କାବୁଲ: ଆଫଗାନିସ୍ତାନର କାବୁଲ ବିଶ୍ବବିଦ୍ୟାଳୟରେ ଆକ୍ରମଣ ନେଇ ଖବର ସାମ୍ନାକୁ ଆସିଛି । 3 ଜଣ ବନ୍ଧୁକଧାରୀ ଆତଙ୍କବାଦୀ ଏଠାରେ ୟୁନିଭର୍ସିଟିରେ ଗୁଳିବର୍ଷଣ କରିଥିଲେ । ଘଟଣାରେ 19 ଜଣଙ୍କ ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଛନ୍ତି । ଆକ୍ରମଣ ସମୟରେ ୟୁନିଭର୍ସିଟି ପରିସର ଭିତରେ ପୁସ୍ତକମେଳା ଚାଲିଥିବା ଜଣାପଡିଛି ।
ବିଶ୍ବବିଦ୍ୟାଳୟର ପ୍ରଫେସରଙ୍କ ସୂଚନା ଅନୁଯାୟୀ, ଯେତେବେଳେ ଏହି ଆକ୍ରମଣ ହୋଇଥିଲା ସେତେବେଳେ ଏଠାରେ ଜାରି ରହିଥିଲା ପାଠପଢା । ତେବେ ଗୁଳିବିନିମୟ ଆରମ୍ଭ ପରେ ବିଶ୍ବବିଦ୍ୟାଳୟର ଅଧ୍ୟାପକ, କର୍ମଚାରୀ ଓ ସୁରକ୍ଷାକର୍ମୀ ଛାତ୍ରଛାତ୍ରୀଙ୍କୁ ପରିସର ମଧ୍ୟରୁ କାଢି ବହାରକୁ ନେଇଯିବାକୁ ପ୍ରୟାସ କରିଥିଲେ ।
ଗତବର୍ଷ ଏହି ୟୁନିଭର୍ସିଟି ଗେଟ୍ ସାମ୍ନାରେ ବୋମା ବିସ୍ପୋରଣ ଯୋଗୁଁ 8 ଜଣଙ୍କ ଜୀବନ ଯାଇଥିଲା । ସେହିପରି 2016ରେ ମଧ୍ୟ ବନ୍ଧୁକଧାରୀ କାବୁଲ ସ୍ଥିତ ଏକ ୟୁନିଭର୍ସିଟିରେ ଆକ୍ରମଣ କରିଥିଲେ । ଏଥିରେ 13 ଜଣଙ୍କ ମୃତ୍ୟୁ ହୋଇଥିଲା ।
