ହାଇଦ୍ରାବାଦ: ୟଶ ରାଜ ଫିଲ୍ମର୍ସର ସ୍ପାଏ ୟୁନିଭର୍ସ ଫିଲ୍ମ ଗୁଡ଼ିକ ବକ୍ସ ଅଫିସରେ ଧମାକା କରିଥାଏ । ସେ ସଲମାନ ଖାନଙ୍କ 'ଟାଇଗର' ହେଉ କି ଶାହାରୁଖ ଖାନଙ୍କ 'ପଠାନ'। ଏହି ଚଳଚ୍ଚିତ୍ର ଗୁଡ଼ିକ ଦର୍ଶକଙ୍କ ହୃଦୟ ଜିତିଥିଲା ଏବଂ ଅଧିକ ଆୟ କରି ରେକର୍ଡ ରଚିଥିଲା । YRFର ସ୍ପାଏ ୟୁନିଭର୍ସ ଚଳଚ୍ଚିତ୍ରରେ କ୍ୟାଟ୍ରିନା କୈଫ ଏବଂ ଦୀପିକା ପାଦୁକୋନଙ୍କ ମଧ୍ୟ ଦମଦାର ଷ୍ଟଣ୍ଟ ପ୍ରଦର୍ଶନ କରୁଥିବା ମଧ୍ୟ ଦେଖିବାକୁ ମିଳିଥିଲା । ଏହାରି ମଧ୍ୟରେ ଏବେ ଖବର ଆସୁଛି ଯେ ଏଥିରେ ଆଲିଆ ଭଟ୍ଟ ଏଣ୍ଟ୍ରି କରିଛନ୍ତି । ବର୍ତ୍ତମାନ ଆଲିଆଙ୍କୁ ମଧ୍ୟ ଆକ୍ସନ କରୁଥିବା ଦେଖିବାକୁ ମିଳିବ ।
ରିପୋର୍ଟ ଅନୁସାରେ, ଆଲିଆ ଭଟ୍ଟ ବର୍ତ୍ତମାନ YRF ସ୍ପାଏ ୟୁନିଭର୍ସରେ ସଲମାନ ଖାନ, ହ୍ରିତିକ ରୋଶନ ଏବଂ ଶାହାରୁଖ ଖାନଙ୍କ ଭଳି ସୁପର ଏଜେଣ୍ଟ ଭୂମିକାରେ ଅଭିନୟ କରିବେ । ଆଦିତ୍ୟ ଚୋପ୍ରା ଏବଂ ଟିମ ଆଲିଆ ଭଟ୍ଟଙ୍କ ସହ ଏକ ଏପିକ୍ ମହିଳା ଲିଡ୍ ଗୁପ୍ତଚର ଚଳଚ୍ଚିତ୍ର ଯୋଜନା କରିଛନ୍ତି । ଏକ ମିଶନରେ ଆଲିଆଙ୍କ ସହ ଏକ ଆକ୍ସନ୍ ଫିଲ୍ମ ହେବ । ଏହି ଫିଲ୍ମରେ ଆଲିଆଙ୍କୁ ଏକ ନୂଆ ଅବତାରରେ ଦେଖିବାକୁ ମିଳିବ । ତେବେ ଫିଲ୍ମର ଟାଇଟେଲ ଘୋଷଣା ହୋଇନଥିବା ବେଳେ ୟଶ ରାଜ ଫିଲ୍ମସର ଏହି ଫିଲ୍ମ 2024 ରେ ରିଲିଜ ହେବ ବୋଲି କୁହାଯାଉଛି ।
ସୂଚନା ଥାଉ କି, ୟଶ ରାଜ ସ୍ପାଏ ୟୁନିଭର୍ସର ପୂର୍ବ ଚଳଚ୍ଚିତ୍ର ଥିଲା 'ପଠାନ' ଯାହାକି ଚଳିତ ବର୍ଷ ଜାନୁଆରୀରେ ରିଲିଜ କରିଥିଲା ଏବଂ ସର୍ବାଧିକ ଆୟ କରି ରେକର୍ଡ ସୃଷ୍ଟି କରିଥିଲା । ଏହାର ପରବର୍ତ୍ତୀ ଚଳଚ୍ଚିତ୍ର 'ଟାଇଗର 3' ଚଳିତ ବର୍ଷ 10 ନଭେମ୍ବରରେ ରିଲିଜ କରିବାକୁ ଯାଉଛି । ଏହି ସ୍ପାଏ ୟୁନିଭର୍ସର ଚଳଚ୍ଚିତ୍ର 'ପଠାନ୍' ପୂର୍ବରୁ ରିଲିଜ କରିଥିଲା 'ଏକ ଥା ଟାଇଗର', 'ଟାଇଗର ଜିନ୍ଦା ହେ' ଏବଂ 'ୱାର' । ଏହି ସମସ୍ତ ଫିଲ୍ମ ବକ୍ସ ଅଫିସରେ ବ୍ଲକବଷ୍ଟର ସଫଳତା ହାସଲ କରିବାରେ ସଫଳ ହୋଇଛି । ତେବେ ବର୍ତ୍ତମାନ ଆଲିଆଙ୍କୁ ନେଇ ପ୍ରସ୍ତୁତ ହେଉଥିବା ଫିଲ୍ମ ମଧ୍ୟ ଦମଦାର ହେବ ବୋଲି ଅନୁମାନ କରାଯାଉଛି ।
ଏହା ମଧ୍ୟ ପଢନ୍ତୁ: ପ୍ୟାପଙ୍କ ଚପଲ ଉଠାଇଲେ ଆଲିଆ, ୟୁଜର୍ସ କହିଲେ ଏମିତି
ସେପଟେ ଆଲିଆଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ଆଲିଆଙ୍କୁ ଆଗାମୀ ଫିଲ୍ମ 'ରକି ଔର ରାନୀ କି ପ୍ରେମ କାହାନୀ'ରେ ଦେଖିବାକୁ ମିଳିବ । ଏହି ଫିଲ୍ମରେ ଆଲିଆଙ୍କ ସହ ରଣଭୀର ସିଂ ନଜର ଆସିବେ । ଗଲିବୟ ପରେ ଉଭୟ ଯୋଡି ପୁଣି ଏହି ଫିଲ୍ମ ସହ ସ୍କ୍ରିନ ସେୟାର କରିବେ । ରଣଭୀର ସିଂ ଏବଂ ଆଲିଆ ଭଟ୍ଟଙ୍କ ବ୍ୟତୀତ ଭେଟେରାନ୍ ଅଭିନେତା ଧର୍ମେନ୍ଦ୍ର, ଜୟା ବଚ୍ଚନ ଏବଂ ଶବାନା ଆଜମୀ ମଧ୍ୟ ଏହି ଫିଲ୍ମରେ ନଜର ଆସିବେ । ଫିଲ୍ମଟି ଜୁଲାଇ 28ରେ ସିନେମାହଲରେ ରିଲିଜ କରିବ ।
