ମୁମ୍ବାଇ: ରାଜସ୍ଥାନର ଝିଅ ନନ୍ଦିନୀ ଗୁପ୍ତା ଫେମିନା ମିସ୍ ଇଣ୍ଡିଆ 2023 ଟାଇଟଲ୍ ଜିତିଛନ୍ତି । ସେହିପରି ଦିଲ୍ଲୀର ଶ୍ରେୟା ପୁଞ୍ଜା ପ୍ରଥମ ରନର୍ସ ଅପ୍ ଏବଂ ମଣିପୁରର ଥୌନାଓଜାମ ଷ୍ଟ୍ରେଲା ଲୁୱାଙ୍ଗ ଦ୍ବିତୀୟ ରନର୍ସ ଅପ୍ ହୋଇଛନ୍ତି । ତେବେ ଏହି ସଫଳତା ପରେ ନନ୍ଦିନୀଙ୍କ ପାଖକୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ଏହାରି ମଧ୍ୟରେ ବଲିଉଡ ଶେହଜାଦା କାର୍ତ୍ତିକ ଆର୍ଯ୍ୟନ ମଧ୍ୟ ଫେମିନା ମିସ୍ ଇଣ୍ଡିଆ 2023ର ବିଜେତାମାନଙ୍କୁ ଅଭିନନ୍ଦନ ଜଣାଇଛନ୍ତି । କାର୍ତ୍ତିକ ସୋସିଆଲ ମିଡିଆରେ ବିଜେତାଙ୍କ ସହ ଫଟୋ ସେୟାର କରି ଶୁଭେଚ୍ଛା ଜଣାଇଛନ୍ତି ।
- " class="align-text-top noRightClick twitterSection" data="
">
ଅଭିନେତା କାର୍ତ୍ତିକ ଆର୍ଯ୍ୟନ ନିଜ ଇନଷ୍ଟାଗ୍ରାମରେ ବର୍ଷର ନୂତନ ବିୟୁଟି କୁଇନ୍ସଙ୍କ ସହ ଇଭେଣ୍ଟର ଏକ ଫଟୋ ସେୟାର କରିଛନ୍ତି। ଯେଉଁଥିରେ, 'ଶେହଜାଦା' ଅଭିନେତା କାର୍ତ୍ତିକ ଆର୍ଯ୍ୟନ୍ 3 ବିଜେତାଙ୍କ ସହ ପୋଜ ଦେଉଥିବାର ନଜର ଆସିଛନ୍ତି । କାର୍ତ୍ତିକଙ୍କୁ ଫେମିନା ମିସ୍ ଇଣ୍ଡିଆ ବିଜୟିନୀ ନନ୍ଦିନୀ ଗୁପ୍ତା, ପ୍ରଥମ ରନର୍ସ ଅପ୍ ଶ୍ରେୟା ପୁଞ୍ଜା ଏବଂ ଦ୍ବିତୀୟ ରନର୍ସ ଅପ୍ ଥୋନାଜାମ ଷ୍ଟ୍ରେଲା ଲୁୱାଙ୍ଗଙ୍କ ସହ ଏକାଠି ପୋଜ୍ ଦେଇଥିବା ଦେଖିବାକୁ ମିଳିଛି । ଫଟୋ ସେୟାର କରି ଅଭିନେତା କ୍ୟାପସନରେ ଲେଖିଛନ୍ତି, "ମିସ୍ ଇଣ୍ଡିଆ 2023 ବିଜେତାମାନଙ୍କ ସହ ରହିବା ମୋ ପାଇଁ ସମ୍ମାନର କଥା । ଏବଂ ବିଜେତା ନନ୍ଦିନୀ ଗୁପ୍ତା, ଶ୍ରେୟା ପୁଞ୍ଜା ଏବଂ ଥୌନାଓଜାମ ଷ୍ଟ୍ରେଲା ଲୁୱାଙ୍ଗ ସହ ଅଂଶଗ୍ରହଣ କରିଥିବା ସମସ୍ତ ପ୍ରତିଯୋଗୀଙ୍କୁ ଶୁଭେଚ୍ଛା ।" ଏହି ପୋଷ୍ଟକୁ ଫ୍ୟାନ୍ସ ଲାଇକ କରିବା ସହ ପ୍ରତିକ୍ରିୟା ଦେଇଛନ୍ତି ।
ସୂଚନା ଥାଉ କି, ମଣିପୁରରେ ଆୟୋଜିତ 'ଫେମିନା ମିସ୍ ଇଣ୍ଡିଆ'କାର୍ଯ୍ୟକ୍ରମରେ କାର୍ତ୍ତିକଙ୍କ ବ୍ୟତୀତ ଅନେକ ବଲିଉଡ ସେଲିବ୍ରିଟି ସାମିଲ ହୋଇଥିଲେ । ଅନନ୍ୟା ପାଣ୍ଡେ, ଭୂମି ପେଡ୍ନେକର, ନେହା ଧୁପିଆ ଏବଂ ମନିଷ ପଲଙ୍କ ପରି ତାରକା ଉପସ୍ଥିତ ଥିଲେ । ନେହା ଧୁପିଆ ଜଜ ଭାବେ ସାମିଲ ହୋଇଥିବା ବେଳେ ମନିଷ ଏବଂ ଭୂମି ଉପସ୍ଥାପକ ଭାବେ ନଜର ଆସିଥିଲେ । ଅଭିନେତା କାର୍ତ୍ତିକ ଏବଂ ଅଭିନେତ୍ରୀ ଅନନ୍ୟା ପାଣ୍ଡେ ନିଜ ଦମଦାର ପରଫରମାନ୍ସରେ ଏହି ଇଭେଣ୍ଟକୁ ଆହୁରି ଆକର୍ଷଣୀୟ କରାଇଥିଲେ ।
କାର୍ତ୍ତିକ ଆର୍ଯ୍ୟନଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, କାର୍ତ୍ତିକ କିଆରା ଆଡଭାନୀଙ୍କ ସହ 'ସତ୍ୟପ୍ରେମ କି କଥା'ର ସୁଟିଂରେ ବ୍ୟସ୍ତ ଅଛନ୍ତି। ସମୀର ବିଧବାଓଙ୍କ ନିର୍ଦ୍ଦେଶିତ ଏବଂ ସାଜିଦ ନାଡିଆଡୱାଲାଙ୍କ ଦ୍ବାରା ନିର୍ମିତ ଏହି ଫିଲ୍ମଟି ଚଳିତବର୍ଷ ଜୁନ 29ରେ ରିଲିଜ ହେବ । ଏହା ବ୍ୟତୀତ କାର୍ତ୍ତିକ ହନସଲ ମେହେତାଙ୍କ ପରବର୍ତ୍ତୀ ଫିଲ୍ମ 'କ୍ୟାପଟେନ ଇଣ୍ଡିଆ' ଏବଂ କବୀର ଖାନଙ୍କ ପରବର୍ତ୍ତୀ ଅନଟାଇଟେଲ୍ଡ ଫିଲ୍ମରେ ମଧ୍ୟ ନଜର ଆସିବେ ।
