କାଠମାଣ୍ଡୁ: ଦକ୍ଷିଣ ନେପାଳରେଘୂର୍ଣ୍ଣିଝଡ ବିତ୍ପାତ । ଏହି ବିପର୍ଯ୍ୟୟରେ25 ଜଣଙ୍କର ମୃତ୍ୟୁ ଘଟିଥିବା ବେଳେ 4ଶହରୁ ଊର୍ଦ୍ଧ୍ବ ଆହତ ହୋଇଛନ୍ତି ।ଘୂର୍ଣ୍ଣିଝଡର ପ୍ରଭାବବାରା ଜିଲ୍ଲାରେ ଅଧିକ ରହିଛି । ପ୍ରବଳ ପବନ ଯୋଗୁଁ କାହା ଘରର ଛାତ ଉଡିଯାଇଛି ତ ଆଉ କାହାର ଘର ସମ୍ପୂର୍ଣ୍ଣ ମାଟିରେ ମିଶିଯାଇଛି। ବଡ ବଡ ଗଛ ଉପୁଡି ପଡିବା ସହ ଜିଲ୍ଲାରେ ଅନେକ କ୍ଷୟକ୍ଷତି ଘଟିଥିବା ସୂଚନା ମିଳିଛି । ଘଟଣାସ୍ଥଳରେ ସ୍ବତନ୍ତ୍ର ସୁରକ୍ଷା ବଳ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି।
ପବନର ବେଗ ଏତେ ଅଧିକ ଥିଲା ଯେ, ଚଳନ୍ତା ବସକୁ ଉଡାଇ ନେଇଥିଲା ବୋଲି ପ୍ରତ୍ୟକ୍ଷଦର୍ଶୀ କୁହନ୍ତି । ଘଟଣାକୁ ଅତି ପାଖରୁ ଦେଖିଥିବା 70 ବର୍ଷୀୟା କୁସୁମ କଲୁଙ୍କ କହିବା ଅନୁସାରେ, ଆଖି ପିଛୁଳାକେ ଏହି ଘୂର୍ଣ୍ଣିବାତ୍ୟା ହୋଇଥିଲା । କିଛି ବୁଝିବା ଆଗରୁ ଚାଲି ଯାଇଥିଲା ଅନେକଙ୍କ ଜୀବନ । ଏବେ ବି ଉଦ୍ଧାର କାର୍ଯ୍ୟ ଜାରି ରହିଛି । ମୃତ୍ୟୁ ସଂଖ୍ୟା ବୃଦ୍ଧି ପାଇବାର ଆଶଙ୍କା ରହିଛି । ଏହି ଘୂର୍ଣ୍ଣିବାତ୍ୟାରେ ଆହତଙ୍କୁ ସମସ୍ତ ପ୍ରକାର ସରକାରୀ ସାହାଯ୍ୟ ଯୋଗାଇ ଦିଆଯିବ ବୋଲି କହିଛନ୍ତି ନେପାଳ ପ୍ରଧାନମନ୍ତ୍ରୀ କେପି ଶର୍ମା ଓଲ୍ଲୀ ।
