ୱାଶିଂଟନ: ଯୁଦ୍ଧ ପ୍ରବଣ ଲିବିୟାରେ ବିଦେଶୀ ରାଷ୍ଟ୍ରଙ୍କ ହସ୍ତକ୍ଷେପ ପାଇଁ ୱାଶିଂଟନର ବିରୋଧାଭାସକୁ ପୁଣି ଦୋହରାଇଛନ୍ତି ଲିବିୟାସ୍ଥିତ ଆମେରିକୀୟ ରାଷ୍ଟ୍ରଦୂତ ରିଚାର୍ଡ ନରଲ୍ୟାଣ୍ଡ । ଶୁକ୍ରବାର ଏକ ଟେଲିଫୋନିକ ବାର୍ତ୍ତାଳାପ ସମୟରେ ଏପରି ମନ୍ତବ୍ୟ ଦେଇଛନ୍ତି ରିଚାର୍ଡ । ଫୋନ ଯୋଗେ ସେ ଲିବିୟାର ପୂର୍ବାଞ୍ଚଳ ଲୋକସଭା ବାଚସ୍ପତି ଅଗୁଇଲା ସଲେହଙ୍କ ସହ ବାର୍ତ୍ତାଳାପ ସମୟରେ ୱାଶିଂଟନର ଏହି ବିରୋଧାଭାସରୁ ଦୋହରାଇଥିଲେ ।
ସେ କହିଥିଲେ କି ଲିବିୟାରେ ଯୁଦ୍ଧ ପରିସ୍ଥିତି ଲାଗି ରହିଥିବା ବେଳେ ଏଥିରେ କୌଣସି ବିଦେଶୀ ରାଷ୍ଟ୍ର ହସ୍ତକ୍ଷେପ ନକରି ଉଚିତ୍ । ବରଂ ଶାନ୍ତିପୂର୍ଣ୍ଣ ଭାବେ ଲିବିୟାକୁ ଜାତିସଂଘ ନିୟମର ଓ ନିର୍ଦ୍ଦେଶ ମାନିବାକୁ ଦିଆଯିବା ଦରକାର । ସେ ଲିବିୟାର ସାର୍ବଭୌମତ୍ବ ଓ ଏକତାର ପ୍ରତୀକ କୁହାଯାଉଥିବା ଜାତୀୟ ତୈଳ କର୍ପୋରେସନ(ଏନଓସି)ର ପୁନଃକାର୍ଯ୍ୟକାରିତାକୁ ସମର୍ଥନ କରୁଥିବା ମଧ୍ୟ ସ୍ପଷ୍ଟ କରିଛନ୍ତି । ସେପଟେ ଲିବିୟାରେ ଜାରି ରହିଥିବା ସଂଘର୍ଷମୟ ପରିସ୍ଥିତିର ବିରାମ ଲଗାଇବାକୁ ହେଲେ ପ୍ରଥମେ ସିର୍ତ୍ତେ ଓ ଜୁଫ୍ରାଠାରେ ପରିସ୍ଥିତିରେ ସ୍ଥିରତା ଆସିବା ଦରକାର ବୋଲି ରିଚାର୍ଡ ମତ ଦେଇଛନ୍ତି ।
ଜାତିସଂଘ ସମର୍ଥିତ ଲିବିୟା ସରକାରଙ୍କ ରାଜ୍ୟ ସରକାର ଅଧିକୃତ ଏନଓସି ବା ଜାତୀୟ ତୈଳ କର୍ପୋରେସନ ନିକଟରେ ଏକ ଘଟଣାର ଘୋଷମା କରିଥିଲା । ଯେଉଁଥିରେ ସେ ସ୍ପଷ୍ଟ କରିଥିଲା କି ତୈଳ ବ୍ୟବସାୟ ଉପରେ ନୂତନ ପ୍ରତିବନ୍ଧକ ଯୋଗୁଁ ଦେଶରେ ତୈଳ ରପ୍ତାନୀ ଉପରେ ଜବରଦସ୍ତ ରୋକ ଲଗାଯାଇଥିଲା । ଦେଶର ପୂର୍ବାଞ୍ଚଳରେ ଥିବା ସେନା ବାହିନୀ ଏହି ନୂତନ ପ୍ରତିବନ୍ଧକ ଲଗାଇଥିଲା । ଏଥିସହ ତୈଳ ଆବଣ୍ଟନ ଯୋଗୁଁ ମିଳୁଥିବା ରାଜସ୍ବର ହିସାବ ମଧ୍ୟ ମଗାଯାଇଥିବା ଏନଓସି ସ୍ପଷ୍ଟ କରିଥିଲା ।
ସେପଟେ ଏନଓସିର ସୂଚନା ମୁତାବକ ଦୀର୍ଘ ସମୟ ବା ମାସ ମାଲ ଧରି ଜାରି ରହିଥିବା ଏହି ପ୍ରତିବନ୍ଧକ ଯୋଗୁଁ ଦେଶକୁ ପ୍ରାୟ 7.2 ବିଲିୟନ ଡଲାରର କ୍ଷତି ସହିବାକୁ ପଡିଥିଲା । ଯାହା 2011 ମସିହାରେ ପୂର୍ବତନ ନେତା ମୁଆମାର ଗଦ୍ଦାଫୀଙ୍କ ମୃତ୍ୟୁ ପରେ ରାଜନୈତିକ ବିଭାଜୀକରଣର ଶିକାର ହୋଇଥିବା ଏହି ଉତ୍ତର ଆଫ୍ରିକାନ ଦେଶରେ ପୁଣି ସଂଘର୍ଷମୟ ପରିସ୍ଥିତି ସୃଷ୍ଟି କରିଥିଲା ।
@IANS
