ସିଓଲ: ଦକ୍ଷିଣ କୋରିଆରେ ପହଞ୍ଚିଥିବା ଆମେରିକୀୟ ଯବାନ ଧିରେ ଧିରେ କୋରୋନା କବଳରେ ସଂକ୍ରମିତ ହେଉଥିବା ଦେଖାଯାଉଛି । ଏହି କ୍ରମରେ ସୋମବାରୁ ପୁଣି 10 ଜଣ ଆମେରିକୀୟ କର୍ମଚାରୀ କୋରୋନାରେ ସଂକ୍ରମିତ ହୋଇଥିବା ଜଣା ପଡିଛି । ଏମାନଙ୍କ ମଧ୍ୟରେ 6 ଜଣ ଯବାନ ରହିଥିବା ବେଳେ ବଳକା 4 ଜଣ ସେମାନଙ୍କ ପରିବାର ସଦସ୍ୟ ହୋଇଥିବା ଜଣା ପଡିଛି । ସେପଟେ ଆକ୍ରାନ୍ତ ଯବାନମାନେ ୟୁଏସ ଫୋର୍ସେସ କୋରିଆ(ୟୁଏସଏଫକେ)ର ସଦସ୍ୟ ହୋଇଥିବା ବେଳେ ଗତ ସପ୍ତାହ ସେମାନେ ଦକ୍ଷିଣ କୋରିଆରେ ପହଞ୍ଚିଥିବା ଜଣା ପଡିଛି ।
ସମ୍ପୃକ୍ତ ଆମେରିକୀୟମାନେ ଗତ 12 ଓ 15 ଜୁଲାଇରେ ଦକ୍ଷିଣ ଆଫ୍ରିକାରେ ଆସି ପହଞ୍ଚିଥିଲେ । ଏମାନଙ୍କ ମଧ୍ୟରୁ 6 ଜଣଙ୍କ ପ୍ରାଥମିକ ପର୍ଯ୍ୟାୟ ଟେଷ୍ଟିଂରେ ପଜିଟିଭି ଥିବା ଜଣା ପଡିଥିଲେ । ଏଥିରୁ 2 ଜଣଙ୍କ ପାଖରେ ଖୁବ କମ ଲକ୍ଷଣ ଥିବା ମଧ୍ୟ ଦେଖାଯାଇଥିଲା । ଫଳରେ ସେମାନଙ୍କର ପୁଣି ଆଉ ଥରେ ଟେଷ୍ଟିଂ କରାଯାଇଥିଲା । ପରେ ସେମାନେ ପଜିଟିଭ ରହିଥିବା ଦେଖାଯାଇଥିଲା ।
ପଜିଟିଭ ଚିହ୍ନଟ ହେବା ପରେ ସମସ୍ତ ଆକ୍ରାନ୍ତଙ୍କ ଏକ ଆଇସୋଲେସନ ସେଣ୍ଟରକୁ ପଠାଯାଇଥିଲା । ତେବେ ସଦ୍ୟ ଚିହ୍ନଟ 10 ଆକ୍ରାନ୍ତଙ୍କ ମିଶାଇ ମୋଟ 98 ଜଣ ୟୁଏସଏଫକେ ସଦସ୍ୟ କୋରୋନାରେ ସଂକ୍ରମିତ ହୋଇଥିବା ଜଣା ପଡିଛି । ଏମାନଙ୍କ ମଧ୍ୟରୁ 62 ଜଣ କେବଳ ଜୁଲାଇରେ ପଜିଟିଭ ଚିହ୍ନଟ ହୋଇଛନ୍ତି ଏବଂ ସମସ୍ତେ ସର୍ଭିସ ମେମ୍ବର ହୋଇଥିବା ଜଣା ପଡିଛି ।
ତେବେ ଆଇସୋଲେସନ ଅବଧି ସାରିବା ପରେ ସମ୍ପୃକ୍ତ ଆମେରିକୀୟମାନଙ୍କର ପୁନଃ ଟେଷ୍ଟିଂ କରାଯିବ । ରିପୋର୍ଟ ନେଗେଟିଭ ଆସିବା ପରେ ହିଁ ସେମାନଙ୍କୁ କାର୍ଯ୍ୟରେ ସାମିଲ ହେବା ପାଇଁ ଅନୁମତି ଦିଆୟିବ । ସେପଟେ ସୋମବାର ଦକ୍ଷିଣ କୋରିଆରେ 26ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଥିବା ଦେଖାଯାଇଥିଲା । ଏହାକୁ ମିଶାଇ ଦେଶରେ ମୋଟ ଆକ୍ରାନ୍ତ ସଂଖ୍ୟା 13,771ରେ ପହଞ୍ଚିଥିବା ଜଣା ପଡିଛି ।
@IANS
