ଆଫଗାନିସ୍ତାନ ରାଷ୍ଟ୍ରପତି ନିର୍ବାଚନରେ ବିଜୟୀ ହେଲେ ଅଶରଫ ଗନି

ଆଫଗାନିସ୍ତାନର ରାଷ୍ଟ୍ରପତି ନିର୍ବାଚନରେ ଅବଦୁଲ୍ଲା ଅବଦୁଲ୍ଲାଙ୍କୁ ହରାଇ ବିପୁଳ ଭୋଟରେ ବିଜୟ ହାସଲ କରିଛନ୍ତି ଅଶରଫ ଗନି ।

କାବୁଲ: ପୁଣିଥରେ ରାଷ୍ଟ୍ରପତି ଆସନକୁ କବ୍‌ଜା କରିଛନ୍ତି ଅଶରଫ ଗନି। ଆଫଗାନିସ୍ତାନର ରାଷ୍ଟ୍ରପତି ନିର୍ବାଚନରେ ଅବଦୁଲ୍ଲା ଅବଦୁଲ୍ଲାଙ୍କୁ ହରାଇ ସେ ବିପୁଳ ଭୋଟରେ ବିଜୟ ହାସଲ କରିଛନ୍ତି । ସେ ସର୍ବାଧିକ ୯୨୩,୮୬୮ ବା ୫୦.୬୪ ପ୍ରତିଶତ ଭୋଟ ପାଇଛନ୍ତି। ସେପଟେ ଅବଦୁଲ୍ଲା ଅବଦୁଲ୍ଲାଙ୍କୁ 7,02,009 ଭୋଟରେ ସନ୍ତୁଷ୍ଟ ହେବାକୁ ପଡିଛି ।

ସୂଚନାଯୋଗ୍ୟ ଯେ, ଆଫଗାନିସ୍ତାନରେ ସରକାର ଗଠନ କରିବାରୁ ପ୍ରାର୍ଥୀଙ୍କୁ 50 ପ୍ରତିଶତରୁ ଉର୍ଦ୍ଧ୍ବ ଭୋଟର ଆବଶ୍ୟକତା ରହିଥାଏ । ଯଦି ଏଭଳି ନହୁଏ ତାହାଲେ ସର୍ବାଧିକ ଭୋଟ ପାଇଥିବା ପ୍ରାର୍ଥୀଙ୍କୁ ଦ୍ବିତୀୟ ସ୍ତରୀୟ ନିର୍ବାଚନର ସାମ୍ନା କରିବାକୁ ପଡିଥାଏ ।