ହାଇଦ୍ରାବାଦ: ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଏବଂ ଆପ ନେତା ରାଘବ ଚଢା ବିବାହ ଗୁଜବ ନେଇ ଶିରୋନାମାରେ ରହିଆସୁଛନ୍ତି। ଏଥିସହ ଏହି କପଲଙ୍କ ବିବାହ ଖବର ସାମ୍ନାକୁ ଆସିବା ଦିନ ଠାରୁ ଫ୍ୟାନ୍ସମାନେ ମଧ୍ୟ ଉଭୟଙ୍କ ବିବାହ ଅପଡେଟ୍ ଜାଣିବା ପାଇଁ ବେଶ ଉତ୍ସାହିତ ଥାନ୍ତି। ଏହାରି ମଧ୍ୟରେ ବର୍ତ୍ତମାନ ରାଘବ ଏବଂ ପରିଣୀତିଙ୍କୁ ନେଇ ଏକ ବଡ ଖବର ଆସିଛି। ରିପୋର୍ଟ ଅନୁସାରେ, ମେ 13ରେ ପରିଣୀତି ଏବଂ ରାଘବଙ୍କ ହେବ ନିର୍ବନ୍ଧ। ତେବେ ଉଭୟ ଏପର୍ଯ୍ୟନ୍ତ ସେମାନଙ୍କ ସମ୍ପର୍କକୁ ଅଫିସିଆଲ୍ କରିନଥିବା ବେଳେ କିନ୍ତୁ ଦୁହେଁ ଖୁବ୍ ଶୀଘ୍ର ବିବାହ କରିବାକୁ ପ୍ରସ୍ତୁତ ହେଉଥିବା ଜଣାପଡିଛି।
ସୂଚନା ଥାଉ କି, ପରିଣୀତି ଏବଂ ରାଘବ ଗତ କିଛି ମାସ ଧରି ଏକାଠି ଥିଲେ ଏବଂ ଏ ବିଷୟରେ କାହାରି ପାଖରେ କୌଣସି ସୂଚନା ନଥିଲା । କିନ୍ତୁ ଯେତେବେଳେ ମୁମ୍ବାଇରେ ମଧ୍ୟାହ୍ନ ଭୋଜନ ଏବଂ ରାତ୍ରୀ ଭୋଜନରେ ଉଭୟଙ୍କୁ ପ୍ରଥମ ଥର ଏକାଠି ଦେଖାଗଲା, ସେତେବେଳେ ଏହି କପଲ୍ଙ୍କ ସମ୍ପର୍କ ନେଇ ଚର୍ଚ୍ଚାର ବିଷୟ ପାଲଟିଥିଲା । ଏହାପରେ ମଧ୍ୟ ଦିଲ୍ଲୀ-ମୁମ୍ବାଇ ବିମାନବନ୍ଦର ଏବଂ ଅନ୍ୟାନ୍ୟ ସ୍ଥାନରେ ଅଭିନେତ୍ରୀ ପରିଣୀତି ଚୋପ୍ରା ଏବଂ ଆପ୍ ସାଂସଦ ରାଘବ ଚଢାଙ୍କୁ ଅନେକ ଥର ଏକାଠି ଦେଖିବାକୁ ମିଳିଥିଲା । ଏଥିସହ ଗତ ମାସରେ ଯେତେବେଳେ ପରିଣୀତିଙ୍କ ସମ୍ପର୍କୀୟ ଭଉଣୀ ପ୍ରିୟଙ୍କା ଚୋପ୍ରା ତାଙ୍କ ଫିଲ୍ମ ସିଟାଡେଲର ପ୍ରମୋସନ ପାଇଁ ଭାରତ ଆସିଥିଲେ, ସେତେବେଳେ ପରିଣୀତି ଏବଂ ରାଘବ ଚଢାଙ୍କ ବିବାହ ହେବ ବୋଲି ମଧ୍ୟ ଅନୁମାନ କରାଯାଉଥିଲା। ହେଲେ ତାହା ହେଲା ନାହିଁ।
ସେପଟେ ଆପ୍ ନେତା ସଞ୍ଜୀବ ଆରୋରା ପରିଣୀତି ଏବଂ ରାଘବଙ୍କ ସମ୍ପର୍କକୁ ନେଇ ଅଭିନନ୍ଦନ ଜଣାଇଥିଲେ । ସଞ୍ଜୀବ ଆରୋରାଙ୍କ ଟ୍ବିଟ କରି ଲେଖିଥିଲେ, ମୁଁ ରାଘବ ଏବଂ ପରିଣୀତିଙ୍କୁ ଅଭିନନ୍ଦନ ଜଣାଉଛି । ମୋର ଶୁଭେଚ୍ଛା ସେମାନଙ୍କ ସହ ଅଛି । ତେବେ ଖୁବ ଭାଇରାଲ ହୋଇଥିଲା । ତେବେ କିଛି ଦିନ ପୂର୍ବରୁ ଯେତେବେଳେ ପରିଣୀତି ଏବଂ ରାଘବ ଚଢା ମୁମ୍ବାଇର ଏକ ରେସ୍ତୋଁରାରେ ନଜର ଆସିଥିଲେ । ସେହିଠାରୁ ଏହି କପୁଲଙ୍କ ବିବାହକୁ ନେଇ ଚର୍ଚ୍ଚା ଜୋର ଧରିଥିଲା।
ଏହା ପରେ ଏକ ସାକ୍ଷାତକାରରେ ପଞ୍ଜାବୀ ଗାୟକ ହାର୍ଦ୍ଦିକ ସାନ୍ଧୁ ମଧ୍ୟ କହିଥିଲେ ଯେ ପରିଣୀତି ଚୋପ୍ରା ଶେଷରେ ବିବାହ କରୁଛନ୍ତି, ମୁଁ ତାଙ୍କ ପାଇଁ ବହୁତ ଖୁସି ଏବଂ ତାଙ୍କୁ ଅଭିନନ୍ଦନ ଜଣାଉଛି। କଣ୍ଠଶିଳ୍ପୀ କହିଥିଲେ, 'ଯେତେବେଳେ ମୁଁ ପରିଣୀତି ସହ ଫିଲ୍ମ କୋଡ୍ ନାମ-ତିରଙ୍ଗା ପାଇଁ ସୁଟିଂ କରୁଥିଲୁ, ସେହି ସମୟରେ ସେମାନଙ୍କ ବିବାହ ବିଷୟରେ କଥାବାର୍ତ୍ତା ଚାଲିଥିଲା, ସେତେବେଳେ ପରିଣୀତି କହିଥିଲେ ଯେ, ସେ ଭଲ ପୁଅ ପାଇଛନ୍ତି ଏବଂ ବିବାହ କରିବାକୁ ଚାହୁଁଛନ୍ତି । ଏଥିସହ ସେ ଏଥିପାଇଁ ପରିଣୀତିଙ୍କୁ ଅଭିନନ୍ଦନ ମଧ୍ୟ ଜଣାଇଥିଲେ।
ବିବାହର ଗୁଜବ ମଧ୍ୟରେ ବର୍ତ୍ତମାନ ଖବର ଆସିଛି ଯେ, ଖୁବ୍ ଶୀଘ୍ର ବିବାହ ବନ୍ଦନରେ ବାନ୍ଧି ହେବେ ପରିଣୀତି ଏବଂ ରାଘବ। ଏବଂ ଚଳିତ ମାସ 13 ରେ ନୂଆଦିଲ୍ଲୀରେ ଉଭୟଙ୍କର ନିର୍ବନ୍ଧ ହେବ ।
ପରିଣୀତି ଚୋପ୍ରାଙ୍କ ୱାର୍କଫ୍ରଣ୍ଟ କଥା କହିବାକୁ ଗଲେ, ପରିଣୀତିଙ୍କୁ ଶେଷ ଥର ପାଇଁ ଫିଲ୍ମ 'ଉଞ୍ଚାଇ'ରେ ଦେଖିବାକୁ ମିଳିଥିଲା । ଯେଉଁଥିରେ ବିଗ ବି ଅମିତାଭ ବଚ୍ଚନ, ବୋମନ ଇରାନୀ ଏବଂ ଅନୁପମ ଖେର ମଧ୍ୟ ତାଙ୍କ ସହ ନଜର ଆସିଥିଲେ । ତେବେ ତାଙ୍କୁ ଖୁବ୍ ଶୀଘ୍ର ଇମତିଆଜ୍ ଅଲିଙ୍କ ନିର୍ଦ୍ଦେଶିତ ଫିଲ୍ମ 'ଚମକିଲା'ରେ ଦେଖିବାକୁ ମିଳିବ । ଏଥିରେ ଦିଲଜିତ ଦୋସାଞ୍ଜ ମଧ୍ୟ ଅଭିନୟ କରିଛନ୍ତି ।
