ସାନଫ୍ରାନ୍ସିସକୋ: ଯୁକ୍ତରାଷ୍ଟ୍ରରେ ଏକ ଆଇନଗତ ଯୁଦ୍ଧ ପରେ ତତକ୍ଷଣାତ୍ ମେସେଜିଂ ଆପ୍ ଟେଲିଗ୍ରାମ ଏହାର କ୍ରିପ୍ଟୋକରେନ୍ସି-ଫୋକସ୍ ସହାୟକ କମ୍ପାନୀ ଟେଲିଗ୍ରାମ ଓପନ୍ ନେଟୱାର୍କ (TON) ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଛି ।
ମଙ୍ଘଳବାର ଏନେଇ ଟେଲିଗ୍ରାମର ପ୍ରତିଷ୍ଠାତା ତଥା ସିଇଓ ପାଭେଲ ଡୁରୋଭ ଘୋଷଣା କରି କହିଛନ୍ତି ଆମେରିକା କୋର୍ଟ ଟିଓଏନ କୁ ଅଟକାଇ ଦେଇଛି । ତେବେ ଏଠାରେ କହି ରଖୁଛୁ ଯେ ଟନ୍ ପ୍ରୋଜେକ୍ଟ ଫେସବୁକର ଲିବ୍ରା ପ୍ରୋଜେକ୍ଟ ସହିତ ସମାନ ଥିଲା ଯାହା ସାରା ବିଶ୍ୱରେ ନିୟାମକଙ୍କ ଦ୍ୱାରା ମଧ୍ୟ ଯାଞ୍ଚର ସମ୍ମୁଖୀନ ହେଉଛି ।
TON ସହିତ ଟେଲିଗ୍ରାମର ସକ୍ରିୟ ଯୋଗଦାନ ସମାପ୍ତ ହୋଇଛି ବୋଲି ସେ କହିଥିବାବେଳେ ସେମାନଙ୍କ ପ୍ରକଳ୍ପକୁ ପ୍ରୋତ୍ସାହିତ କରିବା ପାଇଁ ତାଙ୍କ ନାମ କିମ୍ବା ଟେଲିଗ୍ରାମ ବ୍ରାଣ୍ଡ କିମ୍ବା "ଟନ୍" ସଂକ୍ଷିପ୍ତ ବ୍ୟବହାର କରି ସାଇଟଗୁଡିକ ଉପରେ ବିଶ୍ୱାସ ନକରିବାକୁ ସେ ଚେତାବନୀ ଦେଇଛନ୍ତି ।
ଟେଲିଗ୍ରାମ ଇଞ୍ଜିନିୟରମାନେ ଟନ୍ ନାମକ ବ୍ଲକ୍ ଚେନ୍ ପ୍ଲାଟଫର୍ମରେ କାର୍ଯ୍ୟ କରୁଥିଲେ ଏବଂ ଗତ ଅଢେଇ ବର୍ଷ ଧରି ସେମାନେ ଗ୍ରାମ ନାମ ଦେବାକୁ ଯାଉଥିଲେ । କିନ୍ତୁ ଏହି ପ୍ରକଳ୍ପ ଆମେରିକାର ସିକ୍ୟୁରିଟି ଆଣ୍ଡ ଏକ୍ସଚେଞ୍ଜ କମିଶନଙ୍କ ଦ୍ବାରା ମଧ୍ୟ ଯାଞ୍ଚର ସମ୍ମୁଖୀନ ହୋଇଛି ।
ଗତ ଅକ୍ଟୋବରରେ SEC ଏକ ନିର୍ଦ୍ଦେଶରେ ଟେଲିଗ୍ରାମକୁ ଏହାର ଗ୍ରାମ କ୍ରିପ୍ଟୋକରେନ୍ସିର ବିକ୍ରୟ ବନ୍ଦ କରିବାକୁ କହିଥିଲା । ନେଟୱାର୍କ ଆରମ୍ଭ ହେବା ପୂର୍ବରୁ ଟୋକନ 1.7 ବିଲିୟନ ଡଲାରର ଶୀଘ୍ର ବିକ୍ରୟ ପଞ୍ଜିକରଣ କରିବାରେ ବିଫଳ ହୋଇଥିଲା । ଟେଲିଗ୍ରାମ ପ୍ରତିଷ୍ଠାତା ଟନ୍ ପ୍ରତ୍ୟାହାର କରିବାକୁ ତାଙ୍କ ଘୋଷଣାରେ ଏହି ନିଷ୍ପତ୍ତିକୁ ଖଣ୍ଡନ କରିଛନ୍ତି । ସେ କହିଛନ୍ତି, ବୋଧହୁଏ ଆହୁରି ବିଡମ୍ବନାର ବିଷୟ, ଆମେରିକାର କୋର୍ଟ ଘୋଷଣା କରିଛନ୍ତି ଯେ ଗ୍ରାମଗୁଡିକ କେବଳ ଆମେରିକାରେ ନୁହେଁ, ବିଶ୍ବ ସ୍ତରରେ ବିତରଣ କରାଯାଇପାରିବ ନାହିଁ ।
