କାବୁଲ: ଆଫଗାନିସ୍ତାନରେ 74 ଜଣ ତାଲିବାନ ଆତଙ୍କୀ ନିପାତ । ଆଫଗାନିସ୍ତାନର କାନ୍ଦାହାର ପ୍ରଦେଶରେ ଆଫଗାନ ସେନା ଓ ତାଲିଓ୍ବାନ ଆତଙ୍କୀଙ୍କ ମଧ୍ୟରେ ଘଟିଥିବା ସଂଘର୍ଷରେ 74 ଆତଙ୍କୀଙ୍କ ମୃତ୍ୟୁ ଘଟିଛି ଏବଂ 15 ଜଣ ଆହତ ହୋଇଛନ୍ତି । ସେମାନଙ୍କ ନିକଟରୁ ବହୁ ସଂଖ୍ୟକ ଅସ୍ତ୍ରଶସ୍ତ୍ର ଜବତ କରାଯାଇଛି । ଏନେଇ ଆଫଗାନ ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ରବିବାର ସୂଚନା ମିଳିଛି ।
କାନ୍ଦାହାରରେ ଗତ କିଛି ଦିନ ପୂର୍ବରୁ ମଧ୍ୟ ସଂଘର୍ଷ ଘଟିଥିଲା । ଆଫଗାନିସ୍ତାନ ପ୍ରତିରକ୍ଷା ମନ୍ତ୍ରଣାଳୟ ଦ୍ବାରା ପ୍ରଦତ୍ତ ତଥ୍ୟ ଅନୁଯାୟୀ, ଏହି ସପ୍ତାହରେ କାନ୍ଦାହାରରେ ମୋଟ 82ଟି ତାଲିବାନ ଆତଙ୍କୀ ନିହତ ହୋଇଛନ୍ତି ।
ଗତ ସେପ୍ଟମ୍ବରରେ କତାରରେ ଆଫଗାନିସ୍ତାନ ସରକାର ଓ ତାଲିବାନ ମଧ୍ୟରେ ଶାନ୍ତି ବୁଝାମଣା ସତ୍ତ୍ବେ ଦେଶ ହିଂସାକାଣ୍ଡ ଓ ବୋମା ବିସ୍ଫୋରଣ ଦ୍ବାରା କ୍ଷତିଗ୍ରସ୍ତ ହୋଇଆସୁଛି ।
@ANI
