 ବିଲିୟନ ଡଲାର ଅର୍ଥ ରହିଥିବା ବେଳେ ମେ’ ମାସ ଶେଷ ସୁଦ୍ଧା ଏହା 108.29 ବିଲିୟନ ଡଲାରରେ ପହଞ୍ଚିଛି । ସେହିପରି ଚୀନର ବୈଦେଶିକ ବ୍ୟାପାର ହାର ଗତବର୍ଷ ତୁଳନାରେ ଚଳିତବର୍ଷ ମେ’ ସୁଦ୍ଧା 4.9 ପ୍ରତିଶତ ହ୍ରାସ ପାଇଥିବା ଦେଖିବାକୁ ମିଳିଛି । ଯାହାକି କଳ୍ପନାଠାରୁ କମ ରହିଥିବା କୁହାୟାଇଛି । ସମାନ ଭାବେ ଦେଶର ଆମଦାନୀ ମାତ୍ରା ମଧ୍ୟ ହ୍ରାସ ପାଇ 12.7 ପ୍ରତିଶତରେ ପହଞ୍ଚିଛି । ଫଳରେ ଉଦ୍ୟୋଗରେ ଲାଭ ବର୍ତ୍ତମାନ 62.93 ବିଲିୟନ ଡଲାରରେ ପହଞ୍ଚିଛି ।
ତେବେ ଆଶ୍ଚର୍ଯ୍ୟଜନକ ଭାବେ ଏପ୍ରିଲ ମାସରେ ବୈଦେଶିକ ବ୍ୟାପାର ମାତ୍ରା ଏପ୍ରିଲ ମାସରେ 0.7 ପ୍ରତିଶତ ହ୍ରାସ ପାଇଥିବା ବେଳେ ମେ’ ମାସରେ ଚୀନ ଅନ୍ତର୍ଜାତୀୟ ବ୍ୟାବସାୟିକ ଗତିବିଧିରେ ସୃଷ୍ଟି କରିଛି ନୂଆ ରେକର୍ଡ ।
@IANS
