ନର୍ଥ କୋରୋଲିନା: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଡେମୋକ୍ରାଟିକ୍ ଉପରାଷ୍ଟ୍ରପତି ପ୍ରାର୍ଥୀ କମଲା ହାରିସ୍ଙ୍କୁ ଆକ୍ଷେପ କରି କହିଛନ୍ତି ଯେ ଲୋକମାନେ ତାଙ୍କୁ ପସନ୍ଦ କରନ୍ତି ନାହିଁ ଏବଂ ଯଦି ସେ ରାଷ୍ଟ୍ରପତି ହୁଅନ୍ତି ତେବେ ଏହା ଆମେରିକାର ଅପମାନ ହେବ।
‘‘ଏହା ମନେ ରଖିବା ପାଇଁ ଅତି ସହଜ କଥା, ଯଦି ବିଡେନ ଜିତନ୍ତି ତେବେ ଚୀନ ଜିତିବ । ଆପଣଙ୍କ ପାଖରେ ଏପରି ଏକ ପରିସ୍ଥିତି ଅଛି ଯେଉଁଠାରେ ଆମେ ବିଶ୍ବ ଇତିହାସରେ ସର୍ବଶ୍ରେଷ୍ଠ ଅର୍ଥନୀତି ଗଠନ କରୁଥିବା ବେଳେ ଚୀନ ମହାମାରୀ ଆସିଥିବାରୁ ଆମେ ଏହାକୁ ବନ୍ଦ କରିବାକୁ ବାଧ୍ୟ ହୋଇଥିଲୁ। ବର୍ତ୍ତମାନ ଆମେ ଏହାକୁ (ଅର୍ଥନୀତି) ପୁଣି ଆରମ୍ଭ କରିଛୁ,’’ ବୋଲି ଟ୍ରମ୍ପ ଉତ୍ତର କାରୋଲିନାରେ ଏକ ରାଲିରେ କହିଛନ୍ତି।
ସେ ଆହୁରି ମଧ୍ୟ କହିଛନ୍ତି ଯେ, ‘‘ଲୋକମାନେ ତାଙ୍କୁ ପସନ୍ଦ କରନ୍ତି ନାହିଁ (ଆମେରିକାର ଡେମୋକ୍ରାଟିକ୍ ଉପରାଷ୍ଟ୍ରପତି ପ୍ରାର୍ଥୀ କମଲା ହାରିସ୍) । ତାଙ୍କୁ କେହି ପସନ୍ଦ କରନ୍ତି ନାହିଁ । ସେ କଦାପି ଆମେରିକାର ପ୍ରଥମ ମହିଳା ରାଷ୍ଟ୍ରପତି ହୋଇପାରିବେ ନାହିଁ । ଏହା ଆମ ଦେଶ ପାଇଁ ଅପମାନ ହେବ।’’
‘‘ଏହା ପରିସ୍କାର ହୋଇଛି ଯେ, କାହିଁକି ଚୀନ ଓ ଦଙ୍ଗାକାରୀ ମାନେ ବିଡେନ ରାଷ୍ଟ୍ରପତି ହୁଅନ୍ତୁ ବୋଲି ଚାହୁଁଛନ୍ତି, କାରଣ ସେମାନେ ଜାଣନ୍ତି ତାଙ୍କ ନୀତି ଯୋଗୁଁ ଆମେରିକାର ପତନ ହେବ,’’ ବୋଲି କହିଛନ୍ତି ଟ୍ରମ୍ପ ।
କମଲା ହାରିସଙ୍କୁ ଆହୁରି ମଧ୍ୟ ଆକ୍ଷେପ କରି ଟ୍ରମ୍ପ କହିଛନ୍ତି ଯେ ଏହା କୌତୁହଳର ବିଷୟ ଯେ ବିଡେନ ତାଙ୍କୁ ଦୌଡ ଛାଡିବା ପରେ ମଧ୍ୟ ଆଗାମୀ ନିର୍ବାଚନରେ ତାଙ୍କ ସାଥୀ ଭାବରେ ବାଛିଲେ।
ଟ୍ରମ୍ପ ଆହୁରି ମଧ୍ୟ କହିଛନ୍ତି ଯେ ସେ ଚୀନ୍ ସହିତ ବାଣିଜ୍ୟ ଚୁକ୍ତି ପୂର୍ବ ତୁଳନାରେ ବର୍ତ୍ତମାନଠାରୁ ଭିନ୍ନ ଭାବରେ ଦେଖୁଛନ୍ତି। ସେ କହିଛନ୍ତି, “ଆମେ ଏକ ବଡ଼ ବାଣିଜ୍ୟ ଚୁକ୍ତି (ଚୀନ ସହିତ) ସ୍ବାକ୍ଷର କରିଥିଲୁ କିନ୍ତୁ ଯେତେବେଳେ କୋଭିଡ-19 ଆସିଲା ତେଣୁ ମୁଁ ଦେଖିଲି ଯେ ବାଣିଜ୍ୟ କାରବାର ପୂର୍ବ ତୁଳନାରେ ବହୁତ ଭିନ୍ନ ରହିଥିଲା।’’
ଚଳିତ ବର୍ଷ ନଭେମ୍ବର 3 ରେ ଆମେରିକାର ରାଷ୍ଟ୍ରପତି ନିର୍ବାଚନ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି ।
@ANI
