ୱାସିଂଟନ: ଅନ୍ତରାଷ୍ଟ୍ରୀୟ ମହାକାଶ କେନ୍ଦ୍ରକୁ ଆଉ ୪ ମହାକାଶଚାରୀଙ୍କୁ ପଠାଇଲା SpaceX । ବୁଧବାର SpaceX ରକେଟ ୪ ଜଣ ମହାକାଶ ଯାତ୍ରୀଙ୍କୁ ନେଇ ଯାଇଛି । ଖରାପ ପାଗ ଏବଂ ବିଭିନ୍ନ କାରଣ ଯୋଗୁଁ ଯାତ୍ରା ବିଳମ୍ବ ହୋଇଛି । ଦୁଇ ଦିନ ପୂର୍ବରୁ SpaceX ଅନ୍ତରୀକ୍ଷ ଯାନ ଅନ୍ୟ ୪ ଜଣ ଅନ୍ତରୀକ୍ଷ ଯାତ୍ରୀଙ୍କୁ ନେଇ ପୃଥିବୀପୃଷ୍ଠକୁ ଫେରିଥିଲା ।
ନାସାର ସୂଚନା ଅନୁଯାୟୀ, ବୁଧବାର ମହାକାଶକୁ ଯାତ୍ରା କରିଥିବା ବ୍ୟକ୍ତିଙ୍କ ମଧ୍ୟରେ ଜର୍ମାନୀର ମ୍ୟାଥିସ ମୌରର୍ ମଧ୍ୟ ସାମିଲ ଅଛନ୍ତି । ଯିଏ ଅନ୍ତରୀକ୍ଷ ଯାତ୍ରା କରିଥିବା ୬୦୦ ତମ ବ୍ୟକ୍ତି ଭାବେ ଜଣାଯାଉଛନ୍ତି । ମ୍ୟାଥିସ ଅନ୍ୟ ତିନି ଜଣ ଅନ୍ତରୀକ୍ଷ ଯାତ୍ରୀଙ୍କ ଯାତ୍ରାର ୨୪ ଘଣ୍ଟା ମଧ୍ୟରେ ଅନ୍ତରୀକ୍ଷ ଷ୍ଟେସନରେ ଅବତରଣ କରିବେ । ଖରାପ ପାଗ କାରଣରୁ ରକେଟ ବିଳମ୍ବରେ ପୃଥିବୀପୃଷ୍ଠରୁ ଉଡାଣ ଭରିଛି । ଗତକାଲି ଝିପଝିପ୍ ବର୍ଷା ରାତିରେ ମହାକାଶଚାରୀ ନିଜ ପରିବାରଙ୍କ ଠାରୁ ବିଦାୟ ନେଇଛନ୍ତି ।
କହିରଖୁଛୁ କି, ନାସାର ମହାକାଶଚାରୀ ଶେନ କମିବରାଂ ଏବଂ ମେଗନ ମ୍ୟାକଆର୍ଥର, ଜାପାନର ଅକିହିତୋ ହୋଶିଦ ଏବଂ ଫ୍ରାନ୍ସର ଥୋମାସ ପେସ୍କବେଟ SpaceX ର କ୍ୟାପସୁଲ ମହକାଶ ଯାନରେ ପୃଥିବୀ ଫେରିଛନ୍ତି । ଆନ୍ତର୍ଜାତିକ ମହାକାଶ କେନ୍ଦ୍ରରେ ସେମାନେ ୨୦୦ ଦିନ ବିତାଇଥିଲେ ।
@PTI
