କାବୁଲ: ଉରୁଜଗାନ୍ ପ୍ରଦେଶରେ ଏକ ସ୍ୱତନ୍ତ୍ର ଆଫଗାନିସ୍ତାନ ସାମରିକ ଅପରେସନରେ ଅତି କମରେ 12 ତାଲିବାନ ବିଦ୍ରୋହୀଙ୍କ ମୃତ୍ୟୁ ଘଟିଛି ବୋଲି 205 ତମ (ଅଟଳ) କର୍ପସ ଏକ ବୟାନରେ କହିଛି । ଗୁରୁବାର ଏକ ବିବୃତ୍ତିରେ କୁହାଯାଇଛି ଯେ ବୁଧବାର ରାତିରେ କେନ୍ଦ୍ରୀୟ ଉରୁଜଗାନ୍ ପ୍ରଦେଶର ତାରିନକୋଟ ଏବଂ ଗିଜାବ ଜିଲ୍ଲାରେ ହୋଇଥିବା ଅପରେସନରେ 12 ବିଦ୍ରୋହୀଙ୍କର ମୃତ୍ୟୁ ଘଟିଥିବାବେଳେ 8 ଜଣ ଆହତ ହୋଇଥିଲେ ।
ତେବେ ତାଲିବାନ ଏପର୍ଯ୍ୟନ୍ତ ହୋଇଥିବା ଅଭିଯୋଗ ଉପରେ କୌଣସି ମନ୍ତବ୍ୟ ଦେଇନାହିଁ। ଉରୁଜଗାନର ଗିଜାବ ଏବଂ ଦେ ରାୱଡ ଜିଲ୍ଲାରେ ଗତ ତିନିମାସ ଧରି ଆଫଗାନିସ୍ତାନ ବାହିନୀ ଏବଂ ତାଲିବାନ ମଧ୍ୟରେ ଲଢେଇ ଚାଲିଥିଲା। ଏଥିରେ ତାଲିବାନ ଆଫଗାନିସ୍ତାନର କିଛି ଅଞ୍ଚଳ ଦଖଲ କରିବାରେ ସଫଳ ହୋଇଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
