ହାଇଦ୍ରାବାଦ: ଡେଙ୍ଗୁରେ ଆକ୍ରାନ୍ତ ହେଲେ ଅଭିନେତ୍ରୀ ଜରିନ ଖାନ । ସ୍ବାସ୍ଥ୍ୟବସ୍ଥା ବିଗିଡିବାରୁ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଜ୍ବର ସାଙ୍ଗକୁ ଶରୀର ଯନ୍ତ୍ରଣା ଭୋଗୁଛନ୍ତି । ସୋସିଆଲ ମିଡିଆରେ ଫଟୋ ସେୟାର ହେଲ୍ଥ ଅପଡେଟ ଦେଇଛନ୍ତି ଅଭିନେତ୍ରୀ । ଏଥିସହ ଜରିନ୍ ତାଙ୍କ ଫ୍ୟାନ୍ସକୁ ଡେଙ୍ଗୁ ନେଇ ସତର୍କ ରହିବାକୁ ପରାମର୍ଶ ଦେଇଛନ୍ତି ।
ଜରିନ୍ ଖାନ୍ ଏହା ପୂର୍ବରୁ ତାଙ୍କ ଇନଷ୍ଟାଗ୍ରାମରେ ଷ୍ଟୋରୀରେ ଏକ ପୋଷ୍ଟ କରିଥିଲେ, ଯେଉଁଥିରେ ତାଙ୍କ ହାତରେ ଏକ ଡ୍ରିପ ଲାଗିଥିବାର ଦେଖିବାକୁ ମିଳିଥିଲା । ତେବେ ପରେ ଏହାକୁ ଡିଲିଟ୍ କରି ଅଭିନେତ୍ରୀ ଆଉ ଏକ ପୋଷ୍ଟ କରିଥିଲେ ଯେଉଁଥିରେ ଏକ ଜୁସ୍ ଗ୍ଲାସ୍ ଦେଖିବାକୁ ମିଳିଛି । ଜରିନ୍ ଏହି ଫଟୋ ସହ ଲେଖିଛନ୍ତି- 'ରିକୋଭରୀ ମୋଡ୍'। ଏଥିସହ ଡେଙ୍ଗୁ ରୋକିବା ପାଇଁ ସତର୍କତା ଅବଲମ୍ବନ କରିବାକୁ ଜରିନ୍ ଖାନ୍ ପ୍ରଶଂସକଙ୍କୁ ନିବେଦନ କରିଛନ୍ତି ।
ମୁମ୍ବାଇରେ ଡେଙ୍ଗୁ ରୋଗ କ୍ରମାଗତ ଭାବେ ବୃଦ୍ଧି ପାଉଛି । ଚାରିଆଡେ ସ୍ବଚ୍ଛତା ଓ ପରିବେଶକୁ ସଫା ରଖିବାକୁ ଅପିଲ କରିଛନ୍ତି ଜରିନ । ସ୍ୱାସ୍ଥ୍ୟ ବିଭାଗର ରିପୋର୍ଟ ଅନୁଯାୟୀ, ଅଗଷ୍ଟ 2023ର ପ୍ରଥମ ସପ୍ତାହରେ 157 ଟି ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି । ସେପଟେ ଡେଙ୍ଗୁ କାରଣରୁ ବିଗ୍ ବସ୍ OTT 2 ଫାଇନାଲିଷ୍ଟ ଅଭିଷେକ ମାଲହାନ ମଧ୍ୟ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ତେବେ ସୋସିଆଲ ମିଡିଆରେ ଅଭିନେତ୍ରୀଙ୍କ ଫଟୋ ଭାଇରାଲ ହେଉଛି । ଏବଂ ଫ୍ୟାନ୍ସମାନେ ଜରିନଙ୍କ ଶୀଘ୍ର ସୁସ୍ଥ କାମନା କରିଛନ୍ତି ।
ଏହା ମଧ୍ୟ ପଢନ୍ତୁ: ଆଲିଆଙ୍କୁ ଲିପଷ୍ଟିକ୍ ଲଗାଇବାକୁ ମନାକଲେ ରଣବୀର, ଟ୍ରୋଲ କଲେ ଫ୍ୟାନ୍ସ
ଜରିନ୍ ଖାନଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ଅନେକ ଚଳଚ୍ଚିତ୍ରରେ ଜରିନ୍ ଖାନ୍ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ସେ ହେଟ୍ ଷ୍ଟୋରୀ 3, ବୀର, ୱଜା ତୁମ୍ ହୋ ଭଳି ଅନେକ ଚଳଚ୍ଚିତ୍ରରେ ଅଭିନୟ କରିଛନ୍ତି । ସେ ପଞ୍ଜାବୀ, ତାମିଲ ଏବଂ ତେଲୁଗୁ ଚଳଚ୍ଚିତ୍ରରେ ମଧ୍ୟ କାମ କରିଛନ୍ତି । ଏହି ଅଭିନେତ୍ରୀଙ୍କୁ କ୍ୟାଟ୍ରିନା କୈଫଙ୍କ କପି ବୋଲି ମଧ୍ୟ କୁହାଯାଏ । ତେବେ ସେ ନିଜ ଅଭିନୟ ଯାଦୁରେ ଫ୍ୟାନ୍ସଙ୍କ ମନ ଜିତିପାରି ଜଣେ ସଫଳ ଅଭିନେତ୍ରୀ ହୋଇପାରିଛନ୍ତି । ଏହି ଅଭିନେତ୍ରୀଙ୍କୁ ଶେଷ ଥର ପାଇଁ ବଲିଉଡ ଫିଲ୍ମ 'ହମ ଭୀ ଆକଲେ ତୁ ଭୀ ଆକଲେ'ରେ ଦେଖିବାକୁ ମିଳିଥିଲା । ପ୍ରଶଂସକମାନେ ଅଭିନେତ୍ରୀଙ୍କ ଅଭିନୟ ବ୍ୟତୀତ ଲୁକକୁ ବହୁତ ପସନ୍ଦ କରନ୍ତି ଏବଂ ପ୍ରଶଂସକମାନେ ଅଭିନେତ୍ରୀଙ୍କ ଫଟୋ ଏବଂ ଭିଡିଓରେ ବହୁତ ଲାଇକ କରିଥାନ୍ତି ।
