ୱାସିଂଟନ୍: ପାଞ୍ଚ ବର୍ଷ ପିଲାର 30 କୋଟିର ଜିଦ୍। ତା ବୟସରେ ପିଲା ଖେଳନା ଗାଡିରେ ନିଜର ଶୈଶବ ବିତାଉଥିବା ବେଳେ ତାକୁ ଦରକାର ଅସଲି ଗାଡି। ଯେଉଁଥି ପାଇଁ ବାପା ମା ଙ୍କ ଆକଟକୁ ନମାନି ଜୀବନକୁ ବିପଦରେ ପକାଇ ଘରୁ ଲୁଛି ବାହାରିଛି କାର୍ କିଣିବାକୁ। ଘରୁ ସୋରୁମ ପର୍ଯ୍ୟନ୍ତ 5 କିଲୋମିଟର ରାସ୍ତା ଅତିକ୍ରମ କରିବାକୁ ନିଜ ମାର ଏସୟୁଭି ଗାଡି ଚଳାଇ ଯାଇଛି। ହେଲେ କାଲିଫର୍ଣ୍ଣିଆ ଯାଇ ଗାଡି କିଣିବା ଆଶା ଅଧାରେ ରହିବା ସହ ଟ୍ରାଫିକରେ ଧରା ପଡି ଘରକୁ ଫେରିଛି।
ଏଭଳି ଏକ ରୋଚକ ଖବର ଆମେରିକାରୁ ଆସିଛି। ପିଲାଟିର ମା ଲଗଜରି ସ୍ପୋର୍ଟସ୍ ଲାମ୍ବୋରଘିନି କିଣିବାକୁ ମନାକରିବାରୁ ପିଲାଟି କାର୍ ନେଇ ଘରୁ ବାହାରିଥିଲା। ହେଲେ ବାହାରିବାର 5 ମନିଟି୍ ଭିତରେ ପିଲାଟିର ମଲ୍ଟିଷ୍ଟେଟ ଯାତ୍ରାରେ ପୁନଃଚ୍ଛେଦ ପଡିଥିଲା। ରାସ୍ତାରେ ଅତ୍ୟନ୍ତ ରଫ୍ ଡ୍ରାଇଭ ପାଇଁ ଟ୍ରାଫିକ୍ ପୋଷ୍ଟରେ ରହିବାକୁ ପଡିଥିଲା।
ସୂଚନା ଅନୁସାରେ, ଟ୍ରାଫିକ୍ ପୋଷ୍ଟରେ ପିଲାଟିକୁ ଅଟକାଇବା ସହ ଅନେକ ପ୍ରଶ୍ନ ପଚାରିଥିଲେ। "ତୁମର ବୟସ କେତେ? ପିଲାଟି ଉତ୍ତରରେ 5 ବର୍ଷ କହିଥିଲା ?" ତୁମେ କାର୍ ଡ୍ରାଇଭ କେଉଁଠି ଶିଖିଲ ? ପିଲାଟିର କହିବା ଅନୁସାରେ, ''ମତୋ ଲାମ୍ବୋରଘିନି ଦରକାର। ମୋର ମା ସହ ଯୁକ୍ତିତର୍କ ହେବା ପରେ ଘରୁ ନିଜେ କାର୍ କିଣିବାକୁ ବାହାରିଛି। ''
ତେବେ ଘଟଣା ବିଷୟରେ ଟ୍ରାଫିକ୍ ପୋଲିସ ପିଲାଟିର ପରିବାରଙ୍କୁ ଖବର ଦେବା ପରେ ସେମାନେ ଆସି ପିଲାଟିକୁ ନେଇଥିଲେ। ଏହି ଘଟଣାରେ କୌଣସି କ୍ଷୟକ୍ଷତି ହୋଇନାହିଁ ସତ ହେଲେ ଶିଶୁଟିର ପିତାମାତଙ୍କ ନାଁ ରେ ଅଭିଯୋଗ ହେବା ସହ ଫାଇନ ଗଣିବାକୁ ପଡିପାରେ।
ସୂଚନା ଥାଉକି, ଲାମ୍ବୋରଘିନି ଭେନେନୋ ବିଶ୍ୱର ଅନ୍ୟତମ ଦାମୀ କାର୍। ଏହାର ମୂଲ୍ୟ ପ୍ରାୟ ୩୦ କୋଟି ୮୮ ଲକ୍ଷ ଟଙ୍କା। ୨.୯ ସେକେଣ୍ଡ୍ରେ ଏହି କାରର ବେଗ ଶୂନରୁ ଶହେ କିମିକୁ ବୃଦ୍ଧି ପାଇଥାଏ।
