ସାନ ଫ୍ସାନ୍ସିସ୍କୋ: ଭାରତରେ ଚୀନ ସମ୍ବନ୍ଧୀୟ 59ଟି ଆପ୍ ବ୍ୟାନ ପରେ ଏ ଦିଗରେ ପଦକ୍ଷେପ ନେଇଛି ଫେସବୁକ । ଚାଇନିଜ ଆପ୍ ଟିକ୍ଟକ୍ ଦ୍ବାରା ପ୍ରଭାବିତ ଫେସବୁକର ଭିଡିଓ ଆପ୍ ଲାସୋକୁ ସୋସିଆଲ ନେଟୱାର୍କି ଜାଏଣ୍ଟ ବନ୍ଦ କରିବା ନେଇ ନିଷ୍ପତ୍ତି ନେଇଛି । ଏବେ ଏହି ଆପ୍ ଉପରୁ ଧ୍ୟାନ ହଟାଇ ଇନଷ୍ଟାଗ୍ରାନର ଭିଡିଓ ଏଡିଟିଂ ଆପ୍ ରିଲ୍ସ ଉପରେ ଧ୍ୟାନ କେନ୍ଦ୍ରୀଭୂତ କରିବା ପାଇଁ କମ୍ପାନୀ ସ୍ପଷ୍ଟ କରିଛି । ତେବେ 2019 ମସିହାରେ ଫେସବୁକ ଲାସୋ ଆପ୍ ଲଞ୍ଚ କରିଥିବା ସୂଚନା ରହିଛି ।
- ଫେସବୁକ ବର୍ତ୍ତମାନ ଲାସୋ ୟୁଜର୍ସଙ୍କୁ ନୋଟିଫିକେସନ ପଠାଇବା ଆରମ୍ଭ କରିଛି । ଏଥିରେ ଜୁଲାଇ 10 ପରଠାରୁ ଆପ୍ଟି କାର୍ଯ୍ୟକାରୀ ହେବ ନାହିଁ ବୋଲି ଫେସବୁକ ସୂଚନା ଦେଉଛି । ତେଣୁ ନିଜ ଆବଶ୍ୟକତା ମୁତାବକ ଭିଡିଓ ଡାଉନଲୋଡ କରିନେବା ପାଇଁ ୟୁଜର୍ସଙ୍କୁ ଫେସବୁକ ନୋଟିଫିକେଶନ ଜରିଆରେ ସୂଚିତ କରୁଛି ।
- ଟିକ୍ଟକ୍ ପରି ଲାସୋ ଆପରେ ୟୁଜର୍ସ 15 ସେକେଣ୍ଡ ପର୍ଯ୍ୟନ୍ତ ଭିଡିଓ ରେକର୍ଡ କରିପାରିବାର ସୁବିଧା ଥିଲା । ଏଥିରେ ଫେନସ ଗୀତର ବ୍ୟବହାର ମଧ୍ୟ କରାଯାଇପାରୁଥିଲା ।
- କଲମ୍ବିଆ, ମେକ୍ସିକୋ, ଆମେରିକା, ଆର୍ଜେଣ୍ଟିନା, ଚିଲି, ପେରୁ, ପାନାମା, କୋଷ୍ଟା ରିକା, ଏଲ ସାଲଭାଡୋର, ଏକ୍ୟୁଏଡର ଓ ଉରୁଗୁଏରେ ଲାସୋ ଉପଲବ୍ଧ ଥିଲା ।
- ଏବେ ଫେସବୁକ ରିଲ୍ସ ଉପରେ ନିଜ ଧ୍ୟାନ କେନ୍ଦ୍ରୀଭୂତ କରିବା ପାଇଁ ଯୋଜନା କରୁଛି ।
- ରିଲ୍ସ ହେଉଛି ଏକ ଭିଡିଓ ଏଡିଟିଂ ଟୁଲ । ଯେଉଁଥିରେ ୟୁଜର୍ସ ଭିଡିଓ ରେକର୍ଡ କରିବା ସହ ତାକୁ ଏଡିଟ କରି ଇନଷ୍ଟାଗ୍ରାମ ଷ୍ଟୋରୀ ଓ ଡିଏମରେ ପୋଷ୍ଟ କରିପାରିବେ ।
- ଏହି ସର୍ଭିସ ବର୍ତ୍ତମାନ ଫ୍ରାନ୍ସ ଓ ଜର୍ମାନୀରେ ଆରମ୍ଭ ହୋଇଛି ।
- ବ୍ରାଜିଲରେ ପ୍ରଥମେ ଏହି ସର୍ଭିସ ପରୀକ୍ଷାମୂଳକ ଭାବେ ଲଞ୍ଚ ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
