ଓ୍ବାଶିଂଟନ: ଆମେରିକାରେ କୋରୋନା ଭାଇରସ ଆତଙ୍କ ସୃଷ୍ଟି କରିଛି । ବର୍ତ୍ତମାନ ପର୍ଯ୍ୟନ୍ତ ସେଠାରେ 54 ହଜାରରୁ ଅଧିକ ଲୋକ ପ୍ରାଣ ହରାଇଛନ୍ତି । ଏହି ବିପଜ୍ଜନକ ଭାଇରସ ଦ୍ୱାରା ଅନୂମାନ କରାଯାଇଥିବା ଲୋକଙ୍କ ସଂଖ୍ୟା ପ୍ରାୟ 1 ମିଲିୟନରେ ପହଞ୍ଚିଛି । କିନ୍ତୁ ଏହା ସତ୍ତ୍ୱେ ଏହି ସପ୍ତାହରୁ ଆମେରିକାର କେତେକ ରାଜ୍ୟରେ ଲାକଡାଉନ ଆରମ୍ଭ ହୋଇଛି । ଏଭଳି ପରିସ୍ଥିତିରେ ମାଇକ୍ରୋସଫ୍ଟ ପ୍ରତିଷ୍ଠାତା ବିଲ୍ ଗେଟ୍ସ ଆମେରିକାକୁ ଚେତାବନୀ ଦେଇଛନ୍ତି । ସେ କହିଛନ୍ତି ଯେ ଲକଡାଉନ୍ ହଟାଇବା ଦ୍ବାରା କୋରୋନା ଆଉ ଏକ ରାଉଣ୍ଡ ହୋଇପାରେ, ଯାହାଦ୍ୱାରା ବହୁ କ୍ଷତି ଘଟିବ ।
ତେବେ ବିଲ ଗେଟ୍ସ ଫାଉଣ୍ଡେସନ ଗତ କିଛି ବର୍ଷ ଧରି ଦୁନିଆର ଅନେକ ମହାମାରୀ ବିରୁଦ୍ଧରେ ଯୁଦ୍ଧ କରିଆସୁଛି । ଏକ ଗଣମାଧ୍ୟକୁ ସୂଚନା ଦେଇ ବିଲ୍ ଗେଟ୍ କହିଛନ୍ତି, ଯଦି ବର୍ତ୍ତମାନ ଲକଡାଉନ୍ ଖୋଲିବ, ତେବେ ଆମେରିକାରେ କୋରୋନା ଭାଇରସ୍ ସଂକ୍ରମଣ ପୁଣି ବୃଦ୍ଧି ପାଇପାରେ ସ୍ଥିତି ପୁଣି ନ୍ୟୁୟର୍କ ପରି ହୋଇପାରେ । କେତେକ କ୍ଷେତ୍ରରେ ଲକଡାଉନ୍ ଖୋଲିବା ସତ୍ତ୍ବେ ଆମେରିକାର ପ୍ରତ୍ୟେକ ଭାଗରେ କୋରୋନା ସଂକ୍ରମଣ ପୁନର୍ବାର ବ୍ୟାପିବାର ସମ୍ଭାବନା ରହିଛି । ଏହି କ୍ଷେତ୍ରରେ, କରୋନାର ଗତି ହ୍ରାସ ହେବା ପରିବର୍ତ୍ତେ ବୃଦ୍ଧି ପାଇପାରେ ।
ବିଲ୍ ଗେଟ୍ସ କହିଛନ୍ତି ଯେ, ଲକଡାଉନ୍ ଖୋଲିବା ବିଷୟରେ ଆମେରିକା ସ୍ୱାସ୍ଥ୍ୟ ବିଶେଷଜ୍ଞଙ୍କ ପରାମର୍ଶ ନେବା ଉଚିତ । ଆମେରିକା ମଧ୍ୟ ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ର ନିର୍ଦ୍ଦେଶାବଳୀ ଅନୁସରଣ କରିବା ଉଚିତ୍ । ସେ କହିଛନ୍ତି, 'ମୁଁ ଭାବୁଛି ନୂଆ ଟେଷ୍ଟିଂ କିଟ୍ ସହିତ ଖୁବ୍ ଶୀଘ୍ର ଆମେରିକାରେ 4 ରୁ 5 ଲକ୍ଷ ପରୀକ୍ଷା କରାଯାଇ ପାରିବ । ଯଦି ଏହା କରା ନ ଯାଏ ଏବଂ ତେବେ ଆହୁରି ଅଧିକ ଲୋକଙ୍କର ପ୍ରାଣହାନୀ ଘଟିବ ।
ବିଲ୍ ଗେଟ୍ସ କହିଛନ୍ତିଯେ, କୋରୋନା ଭ୍ୟାକସିନ ଆସିବା ପାଇଁ ଆହୁରୀ 1 ରୁ 2 ବର୍ଷ ଲାଗିପାରେ । ତେବେ ଟ୍ରମ୍ପ ପ୍ରଶାସନ କହିଛି ଯେ, ଏହି ଟିକା ଦେଢ ବର୍ଷ ମଧ୍ୟରେ ଆସିପାରେ। ଗେଟ୍ସ କହିଛନ୍ତି ଟୀକାକରଣର ତୃତୀୟ ପର୍ଯ୍ୟାୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
