ମୁମ୍ବାଇ: ପୁଣି ଦୁଲହନ ସାଜିଲେ ଟିଭି ଅଭିନେତ୍ରୀ ଦଲଜିତ୍ କୌର । ହାତରେ ମେହେନ୍ଦୀ ମଥାରେ ସିନ୍ଦୁର ଲଗାଇ ବଧୂ ବେଶରେ ବେଦିରେ ସାତଫେରା ନେଇଛନ୍ତି । ଏ କୌଣସି ସିରିୟଲ ସୁଟିଂ ନୁହେଁ ବରଂ ସତ । ଦ୍ବିତୀୟ ବିବାହ କରିଛନ୍ତି ବିଗବସ 16 ପ୍ରତିଯୋଗୀ ଶାଲିନ ଭୋନୋଟଙ୍କ ପୂର୍ବତନ ପତ୍ନୀ ତଥା ଲୋକପ୍ରିୟ ଅଭିନେତ୍ରୀ ଦଲଜିତ୍ କୌର । ମନର ମଣିଷଙ୍କୁ ସାତଜନ୍ମର ସାଥୀ କରିଛନ୍ତି । ପୁରୁଷ ବନ୍ଧୁ ନିଖିଲ ପଟେଲଙ୍କ ହାତ ଧରିଛନ୍ତି ଦଲଜିତ୍ ।
2009ରେ ଶାଲିନ ଓ ଦଲଜିତଙ୍କର ବିବାହ ହୋଇଥିଲା । ଉଭୟଙ୍କର ଏକ ପୁତ୍ର ସନ୍ତାନ ମଧ୍ୟ ଅଛି । ଉଭୟଙ୍କ ବିବାହ ବେଶୀ ଦିନ ତିଷ୍ଠି ନଥିଲା । ପରବର୍ତ୍ତୀ ସମୟରେ ପରସ୍ପରକୁ ଛାଡପତ୍ର ଦେଇଥିଲେ । ବିବାହର 4 ବର୍ଷ ପରେ 2013ରେ ଉଭୟ ଅଲଗା ହୋଇଥିଲେ । ସିଙ୍ଗଲ ମଦର ହୋଇ ଦଳଜିତ ତାଙ୍କ ପୁଅଙ୍କ ସମସ୍ତ ଦାୟିତ୍ବ ନେଉଥିଲା । ଏହାରି ଭିତରେ ଦଲଜିତଙ୍କ ମନ କିଣିନେଇଥିଲେ ନିଖିଲ । ବ୍ରିଟେନର ଜଣେ ବିଜେନେସ ମ୍ୟାନ ତଥା ଦଲଜିତଙ୍କ ପୁରୁଷ ବନ୍ଧୁ ନିଖିଲ ପଟେଲଙ୍କୁ ବିବାହ କରିଛନ୍ତି ଦଲଜିତ୍ । ନିଖିଲ ମଧ୍ୟ ଆଗରୁ ବିବାହିତ । ତାଙ୍କର ମଧ୍ୟ ଦୁଇ ଝିଅ ଅଛନ୍ତି । ଉଭୟଙ୍କ ପିଲାମାନେ ମଧ୍ୟ ବିବାହରେ ସାମିଲ ହୋଇଥିବା ଦେଖିବାକୁ ମିଳିଛି ।
ଦଲଜିତ୍ ଓ ନିଖିଲଙ୍କ ନିର୍ବନ୍ଧ ଜାନୁଆରୀ ମାସରେ ହୋଇଥିଲା । ଆଉ ଗତକାଲି (ଶନିବାର) ପରିବାର ଓ ସାଥୀ କଳାକାରଙ୍କ ଗହଣରେ ଉଭୟଙ୍କ ବିବାହ ସମ୍ପର୍ଣ୍ଣ ହୋଇଛି । ନାଲି ଓଢଣୀ ଓ ହ୍ବାଇଟ ଲେହେଙ୍ଗାରେ ଖୁବ ସୁନ୍ଦର ଲାଗୁଥିଲା ଦଲଜିତ୍ । ବୈଦିକ ରୀତିନୀତିରେ ବିବାହ ସମ୍ପର୍ଣ୍ଣ ହୋଇଛି । ଦଲଜିତ୍ ଅନେକ ଟିଭି ସିରିଏଲରେ କାମ କରିଛନ୍ତି । ଲୋକପ୍ରିୟ ସିରିୟଲ ଇସ ପ୍ୟାର କୋ କ୍ୟା ନାମ ଦୁ, ଗୁଟନ ତୁମସେ ନା ହୋ ପାୟେଗା, କୁଳବଧୂ ଭଳି ସିରୟଲରେ ଅଭିନୟ କରିଛନ୍ତି । ଦୁବାଇରେ ଏକ ପାର୍ଟିରେ ନିଖିଲଙ୍କୁ ଭେଟିଥିଲେ ଦଲଜିତ୍ । ପ୍ରଥମେ ବନ୍ଧୁତା ଓ ପରେ ପ୍ରେମରେ ପରିଣତ ହୋଇଥିଲା ସମ୍ପର୍କ । ଏହାପରେ ଉଭୟ ପରସ୍ପରକୁ ଜୀବନସାଥୀ କରିଛନ୍ତି ।
ଏହା ବି ପଢନ୍ତୁ...Watch: ଓସ୍କାର ଜିତି ହୋମଟାଉନ ଫେରିଲେ RRR ଷ୍ଟାର ରାମ ଚରଣ, ଫ୍ୟାନ୍ସ ମହଲରେ ଉତ୍ସାହ
ଦଲଜିତ୍ କୌରଙ୍କ ବିବାହ ଉତ୍ସବରେ ଅନେକ ସାଥୀ କଳାକାର ଯୋଗ ଦେଇଥିଲେ । କରିସ୍ମା ତନ୍ନା, ସନାୟା ଇରାନୀ, ରିଧି ଦୋଗରା, ବରୁଣ ସୋବିତ ସାମିଲ ହୋଇଥିଲେ । ସଙ୍ଗୀତ, ହଲଦୀ ସମାରୋହରେ ସମସ୍ତ ସାଥୀ କଳାକାର ସାମିଲ ହୋଇ ଧୁମ ମଚାଇଥିଲେ ଯାହାର ଭିଡିଓ ଫଟୋ ସୋସିଆଲ ମିଡିଆରେ ସେୟାର କରିଛନ୍ତି । ବିଗବସ ସିଜିନ 13ରେ ନଜର ଆସିଥିଲେ ଦଲଜିତ୍ କୌର ।
