ହାଇଦ୍ରାବାଦ: ଆଜି ବଲିଉଡ ଅଭିନେତ୍ରୀ ଜାହ୍ନବୀ କପୁରଙ୍କ ଭଉଣୀ ତଥା ଅଭିନେତ୍ରୀ ଖୁସି କପୁରଙ୍କ ୨୩ତମ ଜନ୍ମଦିନ ପାଳନ କରୁଛନ୍ତି । ଏହି ଅବସରରେ ମୁମ୍ବାଇର ଏକ ହୋଟେଲରେ ଲଞ୍ଚ ପାର୍ଟିର ଆୟୋଜନ କରିଥିଲେ । ଏହି ସମୟରେ ଜାହ୍ନବୀ କପୁର ରୁମର ବୟଫ୍ରେଣ୍ଡ ଶିଖର ପହରିଆଙ୍କ ସହ ନଜର ଆସିଛନ୍ତି । ଏଥି ସହ ଏଥିରେ ସୁପରଷ୍ଟାର ଶାହରୁଖ ଖାନଙ୍କ ଝିଅ ସୁହାନା ଖାନ ଯୋଗ ଦେଇଥିଲେ । ତେବେ ସେଠାରୁ ସମସ୍ତଙ୍କ ଭିଡିଓ ଏବଂ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି ।
ଇନଷ୍ଟାଗ୍ରାମରେ ଜଣେ ପାପରାଜିଙ୍କ ଦ୍ବାରା ସେୟାର ହୋଇଥିବା ଭିଡିଓରେ ଖୁସି କପୁରଙ୍କ ଜନ୍ମଦିନ ଲଞ୍ଚ ପାର୍ଟିରେ ଜାହ୍ନବୀ, ଶିଖର ଏବଂ ସୁହାନାଙ୍କୁ ଦେଖିବାକୁ ମିଳିଛି । ଏହି ସମୟରେ ଖୁସିଙ୍କୁ ହ୍ବାଇଟ ରଙ୍ଗର ଆଉଟଫିଟରେ ଏବଂ ଜାହ୍ନବୀ ଲାଲ ରଙ୍ଗର ଫ୍ରକରେ ନଜର ଆସିଥିବା ବେଳେ ଶିଖରଙ୍କୁ ବ୍ରାଉନ ସାର୍ଟ ସହ ବ୍ଲୁ ଜିନ୍ସରେ ଦେଖିବାକୁ ମିଳିଛି । ସେହିପରି ସୁହାନାଙ୍କୁ ପିଙ୍କ ରଙ୍ଗର ଆଉଟଫିଟରେ ଦେଖିବାକୁ ମିଳିଛି । ଏହି ଫଟୋ ସେୟାର ହେବା ମାତ୍ରେ ଫ୍ୟାନ୍ସ ଏହାକୁ ଲାଇକ କରିବା ସହ ପ୍ରତିକ୍ରିୟାରେ ଖୁସିଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି ।
ଏହା ବ୍ୟତୀତ ଦ ଆର୍ଚିସ ଫିଲ୍ମ ନିର୍ମାତା ଜୋୟା ଅଖତର ଖୁସିଙ୍କୁ ତାଙ୍କ ଜନ୍ମଦିନରେ ଶୁଭେଚ୍ଛା ଜଣାଇଛନ୍ତି । ଜୋୟା ଇନଷ୍ଟାଗ୍ରାମରେ ଫିଲ୍ମର ସେଟର ଏକ ଫଟୋ ସେୟାର କରିଛନ୍ତି । କ୍ୟାପସନରେ ଲେଖିଛନ୍ତି, ଜନ୍ମଦିନର ଶୁଭେଚ୍ଛା ଝିଅ । ସେହିପରି ସୋନମ କପୁର ସମ୍ପର୍କୀୟ ସାନ ଭଉଣୀଙ୍କୁ ଜନ୍ମଦିନରେ ଏକ ସୁନ୍ଦର ଫଟୋ ମଧ୍ୟ ସେୟାର କରିଛନ୍ତି । ଏହି ଫଟୋ ସହ ଅଭିନେତ୍ରୀ କ୍ୟାପସନରେ ଲେଖିଛନ୍ତି, 'ଆମ ପରିବାରର ସାନ ଝିଅକୁ ଜନ୍ମଦିନର ଶୁଭେଚ୍ଛା... ଲଭ୍ ୟୁ ସ୍ବିଟି'। ସେପଟେ ଅର୍ଜୁନ କପୁର ମଧ୍ୟ ନିଜ ଉଭଣୀ ଖୁସିକୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି ।
ଏହା ମଧ୍ୟ ପଢନ୍ତୁ: ଏହି ଦିନ ରିଲିଜ ହେବ ସୁହାନା ଖାନ, ଖୁସି କପୁର ଓ ଅଗସ୍ତ୍ୟ ନନ୍ଦାଙ୍କ ଡେବ୍ୟୁ ଫିଲ୍ମ
ୱାର୍କ ଫ୍ରଣ୍ଟ କଥା କହିବାକୁ ଗଲେ, ଜାହ୍ନବୀ କପୁର ରାଜକୁମାର ରାଓଙ୍କ ସହ ମିଷ୍ଟର ଏବଂ ମିସେସ ମାହି ଏବଂ ଗୁଲଶନ ଦେବୟାଙ୍କ ସହ ରାଜନୈତିକ ଥ୍ରୀଲର ଉଲଝରେ ନଜର ଆସିବେ । ଏଥିସହ ସେ ଜୁନିଅର ଏନଟିଆରଙ୍କ ସହ ମଧ୍ୟ ଫିଲ୍ମ ଦେବାୟା ସହ ସାଉଥରେ ଡେବ୍ୟୁ କରିବାକୁ ଯାଉଛନ୍ତି । ସେପଟେ ଖୁସୀ କପୁରଙ୍କ କଥା କହିବାକୁ ଗଲେ, ସେ ଜୋୟା ଅଖତରଙ୍କ ନିର୍ଦ୍ଦେଶିତ ଦ ଆର୍ଚିସରେ ନେଟଫ୍ଲିକ୍ସ ଡେବ୍ୟୁ କରିବାକୁ ପ୍ରସ୍ତୁତ ଅଛନ୍ତି । ଏହି ଫିଲ୍ମରେ ଖୁସୀ ଏବଂ ସୁହାନାଙ୍କ ବ୍ୟତୀତ ଅମିତାଭ ବଚ୍ଚନଙ୍କ ନାତି ଅଗସ୍ତ୍ୟ ନନ୍ଦ ମଧ୍ୟ ଅଭିନୟ ଡେବ୍ୟୁ କରିବାକୁ ଯାଉଛନ୍ତି । ଡିସେମ୍ବର 7ରେ ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ଦ ଆର୍ଚିସ ରିଲିଜ ହେବ ।
