ୱାଶିଂଟନ : ଫାଇଜର୍ ଠାରୁ 500 ମିଲିୟନ ଡୋଜ୍ କୋଭିଡ-19 ଟିକା କିଣିବ ଆମେରିକା । କୋଭାକ୍ସ ମିଳିତ ସଂଗଠନ ଅଧିନରେ ଥିବା 92ଟି ଦେଶକୁ ଟିକା ବାଣ୍ଟିବ ଆମେରିକା । 92ଟି ନିମ୍ନ ଆୟକାରୀ ଦେଶ ଓ ଆଫ୍ରିକୀୟ ୟୁନିୟନ ପାଇଁ ଟିକା କିଣିବ ଆମେରିକା । ଗ୍ରୁପ୍ ଅଫ୍ ସେଭେନ ଶିଖର ସମ୍ମିଳନୀ ଆରମ୍ଭ ପୂର୍ବରୁ ରାଷ୍ଟ୍ରପତି ଜୋ ବାଇଡେନ ଘୋଷଣା କରିଛନ୍ତି । 100 ମିଲିୟନ୍ ଲୋକଙ୍କୁ ସମ୍ପୂର୍ଣ୍ଣରୂପେ ସୁରକ୍ଷା ଦେବା ପାଇଁ ଦୁଇ ଶହ ନିୟୁତ ଡୋଜ ଚଳିତ ବର୍ଷ ବଣ୍ଟାଯିବ ଏବଂ 2022 ର ପ୍ରଥମାର୍ଦ୍ଧରେ ବାକି ଥିବା ଟିକା ବଣ୍ଟାଯିବ ।
ହ୍ବାଇଟ ହାଉସ ବିଦେଶରେ 25 ନିୟୁତ ଡୋଜ ଟିକା ପ୍ରଦାନ କରିବାର ଯୋଜନା ଘୋଷଣା କରିବାର ଏକ ସପ୍ତାହ ପରେ ଏହି ତଥ୍ୟ ସାମ୍ନାକୁ ଆସିଛି । ପ୍ରକାଶଥାଉକି, ମୁଖ୍ୟତଃ ମିଳିତ ଜାତିସଂଘ ସମର୍ଥିତ COVAX କାର୍ଯ୍ୟକ୍ରମ ମାଧ୍ୟମରେ ଦକ୍ଷିଣ ଏବଂ ମଧ୍ୟ ଆମେରିକା, ଏସିଆ, ଆଫ୍ରିକା ଏବଂ ଅନ୍ୟମାନଙ୍କୁ ଟିକା ଦିଆଯିବ ।
ହ୍ବାଇଟ ହାଉସ ଜୁନ୍ ଶେଷ ସୁଦ୍ଧା ସର୍ବଭାରତୀୟ ସ୍ତରରେ 80 ମିଲିୟନ୍ ଡୋଜ ବାଣ୍ଟିବାକୁ ଯୋଜନା ଘୋଷଣା କରିଛି । ଅଧିକାରୀମାନେ କହିଛନ୍ତି ଯେ ଦେଶରେ ଥିବା ଅତିରିକ୍ତ ଟିକାର ଏକ ଚତୁର୍ଥାଂଶ ଜରୁରୀକାଳୀନ ପରିସ୍ଥିତି ପାଇଁ ଏବଂ ଆମେରିକାର ସହଯୋଗୀ ତଥା ଅଂଶୀଦାରମାନଙ୍କ ସହ ସିଧାସଳଖ ବାଣ୍ଟିବା ପାଇଁ ସଂରକ୍ଷିତ ରଖାଯିବ। ଦକ୍ଷିଣ କୋରିଆ, ତାଇୱାନ ଏବଂ ୟୁକ୍ରେନ ସମେତ ଅନ୍ୟ ସହଯୋଗୀଙ୍କୁ ହ୍ବାଇଟ ହାଉସ ଡୋଜ ପାଇଁ ନିର୍ଦ୍ଦେଶ ଦେଇଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
