ହାଇଦ୍ରାବାଦ, ସମଗ୍ର ବିଶ୍ବରେ ତାଣ୍ଡବ ରଚିଥିବା ମହାମାରୀ କୋରୋନା ଭାଇରସ ସ୍ବା୍ସ୍ଥ୍ୟ ପାଇଁ ବଡ ଘାତକ । ଏଥିଯୋଗୁଁ ଲୋକଙ୍କ ଜୀବିକା ଗଭୀର ଭାବେ ପ୍ରଭାବିତ ହୋଇଛି । 2020 ବିଶ୍ବ ସ୍ବାସ୍ଥ୍ୟ ଅନୁସାରେ କୋରୋନା ଭାଇରସ ଲୋକଙ୍କ ଜୀବନ ପାଇଁ ବିପଦର କାରଣ ସାଜିଛି ।ଏଥିସହ ଏହା ସ୍ବାସ୍ଥ୍ୟ ପ୍ରଗତିରେ ମଧ୍ୟ ବାଟ ଉଗାଳି ରହିଛି ।
ରିପୋର୍ଟ ଅନୁସାରେ, କୋରୋନା କଟକଣା ଯୋଗୁଁ କିଛି କ୍ଷେତ୍ରରେ ଗତିବିଧି ଅଟକିପଡିଛି । ଚଳିତ ବର୍ଷରେ ଟୀକାକରଣ କଭରେଜ କଷ୍ଟରେ ଆଗକୁ ବଢିଛି ।
ବିଶ୍ବ ସ୍ବାସ୍ଥ୍ୟ ସଙ୍ଗଠନର ମହାନିର୍ଦ୍ଦେଶକ ଡାକ୍ତର ଟେଡ୍ରୋସ ଆଡନୋମ ଘେବ୍ରେୟେସସ(Dr Tedros Adhanom Ghebreyesus) କହିଛନ୍ତି ଯେ ଖୁସି ଖବର ହେଉଛି ଯେ ସମଗ୍ର ବିଶ୍ବର ଲୋକମାନେ ଲମ୍ବା ଏବଂ ସୁସ୍ଥ ଜୀବନଯାପନ କରୁଛନ୍ତି, ଏବଂ ଖରାପ ଖବର ହେଉଛି ନିରନ୍ତର ବିକାଶ ଲକ୍ଷ୍ୟ ପୂରଣ କରିବାରେ ପ୍ରଗତିର ହାର ଅତ୍ୟଧିକ ମନ୍ଥର ଏବଂ କୋରୋନା ହେତୁ ଏହା ଆଗକୁ ବି ଏଭଳି ରହିବ ।
ସେ କହିଛନ୍ତି ଯେ କର୍କଟ, ମଧୁମେହ, ହୃଦୟ ଏବଂ ଫୁସଫୁସ ରୋଗ ଏବଂ ଷ୍ଟ୍ରୋକ୍ ଭଳି ଅଣ-ପାଥୋଲୋଜିକାଲ ରୋଗକୁ ରୋକିବା ତଥା ଚିକିତ୍ସା ପାଇଁ ସ୍ୱାସ୍ଥ୍ୟ ବ୍ୟବସ୍ଥା ଭିତରେ ତଥା ବାହାରେ ସେବାର ଅଭାବ ରହିଛି ।
ଏଥିସହ, ସ୍ବଳ୍ପ ଏବଂ ମଧ୍ୟମ ଆୟକାରୀ ଦେଶଗୁଡିକରେ ସେବା କଭରେଜ ଧନୀମାନଙ୍କ ତୁଳନାରେ କଭରେଜ ଠାରୁ ଯଥେଷ୍ଟ ତଳେ ରହିଥାଏ । ଯେପରି ସ୍ୱାସ୍ଥ୍ୟ କର୍ମଚାରୀଙ୍କ ଘନତା ଦ୍ୱାରା ମାପ କରାଯାଇଥାଏ ।
ପ୍ରାୟ 40 ପ୍ରତିଶତ ଦେଶରେ 10,000 ଲୋକଙ୍କ ପାଇଁ 10ରୁ କମ ଡାକ୍ତର ଅଛନ୍ତି । ସେହିଭଳି ଦେଶର 55 ପ୍ରତିଶତରୁ ଅଧିକ ଦେଶରେ ପ୍ରତି 10,000 ଲୋକଙ୍କ ପାଇଁ 40ରୁ କମ ନର୍ସିଂ ଏବଂ ଅନ୍ୟାନ୍ୟ ସ୍ୱାସ୍ଥ୍ୟ କର୍ମୀ ଅଛନ୍ତି।
ଟେଡ୍ରୋସ କହିଛନ୍ତି ଯେ ଏହି ମହାମାରୀ କୋଭିଡ -19 ସମସ୍ତ ଦେଶର ମଜବୁତ ସ୍ବାସ୍ଥ୍ୟ ପ୍ରଣାଳୀ ଓ ପ୍ରାଥମିକ ସ୍ବାସ୍ଥ୍ୟ ରକ୍ଷଣାବେକ୍ଷଣାରେ ନିବେଶ କରିବା ପାଇଁ ତତ୍କାଳ ଆବଶ୍ୟକତାକୁ ଆଲୋକିତ କରିଥାଏ । ସେ କହିଛନ୍ତି ସ୍ବାସ୍ଥ୍ୟ ପ୍ରଣାଳୀ ଓ ସ୍ବାସ୍ଥ୍ୟ ସୁରକ୍ଷା ଗୋଟିଏ ମୁଦ୍ରାର ଦୁଇଟି ପାର୍ଶ୍ବ ।
WHO ଆକଳନ ଅନୁଯାୟୀ, ପ୍ରାୟ ଏକ ବିଲିୟନ ଲୋକ ସେମାନଙ୍କ ଘରୋଇ ବଜେଟର ଅତି କମରେ 10 ପ୍ରତିଶତ ସ୍ୱାସ୍ଥ୍ୟସେବା ପାଇଁ ଖର୍ଚ୍ଚ କରିବେ। ଏହି ଲୋକମାନଙ୍କ ମଧ୍ୟରୁ ଅଧିକାଂଶ ସ୍ୱଳ୍ପ ମଧ୍ୟବିତ୍ତ ଦେଶରେ ବାସ କରନ୍ତି ।
