ଢାକା: ବାଂଲାଦେଶରେ ବୁରିଗାଙ୍ଗା ନଦୀରେ ଡଙ୍ଗା ବୁଡ଼ିଯିବା ଫଳରେ ଘଟଣାସ୍ଥଳରେ 23 ଜଣଙ୍କର ମୃତ୍ୟୁ ହୋଇଛି । ଡଙ୍ଗାଟି ଅନ୍ୟ ଏକ ଜାହାଜରେ ଧକ୍କା ହେବା ପରେ ଏହି ଦୁର୍ଘଟଣା ଘଟିଥିବା ଅଧିକାରୀମାନେ ସୂଚନା ଦେଇଛନ୍ତି ।
ଏହି ଘଟଣାକୁ ନେଇ ଅଗ୍ନିଶମ ସେବା ନିୟନ୍ତ୍ରଣ କକ୍ଷ ଅଧିକାରୀ ରୋଜିନା ଇସଲାମଙ୍କ କହିଛନ୍ତି ଯେ, ସକାଳ ପ୍ରାୟ 9.30 ସମୟରେ ଢାକାର ଶ୍ୟାମବଜାର ନିକଟରେ ଏହି ଦୁର୍ଘଟଣା ଘଟିଛି ।
ରୋଜିନାଙ୍କ ଅନୁଯାୟୀ ମୃତକଙ୍କ ମଧ୍ୟରେ ତିନି ଶିଶୁ ଏବଂ 6 ଜଣ ମହିଳା ରହିଛନ୍ତି । ଅଗ୍ନିଶମ ବିଭାଗର ଅଭିଜ୍ଞ ବୁଡାଳିମାନେ ଘଟଣାସ୍ଥଳରେ ପହଞ୍ଚି ବାଂଲାଦେଶ ଆଭ୍ୟନ୍ତରୀଣ ଜଳ ପରିବହନ ପ୍ରାଧିକରଣ (BIWTA) ଏବଂ ତଟରକ୍ଷୀ ବାହିନୀ ସହାୟତାରେ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ ।
ଆଭ୍ୟନ୍ତରୀଣ ଜଳ ପରିବହନ ପ୍ରାଧିକରଣ ଇନ୍ସପେକ୍ଟର ଏମଡି ସେଲିମ କହିଛନ୍ତି ଯେ ଡଙ୍ଗାଟି ମୋର୍ନିଗ ବର୍ଡ ମୁନ୍ସିଗଞ୍ଜରୁ ସଦରଘାଟ ଅଭିମୁଖେ ଯାଉଥିବାବେଳେ ଚାନ୍ଦପୁରରୁ ଆସୁଥିବା ମୟୂରୀ-୨ ଜାହାଜ ସହ ଶକ୍ତ ଧକ୍କା ହୋଇଥିଲା । ଡଙ୍ଗା ଟିରେ 50 ରୁ ଉର୍ଦ୍ଧ୍ବ ଲୋକ ଥିଲେ ଏବଂ ସେମାନଙ୍କ ମଧ୍ୟରୁ କେତେକ କୂଳକୁ ପହଁରି ପହଁରି ଆସିଯାଇଥିଲେ ।
@IANS
