ଭୁବନେଶ୍ବର: ଦିନକୁ ଦିନ ଓଡ଼ିଶାର ଝିଅ ଓ ମହିଳା ଜାତୀୟ ସ୍ତରରେ ହେଉ ଅବା ଅନ୍ତର୍ଜାତୀୟ ସ୍ତର ରାଜ୍ୟର ନାଁକୁ ଗର୍ବିତ କରିବାରେ ଲାଗିଛନ୍ତି । ବିଜୟର ବାନା ଉଡାଇ ଓଡ଼ିଶା ପାଇଁ ଗୌରବ ଆଣୁଛନ୍ତି । ଠିକ ସେଭଳି ଓଡିଶା ମାଟିର ଆଉ ଜଣେ ଝିଅ ଜାହ୍ନବୀ ପଟ୍ଟନାୟକ ମିସ ଇଣ୍ଡିଆ ଗ୍ଲୋବାଲ ୟୁନିଭର୍ସ 2019 ର ବିଜେତା ହୋଇଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
କିଛିଦିନ ତଳେ ରାଜସ୍ଥାନର ଜୟପୁରରେ ଆୟୋଜିତ ହୋଇଥିବା ଜାତୀୟ ସ୍ତରୀୟ ଏକ ଫେସନ ଶୋରେ ସମସ୍ତଙ୍କୁ ମାତ୍ ଦେଇ ବିଜୟର ମୁକୁଟ ପିନ୍ଧିଛନ୍ତି ଜାହ୍ନବୀ । ସେହିପରି ସେ ଓଡିଶାରେ ମଧ୍ୟ ଅନେକ ଝିଅଙ୍କୁ ପଛରେ ପକାଇ ଏହି ଶୋ ପାଇଁ ଚୟନ ହୋଇ ରାଜସ୍ଥାନ ଯାତ୍ରା କରିଥିଲେ । ଆଗକୁ ରାଜ୍ୟ ଓ ଦେଶ ପାଇଁ ଅନେକ ଗୌରବ ଆଣିବାର ଲକ୍ଷ୍ୟ ରଖିଛନ୍ତି ସେ । ଏହା ସହ ସେ ନିଜ ବିଜୟର ଶ୍ରେୟ ଗୁରୁ ଶାଶ୍ବତ ଯୋଶୀଙ୍କୁ ଦେଇଛନ୍ତି ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
