ବେଜିଂ: ଚୀନର ଏକ କୋଇଲା ଖଣିରେ ବଡ ଧରଣର ଅଘଟଣ । କୋଇଲା ଖଣିରେ କାର୍ବନ ମନୋକ୍ସାଇଡ୍ ଗ୍ୟାସ ଲିକ୍ କରିବାରୁ 23ଜଣଙ୍କ ପ୍ରାଣ ଯାଇଛି । ଶୁକ୍ରବାର ସନ୍ଧ୍ୟା ସମୟରେ ଘଟିଛି ଏହି ଅଘଟଣ । ଚୀନର ଚୌଗାକିଙ୍ଗ ନଗର ନିଗମର ଯୋଗଚୁଆନର ଡିଆଶୁଇଡୋଙ୍ଗ କୋଇଲା ଖଣିରେ ଘଟିଛି ଏହି ଘଟଣା । ଏନେଇ ଅଧିକାରୀ ମାନେ ସୂଚନା ଦେଇଛନ୍ତି ।
ସୂଚନା ଅନୁସାରେ, ଶ୍ରମିକ ମାନେ ଗାତରେ ଉପକରଣ ନଷ୍ଟ କରିବାକୁ ଯାଇଥିଲେ । ଏହି ସମୟରେ ସେମାନେ 24 ଜଣ ଶ୍ରମିକ ଫସି ଯାଇଥିଲେ । ହଠାତ୍ ଗ୍ୟାସ ଲିକ୍ ହେବାରୁ ଏହି ଦୁର୍ଘଟଣା ଘଟିଛି । ଏଥିରେ 23 ଜଣ ଶ୍ରମିକଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣଙ୍କୁ ଉଦ୍ଧାର କରାଯାଇଛି । ତେବେ ଏଭଳି ଅଘଟଣ ଘଟିଥିବାରୁ ପୂର୍ବରୁ ଏହି କୋଇଲା ଖଣିକୁ 2 ମାସ ପାଇଁ ବନ୍ଦ କରି ଦିଆଯାଇଥିଲା । ଏବେ ଘଟଣାର ତଦନ୍ତ କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
