ମୁମ୍ବାଇ: ବଲିଉଡ ମେଗାଷ୍ଟାର ଅମିତାଭ ବଚ୍ଚନ ସବୁଠାରୁ ପ୍ରିୟ ଏବଂ ସମ୍ମାନିତ ଅଭିନେତାମାନଙ୍କ ମଧ୍ୟରୁ ଜଣେ । ବିଗ ବି ସବୁବେଳେ ସମୟାନୁସାରେ କାମ କରନ୍ତି ଏବଂ କର୍ମକ୍ଷେତ୍ରରେ ପହଞ୍ଚିଥାନ୍ତି । ଏଥିସହ ସେ ନିଜ ସରଳତା ସହ ନିଜ ଅଭିନୟ ଯାଦୁରେ ସମସ୍ତଙ୍କୁ ପ୍ରଭାବିତ କରିଥାନ୍ତି । କେବଳ ଏତିକି ନୁହଁ ବରଂ ସୋସିଆଲ ମିଡିଆରେ ମଧ୍ୟ ନିଆରା ଏବଂ ମଜାଳିଆ ଢଙ୍ଗରେ ପୋଷ୍ଟ ସେୟାର କରି ଫ୍ୟାନ୍ସଙ୍କ ସର୍ବଦା ମନ ଜିତିଥାନ୍ତି ବିଗ ବି । ଏହାରି ମଧ୍ୟରେ ବର୍ତ୍ତମାନ ବିଗ ବିଙ୍କ ଏକ ପୋଷ୍ଟ ସେୟାର କରିଛନ୍ତି । ଯାହାକୁ ନେଇ ଏବେ ଜୋରଦାର ଚର୍ଚ୍ଚା । ଏହି ପୋଷ୍ଟରେ ଦେଖିବାକୁ ମିଳିଛି ଅମିତାଭ ଏକ ଅଜଣା ବାଇକ ଆରୋହୀଙ୍କ ସହ ନଜର ଆସିଛନ୍ତି । ନିଜ କାର୍ଯ୍ୟକ୍ଷେତ୍ରକୁ ଯିବାକୁ ବିଳମ୍ବ ହେଉଥିବାରୁ ସେ ବାଇକ ଆରୋହୀଙ୍କଠୁ ଲିଫ୍ଟ ନେଇ ସେଟରେ ପହଞ୍ଚିଥିଲେ । ଆଉ ଉକ୍ତ ଯୁବକଙ୍କୁ ଧନ୍ୟବାଦ ମଧ୍ୟ ଜଣାଇଛନ୍ତି ।
- " class="align-text-top noRightClick twitterSection" data="
">
ରବିବାର ଦିନ ବିଗ୍ ବି ନିଜ ଇନଷ୍ଟାଗ୍ରାମରେ ବାଇକ ଆରୋହୀଙ୍କ ସହ ଫଟୋ ସେୟାର କରିଛନ୍ତି । କ୍ୟାପସନରେ ଲେଖିଛନ୍ତି, 'ବାଇକ ବନ୍ଧୁ ପାଇଁ ଧନ୍ୟବାଦ.. ତୁମକୁ ଜାଣେ ନାହିଁ... କିନ୍ତୁ ତୁମେ ବାଧ୍ୟ ହୋଇ ମୋତେ ଠିକ୍ ସମୟରେ ମୋର କାର୍ଯ୍ୟ ସ୍ଥଳରେ ପହଞ୍ଚାଇଲ... ଦ୍ରୁତ ଗତି ଏବଂ ଟ୍ରାଫିକ୍ ଜାମ୍ ଠାରୁ ଦୂରେଇ ରୁହ । ଧନ୍ୟବାଦ ହଳଦିଆ ଟି-ସାର୍ଟ ମାଲିକ ।' ତେବେ ବର୍ତ୍ତମାନ ଏହି ପୋଷ୍ଟ ଉପରେ ଅମିତାଭଙ୍କ ନାତୁଣୀ ନଭ୍ୟା ନଭେଲି ନନ୍ଦା ଏବଂ ଅନେକ କଳାକାର ଫ୍ୟାନ୍ସ ପ୍ରତିକ୍ରିୟା ଦେଇଛନ୍ତି ।
ଏହି ପୋଷ୍ଟ ଉପରେ ପ୍ରତିକ୍ରିୟା ପ୍ରକାଶ କରି ଅମିତାଭଙ୍କ ନାତୁଣୀ ହସିବା ସହ ଲାଲ ହାର୍ଟ ଇମୋଜି ସେୟାର କରିଛନ୍ତି । ସେହିପରି ଅଭିନେତା ରୋହିତ ବୋଷ ରୟ ଲେଖିଛନ୍ତି, "ତୁମେ ପୃଥିବୀର ସବୁଠାରୁ ସୁନ୍ଦର ବନ୍ଧୁ ଅମିତ ଜୀ ! ତୁମକୁ ଭଲ ପାଏ।" ସେପଟେ ସାୟାନୀ ଗୁପ୍ତା ଲେଖିଛନ୍ତି, "ଶ୍ରୀ ବଚ୍ଚନ @amitabhbachchan ସର୍ବଦା ସବୁଠୁ ସମୟାନୁବର୍ତ୍ତୀ ହୋଇଥିବାର ଶୁଣିଥିବେ । ସମୟକୁ ସମ୍ମାନ କରିବା ଆପଣଙ୍କ ପାଇଁ ପ୍ରକୃତ ଅର୍ଥ କ’ଣ ଆଜି ସମସ୍ତେ ଦେଖିପାରିବେ । ମୁଁ ଆଶା କରେ ଅଭିନେତାମାନେ ଏଥିରୁ ଗୋଟିଏ କିମ୍ବା ଦୁଇଟି ଶିଖିପାରିବେ । "
ଜଣେ ଫ୍ୟାନ୍ସ ଲେଖିଛନ୍ତି ଯେ ଆପଣ ଜଣେ ଅଜଣା ବ୍ୟକ୍ତିଙ୍କଠାରୁ ବାଇକ ଯାତ୍ରା କରିଛନ୍ତି । ହା ହା ହା! ଆଉ ଜଣେ ଲେଖିଛନ୍ତି, ଉଭୟ ହେଲମେଟ ପିନ୍ଧିନାହାନ୍ତି । ଅନ୍ୟ ଜଣେ ଲେଖିଛନ୍ତି, "ପ୍ରିୟ ସାର୍, ହେଲମେଟ ପିନ୍ଧିବା ବିଷୟରେ କଣ ? ଶୀଘ୍ର କର୍ମକ୍ଷେତ୍ରରେ ପହଞ୍ଚିବା ଫଳରେ ସୁରକ୍ଷାକୁ ଭୁଲିଗଲେ । ଆପଣଙ୍କ ଶୀଘ୍ର ପହଞ୍ଚିବା ତୁଳନାରେ ସୁରକ୍ଷା ପ୍ରାଧାନ୍ୟ ଗ୍ରହଣ କରେ।" ଆଉ ଜଣେ ଲେଖିଛନ୍ତି, ଦୟାକରି ହେଲମେଟ ପିନ୍ଧନ୍ତୁ ।
ଅମିତାଭଙ୍କ ୱାର୍କ ଫ୍ରଣ୍ଟ କଥା କହିବାକୁ ଗଲେ, ଅମିତାଭଙ୍କୁ ଆଗାମୀ ଫିଲ୍ମ ପ୍ରୋଜେକ୍ଟ କେରେ ଦେଖିବାକୁ ମିଳିବ । ସେ ଫିଲ୍ମ ପାଇଁ ମଧ୍ୟ ସୁଟିଂ ଜାରି ରଖିଛନ୍ତି । ଏଥିରେ ଅମିତାଭଙ୍କ ସମେତ ସାଉଥ ଅଭିନେତା ପ୍ରଭାସ, ଅଭିନେତ୍ରୀ ଦୀପିକା ପାଦୁକୋନ ଏବଂ ଦିଶା ପାଟାନୀ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଏଥିସହ ଫିଲ୍ମର ସୁଟିଂ ହିନ୍ଦୀ ସହ ତେଲୁଗୁରେ କରାଯାଉଛି । ଫିଲ୍ମ 2024 ଜାନୁଆରୀ 12ରେ ସିନେମା ହଲରେ ରିଲିଜ ହେବ ।
