ସାଓପାଓଲୋ: ଲାଟିନ ଆମେରିକୀୟ ଦେଶ ବ୍ରାଜିଲର ଏକ ସ୍କୁଲରେ ଅମାନବୀୟ ଘଟଣା ଦେଖିବାକୁ ମିଳିଛି । ଗତ ବୁଧବାର ଦେଶର ସହରରେ ଥିବା ସାଓପାଓଲୋର ଗ୍ରେଡ୍ ସ୍କୁଲରେ 2 ଜଣ ବନ୍ଧୁକଧାରୀଙ୍କ ଗୁଳିଚାଳନାରେ 9 ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରୁ 5ଜଣ ସ୍କୁଲର ବିଦ୍ୟାର୍ଥୀ ବୋଲି ଜଣାପଡିଛି ।
ଖବର ମୁତାବକ ରାଓଲ ବ୍ରାସିଲ ପ୍ରାଥମିକ ସ୍କୁଲରେ 2 ଜଣ ବନ୍ଧୁକଧାରୀ ଯୁବକ ସ୍କୁଲ ମଧ୍ୟକୁ ପ୍ରବେଶ କରି ଆଖିବୁଜା ଗୁଳିଚଳନା କରିଥିଲେ । ଯାହା ଫଳରେ 9 ଜଣଙ୍କ ମୃତ୍ୟୁ ହୋଇଥିବାବେଳେ 17ଜଣ ଆହତ ହୋଇଛନ୍ତି। ମୃତକଙ୍କ ମଧ୍ୟରେ ଜଣେ ବୟସ୍କ, 5ଜଣ ସ୍କୁଲ ପିଲା ଓ ସ୍କୁଲ ବାହାରେ ଛିଡା ହୋଇଥିବା ଜଣେ ବ୍ୟକ୍ତି ରହିଛନ୍ତି । ଆହତଙ୍କ ମଧ୍ୟରେ ଅଧିକାଂଶ ବିଦ୍ୟାର୍ଥୀ ଅଛନ୍ତି । ଚିକିତ୍ସା ପାଇଁ ସେମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି ।
