ସାନ ଫ୍ରାନ୍ସିସ୍କୋ: ସୋସିଆଲ ମିଡିଆ ଜାଏଣ୍ଟ ଭାବେ ଘରେ ଘରେ ପରିଚିତ ଫେସବୁକ । ହେଲେ ଏହା ପ୍ରତି ବିପଦ ସୃଷ୍ଟି କରୁଥିବା ଇନଷ୍ଟାଗ୍ରାମକୁ ଫେସବୁକ ନିଜ ଅଧିନକୁ ନେବା ପଛର ପ୍ରକୃତ ଘଟଣା ହୁଏତ କେହି ଜାଣିଥିବେ । ଯାହାକୁ ଏବେ ସର୍ବ ସମ୍ମୁଖକୁ ଆଣିଛି ଆମେରିକା ଆଣ୍ଟି ଟ୍ରଷ୍ଟ ସବ କମିଟି । ଯାହା ନିକଟରେ ସାର୍ବଜନୀନ କରିଛି ଇନଷ୍ଟାଗ୍ରାମର ପୂର୍ବତନ ମୁଖ୍ୟ ଅର୍ଥନୈତିକ ଅଧିକାରୀ ଡେଭିଡ ଏବର୍ସମ୍ୟାନ ଓ ଫେସବୁକ ସିଇଓ ମାର୍କ ଜ୍ୟୁକରବର୍ଗଙ୍କ ମଧ୍ୟରେ ବିନିମୟ ହୋଇଥିବା ଇମେଲ ଥ୍ରେଡ । ଯାହା ସ୍ପଷ୍ଟ କରିଛି କି ଫେସବୁକ ପ୍ରତି ଇନଷ୍ଟାଗ୍ରମରୁ ଥିବା ବିପଦକୁ ଏଡାଇବା ପାଇଁ ମାର୍କ ଜ୍ୟୁକରବର୍ଗ ଏହାକୁ କିଣିନେଇଥିଲେ ।
ମାର୍କ ଜ୍ୟୁକରବର୍ଗଙ୍କ ଏହି ସତ୍ୟତାକୁ ଆଣି ସର୍ବ ସମ୍ମୁଖରେ ତାଙ୍କୁ ପ୍ରଶ୍ନ ବାଣରେ ପୋତିଛନ୍ତି ନ୍ୟୁୟର୍କର ଡେମୋକ୍ରାଟିକ ପାର୍ଚ ସଦସ୍ୟ ରେପ ଜେରି ନାଡଲର । ଅନ୍ୟପଟେ ରେପ ଅନ୍ୟ କେତେକ ବଡ ଟେକ ସିଇଓ ଯଥା ଆମାଜନର ଜେଫ ବେଜୋସ, ଗୁଗୁଲର ସୁନ୍ଦର ପିଚାଇ ଓ ଆପଲର ଟିମ କୁକଙ୍କ ପ୍ରଶଂସା କରିଥିବା ଦେଖାଯାଇଥିଲେ । ତେବେ ଜ୍ୟୁକରବର୍ଗ ଓ ଏବର୍ସମ୍ୟାନଙ୍କ ମଧ୍ୟରେ ବିନିମୟ ହୋଇଥିବା ଇମେଲକୁ ସାର୍ବଜନୀନ କରି ସେ ଫେସବୁକ ପ୍ରତି ଇନଷ୍ଟାଗ୍ରାମରୁ ଥିବା ବିପଦ ଦର୍ଶାଇଥିଲେ ।
ସେ ଏହା ମଧ୍ୟ କହିଥିଲେ କି ଇନଷ୍ଟାଗ୍ରାମର ବଢୁଥିବା ଚାହିଦା ଓ ସହଜ ବ୍ୟବହାରିତା ଆଗକୁ ଯାଇ ଫେସବୁକର ବ୍ୟବସାୟ ଠପ କରିବାର ଡର ଜ୍ୟୁକରବର୍ଗଙ୍କୁ ଚିନ୍ତିତ କରିଥିଲା । ବଜାରରେ ଫେସବୁକର ଚାହିଦା କମୁଥିବା ସେ ହୃଦବୋଧ ମଧ୍ୟ କରିଥିଲେ । ତେଣୁ ଏହା ସହ ପ୍ରତିଯୋଗିତା ବଢାଇବା ବଦଳରେ ଇନଷ୍ଟାଗ୍ରାମକୁ କିଣି ନେଇଥିଲେ ଜ୍ୟୁକରବର୍ଗ ।
ଏନେଇ ମାର୍କ ଜ୍ୟୁକରବର୍ଗ ପ୍ରତିକ୍ରିୟା ଦେଇ କହିଥିଲେ କି ଫେଡେରାଲ ଟ୍ରେଡ କମିଶନ ଏହି ଡିଲର ଏକ ସାକ୍ଷୀ । କମିଶନ ପାଖରେ ଅଧିଗ୍ରହଣର ସମସ୍ତ ତଥ୍ୟ ରହିଛି ଏବଂ ଏହା ମଧ୍ୟ ପ୍ରତିଯୋଗିତ ବଦଳରେ ଅଧିଗ୍ରହଣ ସପକ୍ଷରେ ଭୋଟ ଦେଇଥିଲା । ତେବେ ଏକଥାକୁ ମଧ୍ୟ ବାଦ୍ ଦେଇ ହେବ ନାହିଁ କି ପୂର୍ବେ ଯେଉଁଠାରେ ଇନଷ୍ଟାଗ୍ରାମ ଥିଲା ବର୍ତ୍ତମାନ ତାହାର ସ୍ଥିତିରେ ପରିବର୍ତ୍ତନ ହୋଇଛି ନିଶ୍ଚୟ ।
ବ୍ୟୁରୋ ରିପୋର୍ଟ, ଇଟିଭି ଭାରତ
