ନ୍ୟୁୟର୍କ: ସାରା ବିଶ୍ବରେ କୋରୋନା ଆକ୍ରାନ୍ତ ତାଲିକାରେ ଓ ମୃତ୍ୟୁ ତାଲିକାରେ ନିଜର ଶୀର୍ଷ ସ୍ଥାନ ବଜାୟ ରଖିଛି ଆମେରିକା । ଦେଶରେ କୋରୋନାରେ ମୃତ୍ୟୁ ସଂଖ୍ୟା ପ୍ରାୟ 1ଲକ୍ଷ ଛୁଇଁବାକୁ ବସିଥିବା ବେଳେ ଏହି ଆକ୍ରାନ୍ତଙ୍କୁ ସଲାମ ଜଣାଇଛି ନ୍ୟୁୟର୍କ ଟାଇମ୍ସ ଖବରକାଗଜ । ରବିବାର ଏହି ଖବର କାଗଜର ପ୍ରଥମ ପୃଷ୍ଠାରେ ପ୍ରାୟ 1000 ଜଣ ଆକ୍ରାନ୍ତଙ୍କୁ ସ୍ଥାନ ଦିଆଯାଇଥିବା ଦେଖିବାକୁ ମିଳିଛି ।
ଏହି ତାଲିକାଟି ଅତି ସରଳ ଭାବେ ଦର୍ଶାଯାଇଛି । ଏଥିରେ ଆକ୍ରାନ୍ତଙ୍କ ନାମ ଓ ତାଙ୍କର କିଛି ବ୍ୟକ୍ତିଗତ ତଥ୍ୟ ଦିଆଯାଇଥିଲା । କୋରୋନା ଯୁଦ୍ଧରେ ପ୍ରାଣ ହରାଇଥିବା ଏହି ମୃତକଙ୍କୁ ଶ୍ରଦ୍ଧାଞ୍ଜଳୀ ଦେଇ ନ୍ୟୁୟର୍କ ଟାଇମ୍ସ ଏପରି କରିଥିବା ପ୍ରକାଶ କରିଛି । ଏହାର ଶୀର୍ଷକ ରହିଥିଲା ‘ୟୁଏସରେ ମୃତ୍ୟୁ ସଂଖ୍ୟା 1 ଲକ୍ଷର ନିକଟତର, ଦେଶ ପାଇଁ ଅପରିମେୟ କ୍ଷତି’ । ଏହା ତଳେ ସାଧା ଅକ୍ଷରରେ ଲେଖା ରହିଥିଲା ‘ଏହା କେବଳ ସାଧାରଣ ନାମ ନୁହେଁ, ଏମାନେ ଆମ ଭିତରୁ ଜଣେ’ ।
ଜନ୍ସ ହପକିନ୍ସ ୟୁନିଭର୍ସିଟିର ତଥ୍ୟ ମୁତାବକ ଦେଶରେ କୋରୋନା ଦ୍ବାରା ନ୍ୟୁୟର୍କ ରାଜ୍ୟରେ ସବୁଠାରୁ ଅଧିକ ପ୍ରଭାବିତ ହୋଇଛି । ରାଜ୍ୟରେ 3,85,000 ଜଣ ଆକ୍ରାନ୍ତ ହୋଇଥିବା ବେଳେ ମୃତ୍ୟୁ ସଂଖ୍ୟା 23,195ରେ ପହଞ୍ଚିଛି । ଏଥିରୁ କେବଳ ନ୍ୟୁୟର୍କ ସିଟିରେ 1,97,000 ଆକ୍ରାନ୍ତ ହୋଇଥିବା ବେଳେ 16,149 ଜଣଙ୍କର ମୃତ୍ୟୁ ହୋଇସାରିଛି ।
@IANS
