ହାଇଦ୍ରାବାଦ: ଆଉଦିନ କେଇଟା ପରେ ସରିଯିବ ପୁରୁଣା ବର୍ଷ, ଆରମ୍ଭ ହେବ ନୂଆବର୍ଷ । ଏହି ନୂଆବର୍ଷକୁ ସ୍ୱାଗତ କରିବା ପାଇଁ ବଲିଉଡ ସେଲିବ୍ରିଟି ଚାତକ ପରି ଚାହିଁ ବସିଛନ୍ତି । କାରଣ କିଛି ହିନ୍ଦୀ କଳାକାରଙ୍କ ପାଇଁ ଚଳିତ ବର୍ଷ ଏତେଟା ଭଲ ନଥିଲା । 2020 ମସିହାରେ ସ୍ବର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ବଲିଉଡର ଲୋକପ୍ରିୟତା ଧୀରେ ଧୀରେ ତଳକୁ ଖସିଯାଉଥିବା ନଜର ଆସୁଛି । ସୁଶାନ୍ତଙ୍କ ମୃତ୍ୟୁ ପରେ ବଲିଉଡ ତାରକା ଏବଂ ଷ୍ଟାର କିଡ୍ସଙ୍କ ବିରୋଧରେ ସୋସିଆଲ ମିଡିଆରେ ବହିଷ୍କାର ଆନ୍ଦୋଳନ ଜାରି ରହିଛି, ଯାହାର ନିଆଁ ଏବେ ବି ବଲିଉଡରେ କୁହୁଳୁଛି। ଇୟର ଏଣ୍ଡର 2022 (Year Ender 2022)ର ଏହି ବିଭାଗରେ, ଆଜି ଆମେ ସେହି ଚଳଚ୍ଚିତ୍ର ଏବଂ ତାରକାଙ୍କ ବିଷୟରେ ଆଲୋଚନା କରିବା, ଯେଉଁମାନେ ସୋସିଆଲ ମିଡିଆରେ ବଏକଟ୍ ଆନ୍ଦୋଳନର ଶିକାର ହୋଇଥିଲେ ଏବଂ ଏହି ଆନ୍ଦୋଳନ ଏବେ ବି ଜାରି ରହିଛି ।
- " class="align-text-top noRightClick twitterSection" data="
">
ଦୀପିକା ପାଦୁକୋନ
ବଲିଉଡର 'ପଦ୍ମାବତୀ' ଦୀପିକା ପାଦୁକୋନ ଆଜିକାଲି ଅନେକ ଚର୍ଚ୍ଚାରେ ଅଛନ୍ତି। ନିକଟରେ ସେ ଡିସେମ୍ବର 18 ରେ ଫ୍ରାନ୍ସ ଏବଂ ଆର୍ଜେଣ୍ଟିନା ମଧ୍ୟରେ ଫିଫା ଫାଇନାଲ ଟ୍ରଫି ଉନ୍ମୋଚନ କରିଥିଲେ, କିନ୍ତୁ ଏହାପୂର୍ବରୁ ସେ ଶାହରୁଖ ଖାନଙ୍କ ସହ ଚଳଚ୍ଚିତ୍ର 'ପଠାନ'ରେ 'ବେସରମ ରଙ୍ଗ 'ଗୀତରେ ଗେରୁଆ ରଙ୍ଗର ବିକିନି ପିନ୍ଧିଥିବାରୁ ତାଙ୍କୁ ଟ୍ରୋଲ କରାଯାଇଥିଲା । ମାମଲା ଏପର୍ଯ୍ୟନ୍ତ ଥଣ୍ଡା ହୋଇନାହିଁ। ସୋସିଆଲ ମିଡିଆରେ ଅଭିନେତ୍ରୀଙ୍କ ବିରୋଧ ପ୍ରକ୍ରିୟା ଚାଲିଛି। ଏଥି ସହ ମଧ୍ୟପ୍ରଦେଶରୁ ଉତ୍ତରପ୍ରଦେଶ ପର୍ଯ୍ୟନ୍ତ ଅଭିନେତ୍ରୀ ଏବଂ ଚଳଚ୍ଚିତ୍ର ବିରୋଧରେ ତୀବ୍ର ସ୍ଲୋଗାନ ଦିଆଯାଉଛି। ବିବାଦ ଜାରି ରହିଛି। ବିରୋଧୀମାନେ କହିଛନ୍ତି ଯେ ଗୀତକୁ ଏଡିଟ୍ କରନ୍ତୁ, ନଚେତ୍ ସେମାନେ ଫିଲ୍ମ ରିଲିଜ୍ କରିବେ ନାହିଁ। ତେବେ ଏହି ଫିଲ୍ମ 25 ଜାନୁୟାରୀ 2023 ରେ ମୁକ୍ତିଲାଭ କରିବାକୁ ଯାଉଛି।
ରଣଭୀର ସିଂ
2022 ମସିହାରେ ବଲିଉଡର ଅଲରାଉଣ୍ଡର ତଥା ଅତରଙ୍ଗି ଷ୍ଟାଇଲ ପାଇଁ ଜଣାଶୁଣା ରଣଭୀର ସିଂଙ୍କୁ ମଧ୍ୟ ବହୁତ ଟ୍ରୋଲ କରାଯାଇଥିଲା। ଏହାର କାରଣ ଥିଲା ଅଭିନେତାଙ୍କ ନ୍ୟୁଡ ଫଟୋସୁଟ୍ । ଚଳିତ ବର୍ଷ ରଣଭୀରଙ୍କ ନ୍ୟୁଡ ଫଟୋସୁଟ ସୋସିଆଲ ମିଡିଆରେ ନିଆଁ ଲଗାଇଦେଇଥିଲା। ଏପରିକି ଦୀପିକା ପାଦୁକୋନଙ୍କ ସ୍ୱାମୀ ରଣଭୀରଙ୍କୁ ବ୍ୟାନ୍ କରିବାକୁ ଦାବି କରାଯାଇଥିଲା। ମହିଳା କମିଶନ ମଧ୍ୟ ରଣଭୀରଙ୍କ ଏହି କାର୍ଯ୍ୟକୁ ମହିଳାଙ୍କ ଅପମାନ ସହ ଜଡିତ ଥିବା ଦେଖିଥିଲେ। ଏହି ଉତ୍ତେଜନା ଏତେ ବଢିଯାଇଥିଲା ଯେ ଶେଷରେ ଥାନାରେ ଅଭିନେତାଙ୍କ ବିରୋଧରେ ଅଭିଯୋଗ ମଧ୍ୟ ହୋଇଥିଲା, କିନ୍ତୁ ଏହି ମାମଲା ନିଜେ ଶାନ୍ତ ପଡିଗଲା ।
ଜ୍ୟାକଲିନ୍ ଫର୍ଣ୍ଣାଣ୍ଡିସ୍
ଚଳିତ ବର୍ଷ ଆରମ୍ଭରୁ ବଲିଉଡ ଅଭିନେତ୍ରୀ ଜ୍ୟାକଲିନ୍ ଫର୍ଣ୍ଣାଣ୍ଡିସ୍ ସୋସିଆଲ୍ ମିଡିଆ ୟୁଜର୍ସଙ୍କ ଟାର୍ଗେଟରେ ରହିଆସିଛନ୍ତି। ସୋସିଆଲ ମିଡିଆରେ ଏହି ଅଭିନେତ୍ରୀଙ୍କୁ 'ଗୋଲ୍ଡ ଡିଗର୍' ଆଖ୍ୟା ଦିଆଯାଇଛି। ଅଭିନେତ୍ରୀଙ୍କୁ ବିରୋଧ କରିବା ସହିତ ତାଙ୍କୁ ବଲିଉଡରୁ ଦୂରେଇ ରଖିବାକୁ ମଧ୍ୟ ଦାବି କରାଯାଇଥିଲା। ପ୍ରକୃତ କଥା ହେଉଛି ଅଭିନେତ୍ରୀ ମହାଠକ ସୁକେଶ ଚନ୍ଦ୍ରଶେଖରଙ୍କଠାରୁ ମୂଲ୍ୟବାନ ଉପହାର ଏବଂ ନଗଦ ଟଙ୍କା ନେଇଥିବା ଅଭିଯୋଗ ହୋଇଛି। ଏହି ପ୍ରସଙ୍ଗରେ ଜ୍ୟାକଲିନ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ରେ ମଧ୍ୟ ଅନେକ ଥର ହାଜର ହୋଇଛନ୍ତି ଏବଂ ତଦନ୍ତ ଜାରି ରହିଛି। ଚଳିତ ବର୍ଷ ସୁକେଶଙ୍କ ସହ ଜ୍ୟାକଲିନଙ୍କ ଅନ୍ତରଙ୍ଗ ଫଟୋ ମଧ୍ୟ ସାମ୍ନାକୁ ଆସିଥିଲା । ବର୍ତ୍ତମାନ ଜ୍ୟାକଲିନ ନିଜକୁ ନିର୍ଦ୍ଦୋଷ ବୋଲି ଦାବି କରୁଛନ୍ତି। ଏପଟେ ସୁକେଶ ଚନ୍ଦ୍ରଶେଖର ଜେଲରେ ବନ୍ଦୀ ଅଛନ୍ତି।
ଅକ୍ଷୟ କୁମାର
ଚଳିତ ବର୍ଷ ବଲିଉଡ ଖିଲାଡି କୁମାରଙ୍କ ପାଇଁ ବିଶେଷ କିଛି ନଥିଲା। ବର୍ଷ ଆରମ୍ଭରେ ମୁକ୍ତିଲାଭ କରିଥିବା ଚଳଚ୍ଚିତ୍ର 'ସୂର୍ଯ୍ୟବଂଶୀ' ଏବଂ 'ବେଲବଟମ୍' ବକ୍ସ ଅଫିସରେ ଧମାଲ କରିଥିଲା, କିନ୍ତୁ ଏହା ପରେ ଅଭିନେତାଙ୍କ ଚଳଚ୍ଚିତ୍ର 'ବଚ୍ଚନ ପାଣ୍ଡେ', 'ରକ୍ଷା ବନ୍ଧନ', 'ସମ୍ରାଟ ପୃଥ୍ବୀରାଜ', 'କଟପୁତଲି' ଏବଂ 'ରାମସେଟୁ' ଅଭିନେତା କ୍ୟାରିୟରକୁ ବୁଡ଼ାଇ ଦେଇଥିଲା। ସୋସିଆଲ ମିଡିଆରେ ଅକ୍ଷୟ କୁମାରଙ୍କୁ ଅଧିକ ଟ୍ରୋଲ କରାଯାଇଥିଲା ଯେତେବେଳେ ତାଙ୍କୁ ଫିଲ୍ମ 'ସମ୍ରାଟ ପୃଥ୍ବୀରାଜ'ରେ ଅଭିନୟ କରୁଥିବା ଦେଖିବାକୁ ମିଳିଥିଲା। ସୋସିଆଲ ମିଡିଆରେ ଅକ୍ଷୟଙ୍କ ପ୍ରୀତିରାଜ ଚୌହାନ ଲୁକକୁ ବହୁତ ଟ୍ରୋଲ କରିବାକୁ ପଡିଲା। ନାନା ପ୍ରତିବାଦ ପରେ ଫିଲ୍ମର ନାମ 'ପୃଥ୍ବୀରାଜ' ରୁ 'ସମ୍ରାଟ ପୃଥ୍ବୀରାଜ' ରେ ପରିବର୍ତ୍ତନ କରାଯାଇଥିଲା।
ରଣବୀର କପୁର
ରଣବୀର କପୁର ଏବଂ ଆଲିଆ ଭଟ୍ଟଙ୍କ ଅଭିନୀତ ଡେବ୍ୟୁ ଚଳଚ୍ଚିତ୍ର 'ବ୍ରହ୍ମାସ୍ତ୍ର' ଯଦିଓ ବୁଡ଼ିଯାଉଥିବା ବଲିଉଡକୁ ସାହାରା ଦେଇଥିଲା, କିନ୍ତୁ ଫିଲ୍ମର ଏକ ସିନ୍ ଯୋଗୁଁ ରଣବୀର କପୁର ସୋସିଆଲ ମିଡିଆ ୟୁଜର୍ସଙ୍କ ଟାର୍ଗେଟକୁ ଆସିଯାଇଥିଲେ। ଏହି ସିନ୍ ଯୋଗୁଁ ସୋସିଆଲ ମିଡିଆରେ ଫିଲ୍ମକୁ ନେଇ ବଏକଟ୍ ଟ୍ରେଣ୍ଡ ଆରମ୍ଭ ହୋଇଥିଲା । ଫିଲ୍ମର ଏକ ସିନ୍ରେ ରଣବୀରଙ୍କୁ ମନ୍ଦିରରେ ଜୋତା ପିନ୍ଧିଥିବାର ଦେଖାଯାଇଥିଲା, ଯେଉଁଥିରେ ଲୋକମାନେ କ୍ରୋଧିତ ହୋଇଥିଲେ ଏବଂ ସେମାନେ ଫିଲ୍ମ ଏବଂ ରଣବୀର କପୁରଙ୍କୁ ବହୁ ପରିମାଣରେ ବଏକଟ୍ କରିବା ଆରମ୍ଭ କରିଥିଲେ। ବଏକଟ୍ ସତ୍ତ୍ବେ ଚଳିତ ବର୍ଷ ସେପ୍ଟେମ୍ବର 9 ରେ ମୁକ୍ତିଲାଭ କରିଥିବା ଏହି ଫିଲ୍ମ ବକ୍ସ ଅଫିସରେ 400 କୋଟିରୁ ଅଧିକ ଆୟ କରିଥିଲା।
- " class="align-text-top noRightClick twitterSection" data="
">
ବିଜୟ ଦେବରାକୋଣ୍ଡା
ଦକ୍ଷିଣ ଚଳଚ୍ଚିତ୍ର ଇଣ୍ଡଷ୍ଟ୍ରିରେ 'ଅର୍ଜୁନ ରେଡ୍ଡୀ' (2017), 'ଗୀତା ଗୋବିନ୍ଦମ୍' (2018) ଏବଂ 'ଡିୟର କମରେଡ' (2019) ଭଳି ହିଟ୍ ଫିଲ୍ମ ଦେଇଥିବା ତେଲୁଗୁ ଅଭିନେତା ବିଜୟ ଦେବରାକୋଣ୍ଡା ଚଳିତ ବର୍ଷ ବଲିଉଡରେ ଡେବ୍ୟୁ କରିଥିଲେ। ଚଳଚ୍ଚିତ୍ର 'ଲାଇଗର୍' ଚଳିତ ବର୍ଷ ଅଗଷ୍ଟ 25 ରେ ମୁକ୍ତିଲାଭ କରିଥିଲା, କିନ୍ତୁ ବଲିଉଡର ବଏକଟ୍ ଟ୍ରେଣ୍ଡରେ ବିଜୟ 'ଦେଖ ଲେଙ୍ଗେ' କହି ଫସିଯାଇଥିଲେ। ବିଜୟଙ୍କ ଏହି ବଡ ଶବ୍ଦ ତାଙ୍କ ବଲିଉଡ କ୍ୟାରିୟରକୁ ଖରାପ କରିଦେଇଥିଲା ଏବଂ ଅଭିନେତାଙ୍କ ଫିଲ୍ମ ନ ଦେଖି ଲୋକମାନେ ତାଙ୍କୁ ଉପଯୁକ୍ତ ଉତ୍ତର ଦେଇଥିଲେ । ଲୋକମାନେ ଅଭିନେତା ଏବଂ ତାଙ୍କ ଚଳଚ୍ଚିତ୍ରକୁ ଏପରି ଶିକ୍ଷା ଦେଇଥିଲେ ଯେ ଏକ ସପ୍ତାହ ମଧ୍ୟରେ ପ୍ରେକ୍ଷାଳୟରୁ ଫିଲ୍ମ ହଟାଇ ଦିଆଗଲା । ଫିଲ୍ମର ଅବସ୍ଥା ଏତେ ଖରାପ ହୋଇଥିଲା ଯେ 125 କୋଟି ଟଙ୍କା ବଜେଟରେ ନିର୍ମିତ ଏହି ଫିଲ୍ମ ବକ୍ସ ଅଫିସରେ 50 କୋଟି ଛୁଇଁ ପାରି ନଥିଲା । ତେବେ ବିଜୟଙ୍କ ବଲିଉଡ କ୍ୟାରିୟର ସମ୍ପୂର୍ଣ୍ଣ ବନ୍ଦ ହୋଇଯାଇଥିବା ଜଣାପଡିଛି।
