ମୁମ୍ବାଇ: ବଲିଉଡ ଅଭିନେତା କାର୍ତ୍ତିକ ଆର୍ଯ୍ୟନ୍ ଏବଂ ଅଭିନେତ୍ରୀ କିଆରା ଆଡଭାନୀ ପୁଣି ଥରେ ସ୍କ୍ରିନ ସେୟାର କରୁଥିବା ଦେଖିବାକୁ ମିଳିବ । ଉଭୟ ଫିଲ୍ମ 'ସତ୍ୟପ୍ରେମ କି କଥା'ରେ ଖୁବଶୀଘ୍ର ନଜର ଆସିବେ । ଏହାରି ମଧ୍ୟରେ ବର୍ତ୍ତମାନ ଫିଲ୍ମର ଟିଜର ରିଲିଜ ହୋଇଛି । ସୋସିଆଲ ମିଡିଆରେ ଫିଲ୍ମ ନିର୍ମାତା ଏହାର ଟିଜର ରିଲିଜ କରିଛନ୍ତି । କିଆରା ଏବଂ କାର୍ତ୍ତିକ ଫିଲ୍ମର ଟିଜର ସେୟାର ମଧ୍ୟ କରିଛନ୍ତି । ତେବେ ଫିଲ୍ମ ଘୋଷଣା ହେବା ଦିନ ଠାରୁ ଫ୍ୟାନ୍ସ କାର୍ତ୍ତିକ ଏବଂ କିଆରାଙ୍କ ଅନ୍-ସ୍କ୍ରିନ୍ ରୋମାନ୍ସ ପୁଣି ଥରେ ଦେଖିବାକୁ ଉତ୍ସାହର ସହ ଅପେକ୍ଷା କରିଛନ୍ତି ।
- " class="align-text-top noRightClick twitterSection" data="
">
କିଆରା ଆଡଭାନୀ ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ 'ସତ୍ୟପ୍ରେମ କି କଥାର' ଟିଜର ସେୟାର କରିଛନ୍ତି । ଟିଜର କାର୍ତ୍ତିକ ଆର୍ଯ୍ୟନଙ୍କ ପୃଷ୍ଠଭୂମି ସଂଳାପରୁ ଆରମ୍ଭ ହୋଇଛି । କାର୍ତ୍ତିକ କହୁଛନ୍ତି, "ଯେଉଁ କଥା କେବେ ପୂରଣ ହୁଏ ନାହିଁ, ପ୍ରତିଜ୍ଞା ଯାହା ଅସମ୍ପୂର୍ଣ୍ଣ, ହସ କେବେ କମ ନ ହେଉ ଏବଂ ଆଖିରୁ କେବେ ନ ବାହାରୁ ଲୁହ । ଯଦି ହୁଏ ଏଭଳି କିଛି ତେବେ ଲୁହ ତାର ହେଉ କିନ୍ତୁ ଆଖି ମୋର ହେଉ ।’’ ଏଥିସହ କାର୍ତ୍ତିକ ଏବଂ କିଆରାଙ୍କ ସୁନ୍ଦର ରୋମାଣ୍ଟିକ ସିନ ଦେଖିବାକୁ ମିଳିଛି ।
ଟିଜର ରିଲିଜ୍ ହେବା ମାତ୍ରେ ପ୍ରଶଂସକମାନେ ଏହାକୁ ବେଶ ପସନ୍ଦ କରିବା ସହ କମେଣ୍ଟ ବର୍ଷା କରିଛନ୍ତି । ପ୍ରତିକ୍ରିୟା ଦେଇ ଜଣେ ପ୍ରଶଂସକ ଲେଖିଛନ୍ତି, କିଆରା ଏବଂ କାର୍ତ୍ତିକଙ୍କ ସୁନ୍ଦର ଯୋଡି । ଅନ୍ୟ ଜଣେ ଲେଖିଛନ୍ତି, "2023 ର ଆଉ ଏକ ବ୍ଲକବଷ୍ଟର ଫିଲ୍ମ, ଫିଲ୍ମ ବହୁତ ସୁନ୍ଦର ।" ଅନ୍ୟ ଜଣେ ଲେଖିଛନ୍ତି, ଏହି ପ୍ରେମ କାହାଣୀ ଫିଲ୍ମ ପାଇଁ ଉତ୍ସାହିତ । ଟିଜର ରିଲିଜ ହେବା ପରେ ଏବେ ପ୍ରଶଂସକମାନେ କିଆରା ଏବଂ କାର୍ତ୍ତିକଙ୍କ ଆଗାମୀ ଫିଲ୍ମ 'ସତ୍ୟପ୍ରେମ କି କଥା'କୁ ନେଇ ବେଶ ଉତ୍ସାହର ସହ ଅପେକ୍ଷା କରିଛନ୍ତି । ଏହି ଫିଲ୍ମ ଚଳିତ ବର୍ଷ ଜୁନ୍ 29ରେ ସିନେମାହଲରେ ରିଲିଜ ହେବ ।
ସିଦ୍ଧାର୍ଥ ମଲହୋତ୍ରାଙ୍କୁ ବିବାହ କରିବା ପରେ କିଆରା ଆଡଭାନୀ 'ସତ୍ୟ ପ୍ରେମ କି କଥା' ସହ ରୂପା ପରଦାରେ ପ୍ରତ୍ୟାବର୍ତ୍ତନ କରୁଛନ୍ତି । ଏହି ମ୍ୟୁଜିକାଲ୍ ରୋମାଣ୍ଟିକ୍ ଫିଲ୍ମରେ ସେ କାର୍ତ୍ତିକ ଆର୍ଯ୍ୟନଙ୍କ ସହ ନଜର ଆସିବେ । ତେବେ ଏହି ଯୋଡି ପୂର୍ବରୁ ଭୁଲ୍ ଭୁଲେୟା-2ରେ ନଜର ଆସିଥିଲେ । ଏହି ଫିଲ୍ମରେ ଉଭୟଙ୍କୁ ବେଶ ପସନ୍ଦ କରିଥିଲେ ଫ୍ୟାନ୍ସ ଏବଂ ଏହି ଫିଲ୍ମ ବକ୍ସ ଅଫିସରେ ଅଧିକ ଲୋକପ୍ରିୟତା ହାସଲ କରିବା ସହ ହିଟ ହୋଇଥିଲା । ତେବେ ଉଭୟଙ୍କ 'ସତ୍ୟପ୍ରେମ କି କଥା' ଫିଲ୍ମ ମଧ୍ୟ ଭୁଲ୍ ଭୁଲେୟା-2 ଭଳି ହିଟ ହେବ ବୋଲି ଆଶା କରାଯାଉଛି।
