ୱାଶିଂଟନ: ଆମେରିକାରେ ଜାରି ରହିଥିବା ବିକ୍ଷୋଭ ପାଇଁ ସାରା ବିଶ୍ବରୁ ଛୁଟୁଛି ମିଶ୍ରିତ ପ୍ରତିକ୍ରିୟାର ସୁଅ । ଏଥିରେ ସାମିଲ ହୋଇଛନ୍ତି ଆମାଜନ ପ୍ରତିଷ୍ଠାତା ତଥା ସିଇଓ ଜେଫ ବେଜୋସ । ସମ୍ପୃକ୍ତ ମାମଲାରେ ସେ ନିଜ ପ୍ରତିକ୍ରିୟା ଦେଇ କହିଛନ୍ତି କି ଏହି ବିକ୍ଷୋଭ କାହାକୁ ଅପମାନ ନୁହେଁ ବରଂ ଏହି ବିକ୍ଷୋଭ ବର୍ତ୍ତମାନ ମୁହୂର୍ତ୍ତର ଏକ ଜରୁରୀ ଆନ୍ଦୋଳନ ।
ଇନଷ୍ଟାଗ୍ରାମରେ ଜନୈକ ଆମାଜନ ଗ୍ରାହକଙ୍କ ଉତ୍ତର ଦେଇ ବେଜୋସ କହିଛନ୍ତି କି କୃଷ୍ଣକାୟଙ୍କ ଜୀବନର ମୂଲ୍ୟ ଅଛି ଅର୍ଥ ନୁହେଁ କି ଅନ୍ୟ ଜୀବନ ମୂଲ୍ୟହୀନ । ବେଜୋସ ଏହି ମନ୍ତବ୍ୟ ଦେବା ସହ ସମ୍ପୃକ୍ତ ଗ୍ରାହକଙ୍କ ମେଲର ଏକ ସ୍କ୍ରିନଶଟ ମଧ୍ୟ ପୋଷ୍ଟ କରିଥିଲେ । ଯେଉଁଥିରେ ଆମାଜନ ଏହି ବିକ୍ଷୋଭର ସପକ୍ଷରେ ଏହାକୁ ସାହାଯ୍ୟ କରୁଥିବା ଦର୍ଶାଯାଇଥିଲା । ଏହାକୁ ନେଇ ବେଜୋସ କହିଥିଲେ କି ଗ୍ରାହକଙ୍କ ଏହି ମନ୍ତବ୍ୟ ତାଙ୍କୁ ଅପମାନଜନକ ଓ ବିଚଳିତ କରିବା ଭଳି ଅନୁଭବ ହୋଇଥିଲା । ଗ୍ରାହକ ଜଣଙ୍କ ଏନେଇ ‘ଅଲ ଲାଇଭ୍ସ ମ୍ୟାଟର’ ବୋଲି ଏକ ଧାଡିର ବ୍ୟବହାର ମଧ୍ୟ କରିଥିଲେ ।
ଏହାର ଜବାବ ଦେଇ ବେଜୋସ କହିଥିଲେ କି ବ୍ଲାକ ଲାଇଭ୍ସ ମ୍ୟାଟରର ଅର୍ଥ ହେଇଛି ବର୍ଣ୍ଣଗତ ଭେଦଭାବକୁ ବିରୋଧ । ବର୍ତ୍ତମାନ ପ୍ରଚଳିତ ଆଇନ ବ୍ୟବସ୍ଥାରେ ସେମାନଙ୍କୁ ନ୍ୟାୟର ଦାବି କରିବା ଭୁଲ ନୁହେଁ । ସେ ଏହା ମଧ୍ୟ କହିଛନ୍ତି କି ହୁଏତ ଦିନେ ତାଙ୍କ ପୁଅ ମଧ୍ୟ ବନ୍ଦୀ ହୋଇ ଆଖି ବୁଜିବ । ତଥାପି ସେ ଏହି ଆନ୍ଦୋଳନକୁ ସମର୍ଥନ କରନ୍ତି ଓ ଏହାପ୍ରତି ତାଙ୍କର ଦୃଷ୍ଟିଭଙ୍ଗୀ ବଦଳିବ ନାହିଁ ।
@IANS
