ଟୋକିଓ: ଦୀର୍ଘ ଦିନ ପରେ ଜାପାନରୁ ଉଠିଛି ଦେଶବ୍ୟାପୀ ଆପାତକାଳୀନ ପରିସ୍ଥିତି । ଏମିତିରେ ଧିରେ ଧିରେ ସ୍ବାଭାବିକ ହେଉଥିବା ପରିସ୍ଥିତିରେ ଖୋଲିବାକୁ ଯାଉଛି ଆପଲର ସମସ୍ତ ଷ୍ଟୋର । ଦେଶରେ ମୋଟ 10ଟି ରିଟେଲ ଷ୍ଟୋର ରହିଥିବା ବେଳେ ଏସମସ୍ତ ଷ୍ଟୋର ଆପାତକାଳୀନ ସ୍ଥିତି ପାଇଁ ପ୍ରାୟ 2 ମାସ ହେବ ବନ୍ଦ ରହିଥିଲା । ହେଲେ ଫୁକୁଓକା ଓ ନାଗୋୟା ସାକାଏରେ ଥିବା ଆଇଫୋନ ପ୍ରସ୍ତୁତକାରୀ ଷ୍ଟୋର ବୁଧବାର ଖୋଲିବା ନେଇ କମ୍ପାନୀ ସୂଚନା ଦେଇଛି ।
ହେଲେ ଦେଶରେ ରହିଥିବା ଅନ୍ୟ 8ଟି ଷ୍ଟୋର ଖୋଲିବା ନେଇ ବର୍ତ୍ତମାନ ସୁଦ୍ଧା କୌଣସି ସଠିକ ସୂଚନା ଦେଇନାହିଁ । ଏନେଇ କମ୍ପାନୀ କହିଛି କି ଷ୍ଟୋରମାନଙ୍କରେ ସୁରକ୍ଷା ସ୍ଥିତି ଥରେ ସ୍ଥିର ହୋଇପାରିଲେ ଲୋକଙ୍କ ପାଇଁ ଏହି ଷ୍ଟୋରଗୁଡିକୁ ପୁଣି ଖୋଲାଯିବ । ଏଥିପାଇଁ ଦେଶର ସ୍ଥିତି ଓ ବଜାରର ପ୍ରତ୍ୟେକ ତଥ୍ୟ ଉପରେ କମ୍ପାନୀ ନଜର ରଖିଥିବା କହିଛି । ତେଣୁ ଷ୍ଟୋର ଖୋଲିବା ମାତ୍ରେ ଲୋକଙ୍କ ସୁରକ୍ଷା ପାଇଁ ଆବଶ୍ୟକ ସମସ୍ତ ପଦକ୍ଷେପ ଗ୍ରହଣ କରିବ କମ୍ପାନୀ ।
ପ୍ରଧାନମନ୍ତ୍ରୀ ସିଞ୍ଜୋ ଆବେ ସୋମବାର ଦେଶରେ ଆପାତକାଳୀନ ସ୍ଥିତି ଉଚ୍ଛେଦ କରିଥିଲେ । ଏହାପୂର୍ବରୁ ଦେଶର କେତେକ ସ୍ଥାନରେ କଟକଣା କୋହଳ ହୋଇଥିବା ବେଳେ ସୋମବାରଠାରୁ ବଳକା ଅନ୍ୟ ସମସ୍ତ ସ୍ଥାନରେ କଟକଣା କୋହଳ ହୋଇଛି ।
@IANS
