ନ୍ୟୁୟର୍କ: ଯୁକ୍ତରାଷ୍ଟ୍ର ଆମେରିକାରେ ଏବେ ଆତଙ୍କ ମଚାଇଛି ଟର୍ଣ୍ଣାଡୋ । ଏଥିଯୋଗୁଁ ପ୍ରାୟ 10 ଜଣଙ୍କର ମୃତ୍ୟୁ ହୋଇଥିବା ସୂଚନା ରହିଛି । ଏହାସହ 16ରୁ ଅଧିକ ଲୋକ ଆହତ ହୋଇଥିବା ଜଣାପଡିଛି ।
ଆଲବାମାରେ ଥିବା ଜାତୀୟ ପାଣିପାଗ ସେବା କେନ୍ଦ୍ର ପକ୍ଷରୁ ଏନେଇ ରବିବାର ଅପରାହ୍ନ 2ଟା 30ରେ ଆମେରିକାବାସୀଙ୍କୁ ସତର୍କ ସୂଚନା ଦିଆଯାଇଥିଲା । ବଡ ଓ ଭୟାନକ ଟର୍ଣ୍ଣାଡୋ ଆସିବାର ସମ୍ଭାବନା ଥିବାରୁ ଏଥିପ୍ରତି ସତର୍କ ରହିବା ପାଇଁ ଏହା ଚେତାବନୀ ଦେଇଥିଲା । ଏହାପରେ ଅପରାହ୍ନରେ ଆସିଥିଲା ବିଧ୍ବଂସକାରୀ ଟର୍ଣ୍ଣାଡୋ । ଏହାର ପ୍ରଭାବରେ ଜନଜୀବନ ଅସ୍ତବ୍ୟସ୍ତ ହୋଇଥିଲା ।
ଚାରିଆଡେ ପ୍ରବଳ ବରଫପାତ ହେବା ସହିତ ଜୋରରେ ପବନ ବୋହିଥିଲା । ଫଳରେ ବିଭିନ୍ନ ସ୍ଥାନରେ ଯାନବାହାନ ପରସ୍ପର ମଧ୍ୟରେ ଧକ୍କା ଖାଇଥିଲେ । ବଡ ବଡ ବସ ଓ ଟ୍ରକ ରାସ୍ତା କଡକୁ ଓଲଟି ପଡିଥିଲା । ଏପରିକି କେତେକ ସ୍ଥାନରେ ବିଦ୍ୟୁତ ଖୁଣ୍ଟି ଉପୁଡି ପଡିବା ସହ ସର୍ଟସର୍କିଟ ହୋଇଥିଲା । ଏହି ଟର୍ଣ୍ଣାଡୋ ଯୋଗୁଁ ପ୍ରବଳ ତୁଷାରପାତ ହୋଇଥିବାର ଖବର ମିଳିଛି । ଫଳରେ ରାସ୍ତା ଉପରେ ଶହ ଶହ ଗାଡି ଜମା ରହିଥିଲା ।
ଏହି ଟର୍ଣ୍ଣାଡୋ ଦକ୍ଷିଣ ଆମେରିକାରେ ଅଧିକ କ୍ଷୟକ୍ଷତି କରିଥିଲା । ଜର୍ଜିଆ ଓ ଆଲବାମା ସହରରେ ଏହାର ବିଶେଷ ପ୍ରଭାବ ରହିଥିଲା । ଏଥିପାଇଁ ଅନେକ ସ୍ଥାନରେ ଦୁର୍ଘଟଣା ଘଟି 10 ଜଣ ଲୋକଙ୍କ ମୃତ୍ୟୁ ହୋଇଥିବା ସୂଚନା ରହିଛି । ଏହାସହ 16ରୁ ଅଧିକ ଲୋକ ଆହତ ମଧ୍ୟ ହୋଇଛନ୍ତି । ତେବେ ରାତି 9ଟା ପରେ ଏହି ଭୟାନକ ଟର୍ଣ୍ଣାଡୋ ଛାଡି ଯାଇଥିଲା । କିନ୍ତୁ ଏହାର ପ୍ରଭାବରେ ଜନଜୀବନ ଠପ୍ ହୋଇଯାଇଛି ।
AFP: Tornadoes kill more than 10 people in US, according to reports
— ANI (@ANI) March 4, 2019 " class="align-text-top noRightClick twitterSection" data="
">AFP: Tornadoes kill more than 10 people in US, according to reports
— ANI (@ANI) March 4, 2019AFP: Tornadoes kill more than 10 people in US, according to reports
— ANI (@ANI) March 4, 2019
ଏହା ଛାଡିବା ପରେ ମଧ୍ୟ ଅଟକିଥିବା ଗାଡିମୋଟର ଯାତାୟାତ କରିପାରିନଥିଲେ । କାରଣ ପ୍ରବଳ ତୁଷାରପାତରେ ସମସ୍ତ ଗାଡି ଘୋଡାଇ ହୋଇଥିଲେ । ଏପରିକି ଅନେକ ଘର ଓ ରାସ୍ତା ମଧ୍ୟ ଏଥିରେ ଢାଙ୍କି ହୋଇଥିଲା । ଏଥିପାଇଁ ପୋଲିସ ଗାଡି ମଧ୍ୟ ରାସ୍ତାରେ ଅଟକି ରହିଥିଲା । ଫଳରେ ଲୋକଙ୍କୁ ସେବା ଯୋଗାଇବାରେ ବିଳମ୍ବ ହୋଇଥିଲା । ଜୋର ପବନରେ ଲୋକଙ୍କ ଘରର ଛାତ ଉଡିଯିବା ସହ ପାଚେରୀ ଭାଙ୍ଗିଯାଇଥିଲା ।
ଟର୍ଣ୍ଣାଡୋ ଛାଡିବା ପରେ ସ୍ଥାନୀୟ ପ୍ରଶାସନ ପକ୍ଷରୁ ସଫେଇ ଓ ଉଦ୍ଧାର କାର୍ଯ୍ୟ ଆରମ୍ଭ ହୋଇଛି । ରାସ୍ତା ଉପରୁ ବରଫ ସଫା କରାଯିବା ସହ ଅଟକିଥିବା ଲୋକଙ୍କୁ ଉଦ୍ଧାର କରାଯାଉଛି । ଅନେକ ଜାଗାରେ ବିଦ୍ୟୁତ ସେବା ବିଚ୍ଛିନ୍ନ ହୋଇଥିବାବେଳେ ଏହା ସଜଡାଯାଉଛି । ଫେବୃୟାରୀ 23ରେ ଜାରି ହୋଇଥିବା ଷ୍ଟେଟ ଏମର୍ଜେନ୍ସିକୁ ଅଧିକ ଦିନ ପର୍ଯ୍ୟନ୍ତ ବୃଦ୍ଧି କରାଯାଇଛି । ଏହାସହ ପାଣିପାଗ ବିଭାଗ ସୂଚନା ଦେଇଛି ଯେ ସୋମବାର ଠାରୁ ସାଧାରଣ ତଥା ଶୁଖିଲା ପାଗ ରହିବ । କିନ୍ତୁ ତାପମାତ୍ରା କମ ରହିବ ଫଳରେ ଅତ୍ୟଧିକ ଥଣ୍ଡା ଅନୁଭୂତ ହେବ ।
